କରୋନାରେ ଚାଲିଗଲେ ମାହାଙ୍ଗା ପୂର୍ବତନ ବିଧାୟକ ବିକ୍ରମ କେଶରୀ ବର୍ମା

କଟକ ଜିଲା ଅର୍ନ୍ତଗତ ମାହାଙ୍ଗାର ପୂର୍ବତନ ବିଧାୟକ ତଥା ବରିଷ୍ଠ ନେତା ବିକ୍ରମ କେଶରୀ ବର୍ମାଙ୍କର ପରଲୋକ । ଭୁବନେଶ୍ୱରର ଏକ ଘରୋଇ ହସ୍ପିଟାଲରେ ଚିକିତ୍ସାଧୀନ ଅବସ୍ଥାରେ ତାଙ୍କର ଦେହାନ୍ତ ହୋଇଛି ।

Published: Saturday, June 5, 2021, 15:40 [IST]

ଭୁବନେଶ୍ୱର : କଟକ ଜିଲା ଅର୍ନ୍ତଗତ ମାହାଙ୍ଗାର ପୂର୍ବତନ ବିଧାୟକ ତଥା ବରିଷ୍ଠ ନେତା ବିକ୍ରମ କେଶରୀ ବର୍ମାଙ୍କର ପରଲୋକ । ଭୁବନେଶ୍ୱରର ଏକ ଘରୋଇ ହସ୍ପିଟାଲରେ ଚିକିତ୍ସାଧୀନ ଅବସ୍ଥାରେ ତାଙ୍କର ଦେହାନ୍ତ ହୋଇଛି । ମୃତ୍ୟୁ ବେଳକୁ ତାଙ୍କୁ 81 ବର୍ଷ ବୟସ ହୋଇଥିଲା । ସେ ସାରସ୍ୱତ ସାଧକ,ବିଶିଷ୍ଟ କବି,ଶିକ୍ଷାବିତ,ପୂର୍ବତନ ବିଧାୟକ ଓ ବିଜୁ ଜନତା ଦଳର ବରିଷ୍ଠ ନେତା ଥିଲେ ।

2004 ରୁ 2009 ପର୍ଯ୍ୟନ୍ତ ମାହାଙ୍ଗାର ବିଧାୟକ ଭାବେ ନିର୍ବାଚିତ ହୋଇଥିଲେ । ସେହପରି 1996 ରୁ 2000 ମସିହା ପର୍ଯ୍ୟନ୍ତ ରାଜ୍ୟ ବିହନ ନିଗମ ଅଧ୍ୟକ୍ଷ ଥିଲେ । ଜଣେ ଶିକ୍ଷକ ନେତା ଭାବେ ମଧ୍ୟ ବେଶ ଖ୍ୟତି ଅର୍ଜନ କରିଥିଲେ । ତାଙ୍କ ବିୟୋଗ ନେଇ ତାଙ୍କ ଝିଅ କ୍ରିଷ୍ଣା କୁମାରୀ ବର୍ମା ସୂଚନା ଦେଇଛନ୍ତି । ବର୍ମାଙ୍କ ନେତୃତ୍ୱରେ 1994 ରେ ୟୁନାଇଟେଡ ଟିଟର୍ସ ଆଣ୍ଡ ଏମ୍ପଲୋୟି ସଂଘ ତିଆରି ହୋଇଥିଲା ।

Published On June 5, 2021