ହିମାଚଳ ନିର୍ବାଚନ 2022 : ନିର୍ବାଚନ ପୂର୍ବରୁ କଂଗ୍ରେସକୁ ବଡ଼ ଝଟକା, ବିଜେପିରେ ସାମିଲ ହେଲେ 26 ନେତା

ହିମାଚଳ ପ୍ରଦେଶ ବିଧାନସଭା ନିର୍ବାଚନ ପାଇଁ ଆଫ ମାତ୍ର 4 ଦିନ ବାକି ଥିବା ବେଳେ କଂଗ୍ରେସକୁ ଲାଗିଛି ଏକ ବଡ଼ ଝଟକା । ଦଳର 26 ଜଣ ନେତା ବିଜେପିରେ ସାମିଲ ହୋଇଛନ୍ତି ।

ସିମଲା : ହିମାଚଳ ପ୍ରଦେଶ ବିଧାନସଭା ନିର୍ବାଚନ ପାଇଁ ଆଫ ମାତ୍ର 4 ଦିନ ବାକି ଥିବା ବେଳେ କଂଗ୍ରେସକୁ ଲାଗିଛି ଏକ ବଡ଼ ଝଟକା । ଦଳର 26 ଜଣ ନେତା ବିଜେପିରେ ସାମିଲ ହୋଇଛନ୍ତି । କଂଗ୍ରେସ କମିଟିର ପୂର୍ବତନ ସାଧାରଣ ସମ୍ପାଦକ ଧର୍ମପାଲ ଠାକୁରଙ୍କ ସମେତ 26 ନେତା ଓ କର୍ମୀ କଂଗ୍ରେସ ଛାଡି 7 ନଭେମ୍ବରରେ ଭାରତୀୟ ଜନତା ପାର୍ଟିରେ ଯୋଗ ଦେଇଛନ୍ତି ।

ବିଧାନସଭା ନିର୍ବାଚନ ପୂର୍ବରୁ 26 ନେତା ଏକାଠି ଦଳ ଛାଡିବା ହିମାଚଳ କଂଗ୍ରେସ ପାଇଁ ଏକ ବଡ ଝଟକା ବୋଲି ବିବେଚନା କରାଯାଉଛି । କାରଣ, ଭୋଟ୍ ପାଇଁ ମାତ୍ର 4 ଦିନ ବାକି ରହିଛି । ଏହି ସମସ୍ତ କଂଗ୍ରେସ ନେତା 07 ନଭେମ୍ବରରେ ହିମାଚଳ ପ୍ରଦେଶ ମୁଖ୍ୟମନ୍ତ୍ରୀ ଜୟ ରାମ ଠାକୁର ଏବଂ ବିଜେପି ଉପାଧ୍ୟକ୍ଷ ସୌଦାୱ ସିଂହଙ୍କ ଉପସ୍ଥିତିରେ ଦଳରେ ଯୋଗ ଦେଇଥିଲେ । ହିମାଚଳ ବିଜେପିର ଅଫିସିଆଲ୍ ଟ୍ୱିଟର ହ୍ୟାଣ୍ଡେଲରୁ ଏ ନେଇ ସୂଚନା ଦିଆଯାଇଛି ।
ମୁଖ୍ୟମନ୍ତ୍ରୀ ଜୟ ରାମ ଠାକୁର କଂଗ୍ରେସ ଦଳର ନେତା ଓ କର୍ମୀଙ୍କୁ ସ୍ୱାଗତ କରିଥିଲେ । ଏହି ସମୟରେ ସେ କହିଛନ୍ତି, ଆସନ୍ତୁ ମିଳିତ ଭାବେ ବିଜେପିର ଐତିହାସିକ ବିଜୟ ପାଇଁ କାର୍ଯ୍ୟ କରିବା ।

English summary

Himachal Pradesh Assembly Election : 26 Congress Leaders Joined BJP