ଜିଗ୍ନେଶ ମେୱାନୀଙ୍କୁ ମିଳିଲା ଜାମିନ, ଆସାମ ପୋଲିସକୁ କୋର୍ଟଙ୍କ ଭର୍ତ୍ସନା, କହିଲେ - ଏମିତି ହେଲେ ଆମେ ପୋଲିସ ରାଜ୍ୟ ହେଇଯିବୁ
ମିଥ୍ୟା ଅଭିଯୋଗ କରି ଏଫ୍ଆଇଆର୍ ପଞ୍ଜିକରଣ କରିବା ଠିକ୍ ନୁହେଁ ବୋଲି କୋର୍ଟ କହିଛନ୍ତି । ପୋଲିସକୁ ଭର୍ତ୍ସନା କରି ବାରପେଟା ଜିଲ୍ଲା ତଥା ସେସନ୍ସ ଜଜ୍ ଆପରେଶ ଚକ୍ରବର୍ତ୍ତୀ କହିଛନ୍ତି ଯେ ଜଣେ ମହିଳା ପୋଲିସ କର୍ମଚାରୀଙ୍କ ଉପରେ ହୋଇଥିବା ଅଭିଯୋଗର ସତ୍ୟତା ନାହିଁ ।
ଅହମ୍ମଦାବାଦ : ଗୁଜୁରାଟର ସ୍ୱାଧୀନ ବିଧାୟକ ଜିଗ୍ନେଶ ମେୱାନୀଙ୍କୁ ଆସାମର ବାରପେଟା ଜିଲ୍ଲା କୋର୍ଟରୁ ଜାମିନ ମିଳିଛି । ଆସାମ ପୋଲିସ କିଛି ଦିନ ପୂର୍ବରୁ ଜିଗ୍ନେଶଙ୍କୁ ଗିରଫ କରି ବାରପେଟାକୁ ନେଇଥିଲା, ଯେଉଁଠାରେ ତାଙ୍କୁ ଏକ ମିଥ୍ୟା FIR ରେ ଜେଲକୁ ପଠାଯାଇଥିଲା । ତେବେ ଆସାମର ବାରପେଟା ଜିଲ୍ଲା କୋର୍ଟରେ ଏହି ମାମଲା ଆସିବା ପରେ ଜିଗ୍ନେଶଙ୍କୁ ଆଶ୍ୱସ୍ତି ମିଳିଛି । କୋର୍ଟ ଆସାମ ପୋଲିସକୁ ତାଗିଦ୍ କରି ଜିଗ୍ନେଶଙ୍କୁ ଜାମିନ ପ୍ରଦାନ କରିଛନ୍ତି ।
ମିଥ୍ୟା ଅଭିଯୋଗ କରି ଏଫ୍ଆଇଆର୍ ପଞ୍ଜିକରଣ କରିବା ଠିକ୍ ନୁହେଁ ବୋଲି କୋର୍ଟ କହିଛନ୍ତି । ପୋଲିସକୁ ଭର୍ତ୍ସନା କରି ବାରପେଟା ଜିଲ୍ଲା ତଥା ସେସନ୍ସ ଜଜ୍ ଆପରେଶ ଚକ୍ରବର୍ତ୍ତୀ କହିଛନ୍ତି ଯେ ଜଣେ ମହିଳା ପୋଲିସ କର୍ମଚାରୀଙ୍କ ଉପରେ ହୋଇଥିବା ଅଭିଯୋଗର ସତ୍ୟତା ନାହିଁ । ସେ କହିଛନ୍ତି ଯେ ଦୁଇଜଣ ପୋଲିସ କର୍ମଚାରୀଙ୍କ ଉପସ୍ଥିତିରେ ଅଟକ ଥିବା ଜଣେ ବ୍ୟକ୍ତି ମହିଳା ପୋଲିସଙ୍କ ସହ ମାରପିଟ୍ କରି ପାରିବ ନାହିଁ । ଏହି ମାମଲାର ସମାଧାନ ପାଇଁ ଆସାମ ପୋଲିସକୁ ନିର୍ଦ୍ଦେଶ ଦେବାକୁ ଗୌହାଟି ହାଇକୋର୍ଟକୁ ବିଚାରପତି ଅନୁରୋଧ କରିଛନ୍ତି ।
ଆସାମ ପୋଲିସକୁ ଭର୍ତ୍ସନା କରି ଜଜ୍ କହିଛନ୍ତି ଯେ ଆଇନ ଶୃଙ୍ଖଳା ରକ୍ଷାକାରୀମାନେ ଏପରି ପରିସ୍ଥିତିରେ ପହଞ୍ଚିଛନ୍ତି ଯେ ଆମେ ଏକ ପୋଲିସ୍ ରାଜ୍ୟ ହୋଇଯିବା । ମେୱାନୀଙ୍କୁ ଜାମିନ ପ୍ରଦାନ ଆଦେଶରେ ବାରପେଟା ସେସନ୍ କୋର୍ଟ ମଧ୍ୟ ଗୌହଟି ହାଇକୋର୍ଟଙ୍କୁ ଅନୁରୋଧ କରିଛନ୍ତି ଯେ ରାଜ୍ୟରେ ପୋଲିସର ଏପରି କାର୍ଯ୍ୟ ଉପରେ ବିଚାର କରନ୍ତୁ । ଜଣେ ଅଭିଯୁକ୍ତକୁ ଗିରଫ କରାଯିବା ସମୟରେ ଘଟଣାର କ୍ରମ ରେକର୍ଡ କରିବା ପାଇଁ ଆସାମ ପୋଲିସକୁ ବଡି କ୍ୟାମେରା ପିନ୍ଧିବାକୁ ଏବଂ ସେମାନଙ୍କ ଗାଡିରେ ସିସିଟିଭି କ୍ୟାମେରା ଲଗାଇବାକୁ ନିର୍ଦ୍ଦେଶ ଦେବାକୁ ଗୌହାଟି ହାଇକୋର୍ଟକୁ ଅନୁରୋଧ କରିଛନ୍ତି ।
ଆପଣଙ୍କୁ କହ ରଖୁଛୁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ସଂପର୍କରେ ଟ୍ୱିଟ୍ ମାମଲାରେ ବିଧାୟକ ମେୱାନୀଙ୍କୁ 25 ଅପ୍ରେଲରେ ଗିରଫ କରାଯାଇଥିଲା । ପରେ ପୋଲିସ ଜଣେ ମହିଳା ପୋଲିସ କର୍ମଚାରୀଙ୍କୁ ଆକ୍ରମଣ କରିଥିବା ଅଭିଯୋଗ କରି ଏଫଆଇଆର ଦାଖଲ କରିଥିଲା । ଗତକାଲି ତାଙ୍କୁ ଆସାମ କୋର୍ଟ ଜାମିନ ପ୍ରଦାନ କରିଥିବାବେଳେ କୋର୍ଟ ପୋଲିସ ଉପରେ ପ୍ରଶ୍ନ ଉଠାଇଥିଲେ ।
Click it and Unblock the Notifications
Sign in with Google