କର୍ଣ୍ଣାଟକରେ କଂଗ୍ରେସର ପୋର୍ଟଫୋଲିଓ କସରତ : ସିଦ୍ଧରମୈୟା ମୁଖ୍ୟମନ୍ତ୍ରୀ, ତିନିଜଣ ଡେପୁଟି ସିଏମ୍ ?
କର୍ଣ୍ଣାଟକରେ ସଂଖ୍ୟାଗରିଷ୍ଠତା ହାସଲ କରିବା ପରେ ସରକାର ଗଠନ କରିବାକୁ କଂଗ୍ରେସ ପ୍ରସ୍ତୁତ ଅଛି । ଏହି ସମୟରେ ଅନେକ ପ୍ରଶ୍ନ ରହିଛି ଯେ କର୍ଣ୍ଣାଟକର ପରବର୍ତ୍ତୀ ମୁଖ୍ୟମନ୍ତ୍ରୀ କିଏ ହେବେ ? ମୁଖ୍ୟମନ୍ତ୍ରୀ ଦୌଡ଼ରେ ଦୁଇ ବଡ଼ ଚେହେରା ଥିବା ନେଇ କିଛି ବିଦ୍ରୋହ ହୋଇ ପାରେ କି ?
ଏଥି ମଧ୍ୟରେ ସୂତ୍ରରୁ ପ୍ରକାଶ ଯେ ସମସ୍ତ ସମ୍ଭାବନା ରହିଛି ଯେ ପରବର୍ତ୍ତୀ ସିଏମ ହେବେ ସିଦ୍ଧରମୈୟା । ଏହା ସହ ଦଳର ମୁଖ୍ୟ ଡି କେ ଶିବକୁମାର ଏକାଧିକ ଗୁରୁତ୍ୱପୂର୍ଣ୍ଣ ପୋର୍ଟଫୋଲିଓ ପାଇବେ । ସୂତ୍ରରୁ ଏହା ମଧ୍ୟ ଜଣାପଡ଼ିଛି ଯେ କଂଗ୍ରେସ ତିନିଜଣ ଉପ-ମୁଖ୍ୟମନ୍ତ୍ରୀ କରିବା ନେଇ ବିଚାର କରୁଛି ।
ତିନି ମୁଖ୍ୟମନ୍ତ୍ରୀ ମଧ୍ୟରେ ମୁସଲମାନ, ଭୋକାଲିଗା ଏବଂ ଲିଙ୍ଗାୟତ ସମ୍ପ୍ରଦାୟରୁ ରହିପାରନ୍ତି ବୋଲି କୁହାଯାଉଛି । ଏହି ମିଶ୍ରଣର ଏକ ମୁଖ୍ୟ କାରଣ ହେଉଛି, ବିଭିନ୍ନ ସମ୍ପ୍ରଦାୟର ଭୋଟରମାନେ କଂଗ୍ରେସକୁ ଭୋଟ୍ ଦେଇଛନ୍ତି । ବିଶେଷ କରି ମୁସଲମାନମାନେ କଂଗ୍ରେସ ପାଇଁ ବିଜୟର କାରଣ ପାଲଟିଛନ୍ତି ବୋଲି କୁହାଯାଉଛି ।
ଏହି ପରାଜୟ ପରେ କଂଗ୍ରେସ ଏକ ବଡ ରାଜ୍ୟରେ ଏକ ବଡ଼ ବିଜୟ ହାସଲ କରିଛି । ତେଣୁ ଦଳର ଅନ୍ତଃକନ୍ଦଳ ପାଇଁ ଏହି ସୁଯୋଗକୁ ହାତଛଡ଼ା କରିବାକୁ ଚାହୁଁନାହିଁ ବୋଲି ସୂତ୍ରରୁ ପ୍ରକାଶ ।
ଏଥି ମଧ୍ୟରେ ସମସ୍ତ ବିଜେତା ବିଧାୟକଙ୍କୁ ରବିବାର ଦିନ ବେଙ୍ଗାଲୁରୁକୁ ଡକାଯାଇଛି । ଏଠାରେ କଂଗ୍ରେସ ବିଧାୟକ ଦଳର ଏକ ଗୁରୁତ୍ୱପୂର୍ଣ୍ଣ ବୈଠକ ହେବ । ବେଙ୍ଗାଲୁରୁର ଶାଙ୍ଗ୍ରି ଲା ହୋଟେଲରେ ଏହି ବୈଠକ ଅନୁଷ୍ଠିତ ହେବାର କାର୍ଯ୍ୟକ୍ରମ ରହିଛି । ଏହି ବୈଠକରେ ଚୂଡ଼ାନ୍ତ ନିଷ୍ପତ୍ତି ନେବା ପେର ଆସନ୍ତା ସପ୍ତାହ ସୁଦ୍ଧା ଶପଥ ଗ୍ରହଣ ସମାରୋହ ଅନୁଷ୍ଠିତ ହେବ ବୋଲି ଜଣାପଡ଼ିଛି ।
Click it and Unblock the Notifications
Sign in with Google