kasganj altaf Case : ଉତ୍ତରପ୍ରଦେଶ ସରକାରଙ୍କୁ ଘେରିଲେ ମାୟାବତୀ, ଉଚ୍ଚ ସ୍ତରୀୟ ଯାଞ୍ଚ ପାଇଁ କଲେ ଦାବି
ଘଟଣାରେ ସରକାରଙ୍କ ତରଫରୁ ଏକ ଉଚ୍ଚ ସ୍ତରୀୟ ତଦନ୍ତ କରି ବିସିପି ସୁପ୍ରିମୋ ମାୟାବତୀ ଦୋଷୀକୁ କଠୋର ଦଣ୍ଡ ଏବଂ ପୀଡିତାଙ୍କ ପରିବାରକୁ ସହାୟତା ଦାବି କରିଛନ୍ତି । ଏହାପୂର୍ବରୁ ସମାଜବାଜୀ ପାର୍ଟି ଅଧ୍ୟକ୍ଷ ଅଖିଳେଶ ଯାଦବ ଏ ସମ୍ପର୍କରେ ନ୍ୟାୟିକ ତଦନ୍ତ ଦାବି କରିଥିଲେ
କାସଗଞ୍ଜ : ଉତ୍ତରପ୍ରଦେଶର କାସଗଞ୍ଜ ଜିଲ୍ଲାରେ ହେପାଜତରେ ଥିବା ଯୁବକଙ୍କ ସମ୍ପର୍କରେ ପୋଲିସ ଉପରେ ପୁଣି ଥରେ ପ୍ରଶ୍ନ ଉଠିଛି । ଏଥି ସହିତ ଏହି ପ୍ରସଙ୍ଗରେ ରାଜନୀତି ମଧ୍ୟ ଆରମ୍ଭ ହୋଇଛି । ରାଜନୈତିକ ଦଳର ନେତାମାନେ ଏହି ପ୍ରସଙ୍ଗରେ ୟୁପି ସରକାରଙ୍କୁ ଘେରି ରହିଛନ୍ତି । ଏହି ଘଟଣାରେ ସରକାରଙ୍କ ତରଫରୁ ଏକ ଉଚ୍ଚ ସ୍ତରୀୟ ତଦନ୍ତ କରି ବିସିପି ସୁପ୍ରିମୋ ମାୟାବତୀ ଦୋଷୀକୁ କଠୋର ଦଣ୍ଡ ଏବଂ ପୀଡିତାଙ୍କ ପରିବାରକୁ ସହାୟତା ଦାବି କରିଛନ୍ତି । ଏହାପୂର୍ବରୁ ସମାଜବାଜୀ ପାର୍ଟି ଅଧ୍ୟକ୍ଷ ଅଖିଳେଶ ଯାଦବ ଏ ସମ୍ପର୍କରେ ନ୍ୟାୟିକ ତଦନ୍ତ ଦାବି କରିଥିଲେ ।
ମାୟାବତୀ ଗୁରୁବାର ଏକ ଟ୍ୱିଟ୍ କରି କହିଛନ୍ତି ଯେ "କାସଗଞ୍ଜରେ ପୋଲିସ୍ ହେପାଜତରେ ଥିବା ଯୁବକଙ୍କର ମୃତ୍ୟୁ ଅତ୍ୟନ୍ତ ଦୁଃଖଦ ଓ ଲଜ୍ଜାଜନକ । ଏହି ଘଟଣାର ଉଚ୍ଚ ସ୍ତରୀୟ ତଦନ୍ତ କରି ସରକାର ଦୋଷୀମାନଙ୍କୁ କଠୋର ଦଣ୍ଡ ଦେବା ସହ ପୀଡିତାଙ୍କ ପରିବାରକୁ ସାହାଯ୍ୟ କରିବା ଉଚିତ୍ । ଉତ୍ତରପ୍ରଦେଶ ସରକାର ପ୍ରତିଦିନ ହେପାଜତରେ ମୃତ୍ୟୁକୁ ରୋକିବାରେ ତଥା ପୋଲିସକୁ ଜନସାଧାରଣଙ୍କ ତ୍ରାଣକର୍ତ୍ତା କରିବାରେ ବିଫଳ ହେବା ଅତ୍ୟନ୍ତ ଚିନ୍ତାର ବିଷୟ ।"
ଏହା ପୂର୍ବରୁ ବୁଧବାର ଅଖିଳେଶ ଯାଦବ ଟ୍ୱିଟ୍ କରି କହିଛ୍ତି, 'ପୋଲିସ ଷ୍ଟେସନରେ ପଚରାଉଚୁରା ପାଇଁ ଆଣିଥିବା ଯୁବକଙ୍କ ହେପାଜତରେ ମୃତ୍ୟୁ ମାମଲା ଅତ୍ୟନ୍ତ ସନ୍ଦେହଜନକ । ଅବହେଳା ନାମରେ କିଛି ପୋଲିସ କର୍ମୀଙ୍କ ନିଲମ୍ବନ କେବଳ ଦେଖାଣିଆ ପଦକ୍ଷେପ । ଏହି ମାମଲାରେ ନ୍ୟାୟ ଏବଂ ବିଜେପି ଶାସନରେ ପୋଲିସ ଉପରେ ବିଶ୍ୱାସ ଫେରାଇ ଆଣିବା ପାଇଁ ଏହି ପ୍ରସଙ୍ଗରେ ନ୍ୟାୟିକ ତଦନ୍ତ ହେବା ଆବଶ୍ୟକ ।'
ସୂଚନାଯୋଗ୍ୟ, ଅଲତାଫଙ୍କ ପୁଅ ଚାହତ ମିଆଁ ଓରଫ୍ ଚାନ୍ଦ ମିଆଁ ନଗଲା ସୈୟଦ ଅହରୋଲିର ବାସିନ୍ଦା ଥିଲେ । ସେ ଘରମାନଙ୍କରେ ପେଣ୍ଟିଂ କାମ କରୁଥିଲେ । ସେ ଏକ ଟାଇଲ ଦୋକାନରେ ରହି ପରିବାର ପ୍ରତିପୋଷଣ ପାଇଁ ଶ୍ରମିକ ଭାବରେ କାମ କରୁଥିଲେ । ନିକଟରେ ନାବାଳିକାଙ୍କ ବାପାଙ୍କ ଅଭିଯୋଗ ଉପରେ ପୋଲିସ ଅଲତାଫକୁ ଉଠାଇ ନେଇଥିଲା । ଏହି ସମୟରେ ସନ୍ଦେହଜନକ ପରିସ୍ଥିତିରେ ଅଲତାଫଙ୍କର ମୃତ୍ୟୁ ହୋଇଥିଲା । ପୋଲିସ ଦାବି କରିଛି ଯେ ଅଲତାଫ ନିଜକୁ ବାଥରୁମରେ ଫାଶୀ ଦେଇଥିଲେ ଯାହା ଫଳରେ ତାଙ୍କ ମୃତ୍ୟୁ ହୋଇଥିଲା । ଏଥିସହ ପରିବାର ଲୋକେ ପୋଲିସ ଉପରେ ହତ୍ୟା ଅଭିଯୋଗ ଆଣିଛନ୍ତି । ଏହି ମାମଲାରେ ଅବହେଳା ହେତୁ ଏସପି 5 ଜଣ ପୋଲିସ କର୍ମଚାରୀଙ୍କୁ ନିଲମ୍ବିତ କରିଛନ୍ତି ।
Click it and Unblock the Notifications
Sign in with Google