ଶକ୍ତିଶାଳୀ ହେଉଛି ତେଲେଙ୍ଗାନା ବିଜେପି : ଦଳରେ ସାମିଲ ହେଲେ ଟିଆରଏସର ପୂର୍ବତନ ମନ୍ତ୍ରୀ ଏଟାଲା ରାଜେନ୍ଦ୍ର

ତେଲେଙ୍ଗାନାରେ ପୂର୍ବତନ ମନ୍ତ୍ରୀ ଏଟାଲା ରାଜେନ୍ଦ୍ର ସୋମବାର ଦିନ ବିଜେପିରେ ଯୋଗ ଦେଇଛନ୍ତି । ସୋମବାର ଏହାକୁ ଆନୁଷ୍ଠାନିକ ଭାବେ ଘୋଷଣା କରାଯାଇଛି ।

Updated: Monday, June 14, 2021, 16:08 [IST]

ହାଇଦ୍ରାବାଦ : ଦେଶର ଅନେକ ରାଜ୍ୟରେ ରାଜ୍ୟରେ ରାଜନୈତିକ ଅସ୍ଥିରତା ଲାଗି ରହିଥିବା ବେଳେ ତେଲେଙ୍ଗାନାରେ ପୂର୍ବତନ ମନ୍ତ୍ରୀ ଏଟାଲା ରାଜେନ୍ଦ୍ର ସୋମବାର ଦିନ ବିଜେପିରେ ଯୋଗ ଦେଇଛନ୍ତି । ସୋମବାର ଏହାକୁ ଆନୁଷ୍ଠାନିକ ଭାବେ ଘୋଷଣା କରାଯାଇଛି । ଦୁଇ କେନ୍ଦ୍ର ମନ୍ତ୍ରୀ ଧର୍ମେନ୍ଦ୍ର ପ୍ରଧାନ ଏବଂ ଜି କିଶନ ରେଡ୍ଡୀଙ୍କ ଉପସ୍ଥିତିରେ ଏଟାଲା ରାଜେନ୍ଦ୍ର ବିଜେପିରେ ଯୋଗ ଦେଇଥିଲେ । ଆମେ ଆପଣଙ୍କୁ କହି ରଖୁଛୁ ଯେ, କେସିଆରଙ୍କ ନିକଟତର ବୋଲି ମନାଯାଉଥିବା ରାଜେନ୍ଦ୍ର ଜୁନ୍ 12 ରେ ତାଙ୍କ ବିଧାୟକ ପଦରୁ ଇସ୍ତଫା ଦେଇଥିଲେ ।

ତେଲେଙ୍ଗାନାରେ ଶକ୍ତିଶାଳୀ ହେଉଛି ବିଜେପି

ଦୁଇ ଦିନ ପୂର୍ବେ ଯେତେବେଳେ ରାଜେନ୍ଦ୍ର ବିଧାନସଭାରେ ହୁଜୁରାବାଦ ବିଧାୟକ ପଦରୁ ଇସ୍ତଫା ଦେଇଥିଲେ, ସେତେବେଳେ ସେ ବିଜେପିରେ ଯୋଗ ଦେଇପାରନ୍ତି ବୋଲି ତୀବ୍ର ଆଲୋଚନା ହୋଇଥିଲା । ଏହା ପରେ ସେ ସୋମବାର ବିଜେପି ଦଳର ସଦସ୍ୟତା ଗ୍ରହଣ କରିଥିଲେ । ଶାସକ ଟିଆରଏସର ବରିଷ୍ଠ ନେତା ରାଜେନ୍ଦ୍ର ବିଜେପିରେ ଯୋଗ ଦେବା ପରେ ଦଳ ଆହୁରି ମଜବୁତ ହେବ ବୋଲି କୁହାଯାଉଛି । ସେ ବିଜେପିରେ ଯୋଗଦେବା ପରେ ଆଉ କିଛି ଟିଆରଏସ ନେତା ମଧ୍ୟ ଦଳରେ ଯୋଗଦେବା ସମ୍ଭାବନା ରହିଛି ବୋଲି ଆଲୋଚନା ହେଉଛି ।

Delhi: Former Telangana Minister Eatala Rajender, who resigned as an MLA on 12th June, joins BJP in the presence of Union Ministers Dharmendra Pradhan and G Kishan Reddy. pic.twitter.com/JWIQ8la7GT
— ANI (@ANI) June 14, 2021

ଗତ ମାସରେ ରାଜେନ୍ଦ୍ରଙ୍କୁ କ୍ୟାବିନେଟରୁ ହଟାଇ ଦିଆଯାଇଥିଲା

ସୂଚନାଯୋଗ୍ୟ, ଗତ ମାସରେ ରାଜେନ୍ଦ୍ରଙ୍କୁ କ୍ୟାବିନେଟରୁ ବରଖାସ୍ତ କରାଯାଇଥିଲା । ତାଙ୍କ ବିରୋଧରେ ଅଭିଯୋଗ ହେଉଛି ଯେ ତାଙ୍କ ପରିବାର ସଦସ୍ୟଙ୍କ ମାଲିକାନାରେ ଥିବା କମ୍ପାନୀଗୁଡିକ ରାଜ୍ୟର ଜମି ଉପରେ ଜବରଦଖଲ କରିଛନ୍ତି । କ୍ୟାବିନେଟରୁ ହଟାଯିବା ପରେ ସେ ଦଳର ସଦସ୍ୟତାରୁ ଇସ୍ତଫା ଦେଇଛନ୍ତି ।