'ସ୍ୱାଧୀନତା ନୁହେଁ ଭିକ': କଙ୍ଗନାଙ୍କ ବିବୃତ୍ତି ରେ ବିଜେପି ନେତା କହିଲେ ସ୍ୱାଧୀନତା ସଂଗ୍ରାମୀଙ୍କ ପ୍ରତି ଅପମାନ
ଜଣେ ସ୍ୱାଧୀନତା ସଂଗ୍ରାମୀ ପିତାଙ୍କ ପୁତ୍ର ଏବଂ ସ୍ୱାଧୀନତା ସଂଗ୍ରାମୀଙ୍କ ପରିବାରରୁ ଆସିଥିବା କାରଣରୁ କଙ୍ଗନା ରାନାୱତଙ୍କ ବିବୃତ୍ତି ଭାରତକୁ ମିଳିଥିବା ସ୍ୱାଧୀନତାକୁ ଭିକ କହିବା ସ୍ୱାଧୀନତା ଶବ୍ଦର ସବୁଠାରୁ ବଡ ଅପବ୍ୟବହାର ।
ନୂଆଦିଲ୍ଲୀ : "1947 ମସିହାରେ ଭାରତକୁ ସ୍ୱାଧୀନତା ମିଳି ନଥଲା ଏହା ଭିକ ଥିଲା" ବୋଲି ହିନ୍ଦୀ ଚଳଚ୍ଚିତ୍ର ଅଭିନେତ୍ରୀ କଙ୍ଗନା ରାଣାୱତଙ୍କ ବିବୃତ୍ତିକୁ ଦିଲ୍ଲୀ ବିଜେପି ନେତା ପ୍ରବୀଣ ଶଙ୍କର କପୁର ସ୍ୱାଧୀନତା ସଂଗ୍ରାମୀଙ୍କ ବଳିଦାନକୁ ଅପମାନ ବୋଲି କହିଛନ୍ତି ଏବଂ କଙ୍ଗନା ବିରୋଧରେ କାର୍ଯ୍ୟାନୁଷ୍ଠାନ ଦାବି କରିଛନ୍ତି ।
ଏକ ଘରୋଇ ଟିଭି ଚ୍ୟାନେଲର ଏକ କାର୍ଯ୍ୟକ୍ରମର କଙ୍ଗନା ରାଣାୱତଙ୍କ ଏକ ଭିଡିଓ ସାମ୍ନାକୁ ଆସିଥିଲା ଯେଉଁଥିରେ ସେ ଦେଶର ସ୍ୱାଧୀନତା ବିଷୟରେ ବିବାଦୀୟ ମନ୍ତବ୍ୟ ଦେଇଥିଲେ । ସୋସାଲ ମିଡିଆରେ ଭାଇରାଲ ହେବାରେ ଲାଗିଥିବା ଏକ ଭିଡିଓରେ ଏହି ଅଭିନେତ୍ରୀ କହିଥବାର ଶୁଣିବାକୁ ମିଳୁଛି ଯେ 1947 ମସିହାରେ ଭାରତ ଯାହା ହାସଲ କରିଛି ତାହା ଭିକ ଥିଲା । କଙ୍ଗନା କହିଛନ୍ତି, "1947 ମସିହାରେ ଭାରତ ଯେଉଁ ସ୍ୱାଧୀନତା ପାଇଥିଲା ତାହା ସ୍ୱାଧୀନତା ନୁହେଁ ଭିକ ଥିଲା । ସ୍ୱାଧୀନତା ତ 2014 ପରେ ମିଳିଛି ।" 2014 ରେ ମୋଦୀ ସରକାର ଗଠନ ସହିତ କଙ୍ଗନା ରାନାୱତ ଏହାକୁ ସଂଯୋଗ କରିଛନ୍ତି ।
ସୋଶାଲ ମିଡିଆରେ କଙ୍ଗନାଙ୍କ ଏହି ବିବୃତ୍ତି ଦିନକୁ ଦିନ ଭାଇରାଲ ହେବାରେ ଲାଗିଛି ଏବଂ ରାଜନେତାଙ୍କ ଠାରୁ ଆରମ୍ଭ କରି ଚଳଚ୍ଚିତ୍ର ଜଗତର ଅନେକ ସେଲିବ୍ରିଟି କଙ୍ଗନାଙ୍କ ବିବୃତ୍ତିକୁ ଦୃଢ ନିନ୍ଦା କରିଛନ୍ତି ।
କଙ୍ଗନାଙ୍କ ଏହି ବିବୃତ୍ତିରେ ଦିଲ୍ଲୀ ବିଜେପି ମୁଖପାତ୍ର ଏହାକୁ ସ୍ୱାଧୀନତା ସଂଗ୍ରାମୀଙ୍କ ପ୍ରତି ଅପମାନ ବୋଲି କହିଛନ୍ତି । ସେ ଟ୍ୱିଟ୍ କରି କହିଛନ୍ତି, "ଜଣେ ସ୍ୱାଧୀନତା ସଂଗ୍ରାମୀ ପିତାଙ୍କ ପୁତ୍ର ଏବଂ ସ୍ୱାଧୀନତା ସଂଗ୍ରାମୀଙ୍କ ପରିବାରରୁ ଆସିଥିବା କାରଣରୁ କଙ୍ଗନା ରାନାୱତଙ୍କ ବିବୃତ୍ତି ଭାରତକୁ ମିଳିଥିବା ସ୍ୱାଧୀନତାକୁ ଭିକ କହିବା ସ୍ୱାଧୀନତା ଶବ୍ଦର ସବୁଠାରୁ ବଡ ଅପବ୍ୟବହାର ଏବଂ ସ୍ୱାଧୀନତା ସଂଗ୍ରାମୀଙ୍କ ବଳିଦାନକୁ ଅପମାନ ବୋଲି ମନେ କରୁଛି ।" ସେ ଆହୁରି ମଧ୍ୟ ଟ୍ୱିଟରେ ଲେଖିଛନ୍ତି ଯେ ମୁଁ ଚାହୁଁଛି ଯେ ଭାରତର ନ୍ୟାୟିକ ବ୍ୟବସ୍ଥା ଏହି ବିଷୟରେ ଅବଗତ ହୁଅନ୍ତୁ ।
Click it and Unblock the Notifications
Sign in with Google