ଗୁଜୁରାଟରେ ହେବ ଦିଲ୍ଲୀ ପରି ଶାସନ ମଡେଲ, ଲୋକମାନେ ଚାହୁଁଛନ୍ତି ପରିବର୍ତ୍ତନ - ରାଘବ ଚଡ୍ଡା

ରାଘବ ଚଡ୍ଡା ଅମରେଲି ପଦଯାତ୍ରା ସମୟରେ କହିଛନ୍ତି ଯେ ଗୁଜୁରାଟର ଲୋକମାନେ ବର୍ତ୍ତମାନ ପରିବର୍ତ୍ତନ ଚାହୁଁଛନ୍ତି । AAP ସରକାର ସାତ ବର୍ଷ ଧରି ଦିଲ୍ଲୀରେ କାର୍ଯ୍ୟ କରିଛନ୍ତି ।

Updated: Tuesday, October 11, 2022, 12:08 [IST]

ଅହମ୍ମଦାବାଦ : ଗୁଜୁରାଟରେ ହେବାକୁ ଥିବା ବିଧାନସଭା ନିର୍ବାଚନ ପାଇଁ ରାଜ୍ୟରେ ସରକାର ଗଠନ ଲାଗି ଆମ୍ ଆଦମୀ ପାର୍ଟି ବଳ କଷୁଛି । ଏ ନେଇ ରାଜ୍ୟସଭା ସାଂସଦ ତଥା 'ଆପ୍' ଗୁଜୁରାଟର ସହ-ପ୍ରଭାରୀ ଥିବା ରାଘବ ଚଡ୍ଡା ବାରମ୍ବାର ଗୁଜୁରାଟରେ ଶାସକ ବିଜେପିକୁ ଟାର୍ଗେଟ୍ କରିବା ସହ ନିଜ ଦଳକୁ ମଜବୁତ କରିବାରେ ଲାଗିପଡ଼ିଛନ୍ତି । ଏଥି ମଧ୍ୟରେ ରାଘବ ଚଡ୍ଡା ଅମରେଲି ପଦଯାତ୍ରା ସମୟରେ କହିଛନ୍ତି ଯେ ଗୁଜୁରାଟର ଲୋକମାନେ ବର୍ତ୍ତମାନ ପରିବର୍ତ୍ତନ ଚାହୁଁଛନ୍ତି । AAP ସରକାର ସାତ ବର୍ଷ ଧରି ଦିଲ୍ଲୀରେ କାର୍ଯ୍ୟ କରିଛନ୍ତି । ଯେଉଁଠାରେ ପଞ୍ଜାବରେ 7 ମାସ କାମ ହୋଇଛି । ଅନ୍ୟପକ୍ଷରେ ଗୁଜରାଟରେ 27 ବର୍ଷ ଧରି ବିଜେପି ସରକାର ଅଛି କିନ୍ତୁ ଏହା ଜନସାଧାରଣଙ୍କ ସ୍ୱାର୍ଥ ପାଇଁ କୌଣସି ପଦକ୍ଷେପ ନେଇନାହିଁ ।

ଗୁଜରାଟର ସହ-ପ୍ରଭାରୀ ଥିବା ରାଘବ ଚଡ୍ଡା ରାଜକୋଟ ବିମାନବନ୍ଦରରେ ପହଞ୍ଚିବା ପରେ ସାମ୍ବାଦିକ ସମ୍ମିଳନୀକୁ ସମ୍ବୋଧିତ କରିଥିଲେ । ରାଘବ ଚଡ୍ଡା ଆଜି ଅମରେଲୀ ଜିଲ୍ଲାର ଧାରୀରେ ପଦଯାତ୍ରା କରିବାକୁ ପହଞ୍ଚିଥିଲେ । ଆମ୍ ଆଦମୀ ପାର୍ଟି ଦ୍ୱାରା ଆୟୋଜିତ ଏହି ପଦଯାତ୍ରା ଧାରୀର ତାଲୁକା ପଞ୍ଚାୟତରୁ ଆରମ୍ଭ ହୋଇ ଲାଇବ୍ରେରୀ ଛକରେ ଶେଷ ହେବ । ରାଘବ ଆମ୍ ଆଦମୀ ପାର୍ଟିର ଅନ୍ୟ ନେତା ତଥା କର୍ମକର୍ତ୍ତାଙ୍କ ସହ ଧାରୀର ସ୍ଥାନୀୟ ଲୋକଙ୍କୁ ଭେଟି ସେମାନଙ୍କ ସମସ୍ୟା ଜାଣିବାକୁ ଚେଷ୍ଟା କରିଥିଲେ । AAP ଦ୍ୱାରା ଆୟୋଜିତ ପଦଯାତ୍ରାରେ ବହୁ ସଂଖ୍ୟାରେ ସ୍ଥାନୀୟ ଲୋକ ମଧ୍ୟ ଅଂଶଗ୍ରହଣ କରିଥିଲେ ।

ଆମରେଲିର ପଦଯାତ୍ରା ସମୟରେ ଆମ୍ ଆଦମୀ ପାର୍ଟି ଗୁଜୁରାଟର ସହ-ପ୍ରଭାରୀ ଥିବା ରାଘବ ଚଡ୍ଡା ଜନସାଧାରଣଙ୍କୁ ସମ୍ବୋଧିତ କରିବାବେଳେ ଗୁଜୁରାଟର ଲୋକମାନେ ବର୍ତ୍ତମାନ ପରିବର୍ତ୍ତନ ଚାହୁଁଛନ୍ତି ବୋଲି କହିଛନ୍ତି । ଗୋଟିଏ ପଟେ ଆମର 7 ବର୍ଷ ଦିଲ୍ଲୀରେ କାମ, 7 ମାସ ପଞ୍ଜାବରେ ଏବଂ ଅନ୍ୟ ପଟେ ଗୁଜୁରାଟରେ 27 ବର୍ଷ ଚାଲୁଥିବା ବିଜେପି ସରକାର ଯାହା ଜନସାଧାରଣଙ୍କ ସ୍ୱାର୍ଥ ପାଇଁ କୌଣସି ପଦକ୍ଷେପ ନେଇ ନାହାଁନ୍ତି ।