ରାହୁଲ ଗାନ୍ଧୀଙ୍କ ବିରୋଧରେ ଏଫ୍ଆଇଆର୍ କଲେ ବୀର ସାବରକରଙ୍କ ନାତି, ଜାଣନ୍ତୁ କଣ ରହିଛି କାରଣ
ବୀର ସାବରକରଙ୍କ ନାତି ରଞ୍ଜିତ ସାବରକର ମୁମ୍ବାଇରେ କଂଗ୍ରେସ ନେତା ରାହୁଲ ଗାନ୍ଧୀଙ୍କ ବିରୋଧରେ ଏଫ୍ଆଇଆର୍ କରିଛନ୍ତି । ବୀର ସାବରକରଙ୍କୁ ଅପମାନିତ କରିଥିବା ଅଭିଯୋଗରେ ସେ ରାହୁଲ ଗାନ୍ଧୀଙ୍କ ବିରୋଧରେ ଶିବାଜୀ ପାର୍କ ପୋଲିସ ଷ୍ଟେସନରେ ଏତଲା ଦେଇଛନ୍ତି ।
ମୁମ୍ବାଇ : ବୀର ସାବରକରଙ୍କ ନାତି ରଞ୍ଜିତ ସାବରକର ମୁମ୍ବାଇରେ କଂଗ୍ରେସ ନେତା ରାହୁଲ ଗାନ୍ଧୀଙ୍କ ବିରୋଧରେ ଏଫ୍ଆଇଆର୍ କରିଛନ୍ତି । ବୀର ସାବରକରଙ୍କୁ ଅପମାନିତ କରିଥିବା ଅଭିଯୋଗରେ ସେ ରାହୁଲ ଗାନ୍ଧୀଙ୍କ ବିରୋଧରେ ଶିବାଜୀ ପାର୍କ ପୋଲିସ ଷ୍ଟେସନରେ ଏତଲା ଦେଇଛନ୍ତି ।
ରଞ୍ଜିତ ସାବରକର କହିଛନ୍ତି ଯେ ରାହୁଲ ଗାନ୍ଧୀ ଏବଂ କଂଗ୍ରେସ ସାବରକରଙ୍କୁ ଅପମାନିତ କରିବା ଏହା ପ୍ରଥମ ଘଟଣା ନୁହେଁ । ସେ ଏହା ପୂର୍ବରୁ ମଧ୍ୟ କରିଛନ୍ତି ଏବଂ ତେଣୁ ମୁଁ ରାହୁଲ ଗାନ୍ଧୀଙ୍କ ବିରୋଧରେ ଅଭିଯୋଗ ଦାଖଲ କରିଛି ।
ରଞ୍ଜିତ ସାବରକର ଏହା ମଧ୍ୟ କହିଛନ୍ତି ଯେ 2017 ରୁ ରାହୁଲ ଗାନ୍ଧୀ ଜଣେ ସିରିଏଲ୍ ଅଫେଣ୍ଡର ରହିଛନ୍ତି । ବାର ସାବରକରଙ୍କୁ ଅପମାନିତ କରିବାର ଏଜେଣ୍ଡା ଚଲାଇଥାଏ । ଭାରତ ଯୋଡୋ ଯାତ୍ରା ସମୟରେ ଏକ ଆଦିବାସୀ ସମ୍ମିଳନୀରେ ରାହୁଲ ଗାନ୍ଧୀ କହିଛନ୍ତି ଯେ ସାବରକର ବ୍ରିଟିଶମାନଙ୍କଠାରୁ ପେନସନ ନେଇ କଂଗ୍ରେସ ବିରୋଧରେ କାର୍ଯ୍ୟ କରୁଥିଲେ । ଆଣ୍ଡାମାନ ଜେଲରେ ସାବରକର ବ୍ରିଟିଶମାନଙ୍କୁ ଏକ ଚିଠି ଲେଖି କ୍ଷମା ମାଗିଥିଲେ ଏବଂ ତାଙ୍କୁ ଜେଲରୁ ମୁକ୍ତ କରାଯାଇଥିଲା । ସେ ବ୍ରିଟିଶମାନଙ୍କଠାରୁ ପେନସନ ନେଇଥିଲେ ଏବଂ କଂଗ୍ରେସ ବିରୋଧରେ କାର୍ଯ୍ୟ କରିଥିଲେ ।
ଜେଲରୁ ବାହାରିବା ପରେ ସେ ବ୍ରିଟିଶଙ୍କ ପ୍ରସ୍ତାବ ଗ୍ରହଣ କରି ସେମାନଙ୍କ ସେନାରେ ଯୋଗ ଦେଇଥିଲେ । ରାହୁଲ ଗାନ୍ଧୀ ଏହା ମଧ୍ୟ କହିଛନ୍ତି ଯେ ଆଦିବାସୀ ନେତା ବିର୍ସା ମୁଣ୍ଡା ବ୍ରିଟିଶଙ୍କ ବିରୋଧରେ ଲଢିଥିଲେ ଏବଂ ଆଜି ଆରଏସଏସ ଏବଂ ବିଜେପି ତାଙ୍କ ଆଦର୍ଶ ଉପରେ ଆକ୍ରମଣ କରୁଛନ୍ତି । ବିର୍ସା ମୁଣ୍ଡା 24 ବର୍ଷ ବୟସରେ ବ୍ରିଟିଶମାନଙ୍କ ବିରୁଦ୍ଧରେ ଲଢିଥିଲେ । ବ୍ରିଟିଶମାନେ ତାଙ୍କୁ ହତ୍ୟା କରିଥିଲେ । ସେ ତାଙ୍କ 24 ବର୍ଷରେ ସବୁକିଛି କରିଥିଲେ କିନ୍ତୁ ଆଜି ତାଙ୍କ ଆଦର୍ଶକୁ ଆରଏସଏସ ଏବଂ ବିଜେପି ଆକ୍ରମଣ କରୁଛି ।
Click it and Unblock the Notifications
Sign in with Google