‘କର୍ଣ୍ଣାଟକରେ ସରକାର ଗଠନ ହେଲେ ସବୁ ମଦରସା ବନ୍ଦ କରିଦେବୁ', ବିଜେପି ବିଧାୟକଙ୍କ ବୟାନ
ବିଜେପି ବିଧାୟକ ବସନାଗୌଡା ପାଟିଲ ୟତନଲ ଆଜି ବେଲାଗାଭିରେ ଭାଷଣ ଦେବାବେଳେ ଏକ ବିବାଦୀୟ ମନ୍ତବ୍ୟ ଦେଇଛନ୍ତି । ସେ କହିଛନ୍ତି ଯେ ଯଦି ରାଜ୍ୟରେ ବିଜେପି କ୍ଷମତାକୁ ଆସେ, ତେବେ ଆସାମ ସିଏମ ହିମନ୍ତ ବିଶ୍ୱ ଶର୍ମାଙ୍କ ପରି ଆମେ କର୍ଣ୍ଣାଟକରେ ମଦରସା ବନ୍ଦ କରିଦେବୁ ।
ବେଙ୍ଗାଲୁରୁ : କର୍ଣ୍ଣାଟକରେ ହେବାକୁ ଥିବା ବିଧାନସଭା ନିର୍ବାଚନ ପାଇଁ ସମସ୍ତ ଦଳ ନିର୍ବାଚନ ପ୍ରଚାରକୁ ଜୋରଦାର କରିଛନ୍ତି । ଏହି ଅଭିଯାନ ସମୟରେ ଅନେକ ଦଳ ଧାର୍ମିକ ଏବଂ ଜାତି କାର୍ଡ ଖେଳି ଜନସାଧାରଣଙ୍କୁ ନିଜ ଆଡ଼କୁ ପ୍ରଲୋଭିତ କରିବାକୁ ଚେଷ୍ଟା କରୁଛନ୍ତି । ଏହି ସମୟରେ ବିଜେପି ବିଧାୟକ ବସନାଗୌଡା ପାଟିଲ ୟତନଲ ଆଜି ବେଲାଗାଭିରେ ଭାଷଣ ଦେବାବେଳେ ଏକ ବିବାଦୀୟ ମନ୍ତବ୍ୟ ଦେଇଛନ୍ତି । ସେ କହିଛନ୍ତି ଯେ ଯଦି ରାଜ୍ୟରେ ବିଜେପି କ୍ଷମତାକୁ ଆସେ, ତେବେ ଆସାମ ସିଏମ ହିମନ୍ତ ବିଶ୍ୱ ଶର୍ମାଙ୍କ ପରି ଆମେ କର୍ଣ୍ଣାଟକରେ ମଦରସା ବନ୍ଦ କରିଦେବୁ ।
ଉଲ୍ଲେଖଯୋଗ୍ୟ, ଆସାମର ମୁଖ୍ୟମନ୍ତ୍ରୀ ହିମନ୍ତ ବିଶ୍ୱ ଶର୍ମା ଗୁରୁବାର ଦିନ କର୍ଣ୍ଣାଟକର ବେଲାଗାୱୀ ଠାରେ ଏକ ରାଲିକୁ ସମ୍ବୋଧିତ କରି କହିଛନ୍ତି ଯେ ବାଂଲାଦେଶର ଲୋକମାନେ ଆସାମକୁ ଆସି ଆମ ସଭ୍ୟତା ଏବଂ ସଂସ୍କୃତି ପ୍ରତି ବିପଦ ସୃଷ୍ଟି କରୁଛନ୍ତି ।
ଶିବାଜୀ ମହାରାଜ ବଗିଚାରେ ଏକ ସମାବେଶକୁ ସମ୍ବୋଧିତ କରି ଶର୍ମା କହିଥିଲେ ଯେ ମୁଁ 600 ମଦରସା ବନ୍ଦ କରି ଦେଇଛି ଏବଂ ମୁଁ ସମସ୍ତ ମଦରସା ବନ୍ଦ କରିବାକୁ ଇଚ୍ଛା କରୁଛି କାରଣ ଆମେ ମଦରସା ଚାହୁଁନାହୁଁ । ଆମେ ବିଦ୍ୟାଳୟ, କଲେଜ ଏବଂ ବିଶ୍ୱବିଦ୍ୟାଳୟ ଚାହୁଁଛୁ ।
ଏହି ସମୟରେ ମୁଖ୍ୟମନ୍ତ୍ରୀ ଶର୍ମା କଂଗ୍ରେସକୁ ଟାର୍ଗେଟ କରି କହିଥିଲେ ଯେ କେବେ ଦିଲ୍ଲୀର ଶାସକମାନେ ମନ୍ଦିର ଭାଙ୍ଗିବା କଥା କହୁଥିଲେ, କିନ୍ତୁ ଆଜି ପ୍ରଧାନମନ୍ତ୍ରୀ ମୋଦୀଙ୍କ ଶାସନରେ ମୁଁ ମନ୍ଦିର ନିର୍ମାଣ ବିଷୟରେ କହୁଛି । ଏହା ହେଉଛି ନୂଆ ଭାରତ । ଏହି ନୂତନ ଭାରତକୁ ଦୁର୍ବଳ କରିବାକୁ କଂଗ୍ରେସ କାର୍ଯ୍ୟ କରୁଛି । କଂଗ୍ରେସ ନୂତନ ମୋଗଲମାନଙ୍କୁ ପ୍ରତିନିଧିତ୍ୱ କରୁଛି ।
Click it and Unblock the Notifications
Sign in with Google