ମୋଦୀଙ୍କ ବିବୃତ୍ତି ଉପରେ ପ୍ରତିକ୍ରିୟା ଦେଲେ ପି ଚିଦାମ୍ବରମ୍ - ଯଦି କଂଗ୍ରେସ ନଥାନ୍ତା, ତେବେ ଆମେ ରାଜ୍ୟସଭାରେ ବସି ନ ଥାନ୍ତେ

ଯଦି ଦେଶରେ କଂଗ୍ରେସ ନଥାନ୍ତା ତେବେ ଆଜି ରାଜ୍ୟସଭା ଭାରତ ସରକାର ଅଧିନିୟମ ଅନୁଯାୟୀ ରାଜ୍ୟ ପରିଷଦ ହୋଇଥାନ୍ତା । ଯେଉଁଠାରେ ବର୍ତ୍ତମାନର ଶାସକମାନେ ସାଧାଣ ନାଗରିକଙ୍କ ବଦଳରେ ରାଜକୁମାର କିମ୍ବା ରାଣୀ ଏଲିଜାବେଥ୍ ସାମ୍ନାରେ ଗୀତ ଗାଇଥାନ୍ତେ ।

Updated: Tuesday, February 8, 2022, 19:26 [IST]

ନୂଆଦିଲ୍ଲୀ : ଲୋକସଭା ପରେ ରାଜ୍ୟସଭାରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ମଙ୍ଗଳବାର ଦିନ କଂଗ୍ରେସ ଦଳ ଉପରେ କଡ଼ା ଆକ୍ରମଣ କରିଥିଲେ । ପ୍ରଧାନମନ୍ତ୍ରୀ ମୋଦୀ କହିଛନ୍ତି ଯେ ଯଦି ଏହି ଦେଶରେ କଂଗ୍ରେସ ଦଳ ନଥାନ୍ତା ତେବେ ଖରାପ ପରିସ୍ଥିତି ହୋଇନଥାନ୍ତା । ପ୍ରଧାନମନ୍ତ୍ରୀ ମୋଦୀଙ୍କ ବିବୃତ୍ତିରେ ପୂର୍ବତନ ଅର୍ଥମନ୍ତ୍ରୀ ତଥା କଂଗ୍ରେସର ବରିଷ୍ଠ ନେତା ପି ଚିଦାମ୍ବରମ ପ୍ରତିକ୍ରିୟା ଦେଇଛନ୍ତି । ସେ କହିଛନ୍ତି ଯେ ଯଦି କଂଗ୍ରେସ ନ ଥାନ୍ତା ତେବେ ଆମ ସମସ୍ତେ ଆଜି ରାଜ୍ୟସଭାରେ ବସି ନଥାନ୍ତେ ।

ପ୍ରଧାନମନ୍ତ୍ରୀଙ୍କ ବିବୃତ୍ତିର ଉତ୍ତରରେ ପି ଚିଦାମ୍ବରମ୍ କହିଛନ୍ତି ଯେ ଯଦି ଦେଶରେ କଂଗ୍ରେସ ନଥାନ୍ତା ତେବେ ଆଜି ରାଜ୍ୟସଭା ଭାରତ ସରକାର ଅଧିନିୟମ ଅନୁଯାୟୀ ରାଜ୍ୟ ପରିଷଦ ହୋଇଥାନ୍ତା । ଯେଉଁଠାରେ ବର୍ତ୍ତମାନର ଶାସକମାନେ ସାଧାଣ ନାଗରିକଙ୍କ ବଦଳରେ ରାଜକୁମାର କିମ୍ବା ରାଣୀ ଏଲିଜାବେଥ୍ ସାମ୍ନାରେ ଗୀତ ଗାଇଥାନ୍ତେ ।

ରାଜ୍ୟସଭାରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ କଂଗ୍ରେସକୁ ଟାର୍ଗେଟ କରି କହିଛନ୍ତି, 'ଯଦି କଂଗ୍ରେସ ନଥାନ୍ତା ତେବେ କଣ ହୋଇଥାନ୍ତା । ଏହା ହେଉଛି 'ଇଣ୍ଡିଆ ହେଉଛି ଇନ୍ଦିରା ଏବଂ ଇନ୍ଦିରା ହେଉଛି ଇଣ୍ଡିଆ' ଚିନ୍ତାଧାରାର ଫଳାଫଳ । ମୁଁ ଆଶ୍ଚର୍ଯ୍ୟ ହେଉଛି ଯଦି କଂଗ୍ରେସ ନ ଥାନ୍ତା ତେବେ କଣ ହୋଇଥାନ୍ତା ? କାରଣ ମହାତ୍ମା ଗାନ୍ଧୀ ଏହା ଚାହୁଁଥିଲେ ...... ସେ ଜାଣିଥିଲେ ସେ ଯଦି ରହିବେ ତେବେ କଣ ଘଟିବ, ତେଣୁ ସେ ଏହାକୁ ନିଜ ସାମ୍ନାରେ ନଷ୍ଟ କରିବାକୁ ଚାହୁଁଥିଲେ ।'

ପ୍ରଧାନମନ୍ତ୍ରୀ କହିଛନ୍ତି ଯେ ଯଦି କଂଗ୍ରେସ ନଥାନ୍ତା ତେବେ ଜରୁରୀକାଳୀନ ପରିସ୍ଥିତି ଉପୁଜି ନଥାନ୍ତା । ଯଦି କଂଗ୍ରେସ ନଥାନ୍ତା, ତେବେ ଦଶନ୍ଧି ଧରି ଦୁର୍ନୀତି ସଂସ୍ଥାପିତ ହୋଇନଥାନ୍ତା । ଯଦି କଂଗ୍ରେସ ନଥାନ୍ତା, ଜାତିବାଦ ଏବଂ ଆଞ୍ଚଳିକ ପାର୍ଥକ୍ୟ ଏତେ ଗଭୀର ହୋଇ ନଥାନ୍ତା ଏବଂ ଯଦି କଂଗ୍ରେସ ନଥାନ୍ତେ, ତେବେ ପଞ୍ଜାବ ଆତଙ୍କବାଦର ନିଆଁରେ ପୋଡ଼ି ହୋଇ ନଥାନ୍ତା ।