INDIA ନୁହଁ ‘ଭାରତ' ! ଦେଶର ନାଁ ରୋ ହୋଇପାରେ ବଡ଼ ପରିବର୍ତ୍ତନ
ନୂଆଦିଲ୍ଲ: ଆଉ ଦେଶର ନାଁ INDIA କୁହାଯିବନି । କେବଳ ଭାରତ ରହିବ ଦେଶର ନାଁ । ଜି-20 ସମ୍ମିଳନୀ ଅବସରରେ ରାତ୍ରି ଭୋଜନ ପାଇଁ ରାଷ୍ଟ୍ରପତିଙ୍କ ପକ୍ଷରୁ ଦିଆଯାଇଥିବା ନିମନ୍ତ୍ରଣ ପତ୍ର ସାମ୍ନାକୁ ଆସିବା ପରେ ଏଭଳି ଚର୍ଚ୍ଚା ଜୋର ଧରିଛି । ନିମନ୍ତ୍ରଣ ପତ୍ରରେ ପ୍ରେସିଡେଣ୍ଟ ଅଫ ଇଣ୍ଡିଆ ବଦଳରେ ପ୍ରେସିଡେଣ୍ଟ ଅଫ ଭାରତ ଉଲ୍ଲେଖ ରହିଛି । ଏହା ପରେ ଦେଶର ନାଁ ପରିବର୍ତ୍ତନ ହେବା ନେଇ ଆଲୋଚନା ହେଉଛି ।
ଏହା ଉପରେ ବିରୋଧୀ କହିଛନ୍ତି, ବିରୋଧୀ ଦଳଙ୍କ ମେଣ୍ଟର ନାମ INDIA ରଖାଯିବା ପରେ ଡରିଯାଇଛନ୍ତି ମୋଦୀ ସରକାର । ତେଣୁ ଇଣ୍ଡିଆ ବଦଳରେ ଏବେ ଭାରତ ଲେଖିବା ଆରମ୍ଭ କରିଛନ୍ତି ।
ନରେନ୍ଦ୍ର ମୋଦୀଙ୍କ ନେତୃତ୍ୱାଧୀନ ସରକାର 18 ରୁ 22 ସେପ୍ଟେମ୍ବର ପର୍ଯ୍ୟନ୍ତ ହେବାକୁ ଥିବା ସଂସଦର ସ୍ୱତନ୍ତ୍ର ଅଧିବେଶନରେ ଦେଶର ନାମ ଭାରତକୁ ବଦଳାଇବାକୁ ପ୍ରସ୍ତାବ ଆଣିପାରନ୍ତି ବୋଲି ମଧ୍ୟ କୁହାଯାଉଛି । ସମ୍ବିଧାନରେ ସଂଶୋଧନ କରି ଇଣ୍ଡିଆ ବଦଳରେ କେବଳ ଭାରତକୁ ପରିବର୍ତ୍ତନ କରିବା ନେଇ କୁହାଯାଉଛି ।
ଏହା ଉପରେ ମୋଦୀ ସରକାରଙ୍କୁ ଆକ୍ରମଣ କରି ବରିଷ୍ଠ କଂଗ୍ରେସ ନେତା ଜୟରାମ ରମେଶ X(ପୂର୍ବ ଟ୍ୱିଟର) ରେ ଲେଖିଛନ୍ତି, "ତେବେ ଏହି ଖବର ବାସ୍ତବରେ ସତ । ସେପ୍ଟେମ୍ବର 9 ରେ ରାଷ୍ଟ୍ରପତି ଭବନ ଜି -20 ରାତ୍ରୀ ଭୋଜନ ପାଇଁ ପଠାଯାଇଥିବା ନିମନ୍ତ୍ରଣ ପତ୍ରରେ ଏହା 'President of India' ସ୍ଥାନରେ President of Bharat' ଲେଖାଯାଇଛି ।
ଜୟରାମ ରମେଶ ଆହୁରି ଲେଖିଛନ୍ତି, "ମୋଦୀ ଇତିହାସକୁ ନଷ୍ଟ କରିବା ଏବଂ ଭାରତକୁ ବିଭାଜନ କରିବା ଦିଗରେ ଗତି କରୁଛନ୍ତି । ଭାରତ, ଯାହା ରାଜ୍ୟମାନଙ୍କର ଏକ ସଂଘ । କିନ୍ତୁ ଆମେ ବିଚଳିତ ହେବୁ ନାହିଁ ।
Click it and Unblock the Notifications
Sign in with Google