କଂଗ୍ରେସର ଷ୍ଟାର ପ୍ରଚାରକ ତାଲିକାରେ ନାଁ ନଥିବାରୁ ଗୁଜୁରାଟରୁ ନିଜକୁ ଦୂରେଇ ରଖିଲେ ଶଶି ଥରୁର
ଶଶି ଥରୁରଙ୍କୁ କଂଗ୍ରେସ ଦଳର ଷ୍ଟାର ପ୍ରଚାରକ ତାଲିକାରୁ ବାଦ୍ ଦିଆଯାଇଛି, ଏହା ପରେ ଥରୁର ଗୁଜୁରାଟ ନିର୍ବାଚନ ପ୍ରଚାରରୁ ନିଜକୁ ଦୂରେଇ ରଖିଛନ୍ତି ।
ଗାନ୍ଧୀନଗର : ଗୁଜୁରାଟରେ ଆଉ କିଛି ଦିନ ପରେ ନିର୍ବାଚନ ହେବାକୁ ଥିବା ବେଳେ କଂଗ୍ରେସ ଦଳ ଭିତରେ ସବୁକିଛି ଠିକ୍ ଚାଲିନାହିଁ । ଯେଉଁଭଳି ଭାବରେ ଶଶି ଥରୁରଙ୍କୁ କଂଗ୍ରେସ ଦଳର ଷ୍ଟାର ପ୍ରଚାରକ ତାଲିକାରୁ ବାଦ୍ ଦିଆଯାଇଛି, ଏହା ପରେ ଥରୁର ଗୁଜୁରାଟ ନିର୍ବାଚନ ପ୍ରଚାରରୁ ନିଜକୁ ଦୂରେଇ ରଖିଛନ୍ତି ।
ଯଦି ସୂତ୍ରକୁ ବିଶ୍ୱାସ କରାଯାଏ, ତେବେ ଗୁଜରାଟ କଂଗ୍ରେସର ଛାତ୍ର ସଂଗଠନ ଦ୍ୱାରା ଶଶି ଥରୁରଙ୍କୁ ନିମନ୍ତ୍ରଣ କରାଯାଇଥିଲା, କିନ୍ତୁ ସେ ସେଠାକୁ ଯିବାକୁ ମନା କରିଦେଇଥିଲେ । କଂଗ୍ରେସ କିନ୍ତୁ ଶଶି ଥରୁରଙ୍କୁ ଦଳରୁ ଦୂରେଇ ରଖିବା କଥାକୁ ଖଣ୍ଡନ କରିଛି ।
କଂଗ୍ରେସ ପାର୍ଟି ସୂତ୍ରରୁ ପ୍ରକାଶ ଯେ ଶଶି ଥରୁର ପୂର୍ବରୁ ଷ୍ଟାର ପ୍ରଚାରକମାନଙ୍କ ତାଲିକାରେ ନଥିଲେ । ଗୁଜୁରାଟ ନିର୍ବାଚନ ପାଇଁ ଦଳର 40 ତାରକା ପ୍ରଚାରକ ତାଲିକାରେ ନୂତନ କଂଗ୍ରେସ ଅଧ୍ୟକ୍ଷ ମଲ୍ଲିକାର୍ଜୁନ ଖାଡ଼ଗେ, ସୋନିଆ ଗାନ୍ଧୀ, ରାହୁଲ ଗାନ୍ଧୀ, ପ୍ରିୟଙ୍କା ଗାନ୍ଧୀ ଭଦ୍ରାଙ୍କୁ ସାମିଲ କରାଯାଇଛି । ଗୁଜୁରାଟରେ ପ୍ରଥମ ପର୍ଯ୍ୟାୟ ନିର୍ବାଚନ 1 ଡିସେମ୍ବରରେ ହେବ । ରାହୁଲ ଗାନ୍ଧୀ ଭାରତ ଯୋଡା ଯାତ୍ରାରେ ଥିବାରୁ ସେ ଏପର୍ଯ୍ୟନ୍ତ ଗୁଜୁରାଟରେ ପ୍ରଚାର କରିନାହାଁନ୍ତି । ନଭେମ୍ବର 12 ରେ ହିମାଚଳ ପ୍ରଦେଶରେ ନିର୍ବାଚନ ଅନୁଷ୍ଠିତ ହୋଇଥିଲା, କିନ୍ତୁ ଏଠାରେ ମଧ୍ୟ ରାହୁଲ ଗାନ୍ଧୀ ପ୍ରଚାର ପାଇଁ ପହଞ୍ଚି ନଥିଲେ ।
ଏପରିକି କଂଗ୍ରେସର ତାରକା ପ୍ରଚାରକ ତାଲିକାରେ ରାଜସ୍ଥାନ ମୁଖ୍ୟମନ୍ତ୍ରୀ ଅଶୋକ ଗେହଲଟ୍, ଛତିଶଗଡ ମୁଖ୍ୟମନ୍ତ୍ରୀ ଭୁପେଶ ବାଘେଲ ମଧ୍ୟ ଅଛନ୍ତି । ଏହା ବ୍ୟତୀତ ଜଗଦୀଶ ଠାକୁର, ଜିଗ୍ନେଶ ମେଭାନୀ, ସଚିନ ପାଇଲଟ ମଧ୍ୟ ରାଜ୍ୟରେ କଂଗ୍ରେସ ପାଇଁ ପ୍ରଚାର କରିବେ । ବର୍ତ୍ତମାନ ଗୁଜୁରାଟରେ କଂଗ୍ରେସର ନିର୍ବାଚନ ପ୍ରଚାର ପ୍ରାୟ ନାହିଁ । ଏଭଳି ପରିସ୍ଥିତିରେ କଂଗ୍ରେସର ଷ୍ଟାର୍ ପ୍ରଚାରକ ତାଲିକାରୁ ଶଶିଙ୍କୁ ବାଦ୍ ଦେବା ପରେ ଦଳରେ କନ୍ଦଳ ବଢୁଛି କି ଥରୁରଙଅକୁ ମନାଇବା ପାଇଁ ହାଇକମାଣ୍ଡ ସମର୍ଥ ହେଉଛନ୍ତି ତାହା ଦେଖିବାକୁ ବାକୁ ରହିଲା ।
Click it and Unblock the Notifications
Sign in with Google