ବସଭରାଜ ବୋମ୍ମାଇ ମନ୍ତ୍ରୀଙ୍କ ଅଡିଓ ଲିକ୍, କହିଲେ - 'ଆମେ ସରକାର ଚଳାଉ ନାହୁଁ, ବରଂ ପରିଚାଳନା କରୁଛୁ'
କର୍ଣ୍ଣାଟକ ସରକାରରେ ଆଇନ ମନ୍ତ୍ରୀ ଜେସି ମଧୁସ୍ୱାମୀଙ୍କ ଏକ ଅଡିଓ ଲିକ୍ ହୋଇଛି ଯେଉଁଥିରେ ସେ କହୁଛନ୍ତି ଯେ ‘ଆମେ ସରକାର ଚଳାଉ ନାହୁଁ, ଆମେ ଏହାକୁ ପରିଚାଳନା କରୁଛୁ' । ଏହି ଅଡିଓ କ୍ଲିପ୍ ପାଇଁ ସିଏମ୍ ବୋମ୍ମାଇଙ୍କୁ ଅସୁବିଧାର ସମ୍ମୁଖୀନ ହେବାକୁ ପଡ଼ିଛି ।
ବାଙ୍ଗାଲୋର : କର୍ଣ୍ଣାଟକରେ ମୁଖ୍ୟମନ୍ତ୍ରୀ ପରିବର୍ତ୍ତନକୁ ନେଇ କଳ୍ପନାଜଳ୍ପନା ଦୀର୍ଘ ଦିନ ଧରି ଚାଲିଆସୁଛି । ଯଦିଓ କର୍ଣ୍ଣାଟକ ବିଜେପିର ସାଧାରଣ ସମ୍ପାଦକ ତଥା ରାଜ୍ୟ ଦାୟିତ୍ୱରେ ଥିବା ଅରୁଣ ସିଂହ ଏହି କଳ୍ପନା ଜଳ୍ପନାର ଅନ୍ତ ଘଟାଇ କହିଛନ୍ତି ଯେ ବସଭରାଜଙ୍କ ନେତୃତ୍ୱରେ କର୍ଣ୍ଣାଟକର ପରବର୍ତ୍ତୀ ବିଧାନସଭା ନିର୍ବାଚନରେ ବିଜେପି ଲଢିବ । କିନ୍ତୁ ଅରୁଣ ସିଂହଙ୍କ ଏହି ବୟାନ ଅହି କଳ୍ପନାକୁ ହ୍ରାସ କରିପାରିନାହିଁ, କାରଣ ବମ୍ମାଇଙ୍କ ସରକାରରେ ଜଣେ ମନ୍ତ୍ରୀଙ୍କ ଅଡିଓ ଲିକ୍ ଆଜିକାଲି ଚର୍ଚ୍ଚାର ବିଷୟ ପାଲଟିଛି ।
ବାସ୍ତବରେ କର୍ଣ୍ଣାଟକ ସରକାରରେ ଆଇନ ମନ୍ତ୍ରୀ ଜେସି ମଧୁସ୍ୱାମୀଙ୍କ ଏକ ଅଡିଓ ଲିକ୍ ହୋଇଛି ଯେଉଁଥିରେ ସେ କହୁଛନ୍ତି ଯେ 'ଆମେ ସରକାର ଚଳାଉ ନାହୁଁ, ଆମେ ଏହାକୁ ପରିଚାଳନା କରୁଛୁ' । ଜେସି ମଧୁସ୍ୱାମୀଙ୍କ ଏହି ଅଡିଓ କ୍ଲିପ୍ ପାଇଁ ସିଏମ୍ ବୋମ୍ମାଇଙ୍କୁ ଅସୁବିଧାର ସମ୍ମୁଖୀନ ହେବାକୁ ପଡ଼ିଛି । ଏହି ଅଡିଓ କ୍ଲିପ୍ ର ସତ୍ୟତାକୁ ମୁଖ୍ୟମନ୍ତ୍ରୀ ନିଜେ ନିଶ୍ଚିତ କରିଛନ୍ତି । ତେବେ ଏହି ଅଡିଓ କ୍ଲିପ୍ର ଅର୍ଥକୁ ଅନ୍ୟ ଉପାୟରେ ନିଆଯାଉଛି ବୋଲି ସେ କହିଛନ୍ତି ।
CM ପାଇଁ ଅସୁବିଧା ସୃଷ୍ଟି କରିବକି ମଧୁସ୍ୱାମୀଙ୍କ ଅଡିଓ କ୍ଲିପ୍ !
ଆମେ ଆପଣଙ୍କୁ କହି ରଖୁଛୁ ମଧୁସ୍ୱାମୀଙ୍କ ଏହି ଅଡିଓ କ୍ଲିପ୍ ମୁଖ୍ୟମନ୍ତ୍ରୀଙ୍କ ଅସୁବିଧାକୁ ବଢାଇ ଦେଇଛି, କାରଣ ରାଜ୍ୟରେ ଦୀର୍ଘ ଦିନ ଧରି ଅସନ୍ତୋଷ ପ୍ରକାଶ ପାଇଥିବାର ଖବର ଆସୁଛି । ଆସନ୍ତା ନିର୍ବାଚନ ପୂର୍ବରୁ ତାଙ୍କୁ ହଟାଇ ଦିଆଯାଇପାରେ ବୋଲି ମଧ୍ୟ କୁହାଯାଉଛି । ସୂଚନାଯୋଗ୍ୟ, 2021 ମସିହାରେ ବସଭରାଜ ବୋମ୍ମାଇ ମୁଖ୍ୟମନ୍ତ୍ରୀ ହୋଇଥିଲେ । ତାଙ୍କୁ ବିଏସ୍ ୟେଦ୍ଦୁରପ୍ପାଙ୍କ ସ୍ଥାନରେ ସିଏମ୍ କରାଯାଇଥିଲା ।
ଏହି ପୂରା ଘଟଣା ପରେ ବିଏସ୍ ୟେଦ୍ଦୁରପ୍ପା ମଧ୍ୟ କହିଛନ୍ତି ଯେ ବସଭାରାଜ ବୋମ୍ମାଇଙ୍କ ପାଇଁ କୌଣସି ବିପଦ ନାହିଁ । ତାଙ୍କ ଆସନ ଅକ୍ଷୁର୍ଣ୍ଣ ରହିବ । ଅନ୍ୟପକ୍ଷରେ ବସଭାରାଜ ବୋମ୍ମାଇ ତାଙ୍କ ମନ୍ତ୍ରୀଙ୍କ ଅଡିଓ ଲିକ୍ ସମ୍ପର୍କରେ କହିଛନ୍ତି ଯେ ସବୁକିଛି ଠିକ୍ ଅଛି, କୌଣସି ଅସୁବିଧା ନାହିଁ। ତେବେ ବରିଷ୍ଠ ମନ୍ତ୍ରୀ ଏସ.ଟି ସୋମାଶେଖର ଆଇନ ମନ୍ତ୍ରୀଙ୍କ ଇସ୍ତଫା ଦାବି କରିଛନ୍ତି । ସେ କହିଛନ୍ତି ଯେ ମଧୁସ୍ୱାମୀ ତୁରନ୍ତ ତାଙ୍କ ପଦରୁ ଇସ୍ତଫା ଦେବା ଉଚିତ୍ ।
Click it and Unblock the Notifications
Sign in with Google