ହିମାଚଳ ପ୍ରଦେଶର ପୂର୍ବତନ ମୁଖ୍ୟମନ୍ତ୍ରୀ ବୀରଭଦ୍ର ସିଂହଙ୍କ ପରଲୋକ, ରାଜ୍ୟରେ ତିନି ଦିନ ରାଜକୀୟ ଶୋକ ଘୋଷଣା

ହିମାଚଳ ପ୍ରଦେଶର ପୂର୍ବତନ ମୁଖ୍ୟମନ୍ତ୍ରୀ ତଥା କଂଗ୍ରେସର ବରିଷ୍ଠ ନେତା ବୀରଭଦ୍ର ସିଂହଙ୍କ ଦେହାନ୍ତ ହୋଇଛି । ଶିମଳାର ଇନ୍ଦିର ଗାନ୍ଧୀ ମେଡିକାଲ କଲେଜରେ 87 ବର୍ଷ ବୟସରେ ଆଖି ବୁଜିଛନ୍ତି ବୀରଭଦ୍ର ସିଂହ ।

ନୂଆଦିଲ୍ଲୀ : ହିମାଚଳ ପ୍ରଦେଶର ପୂର୍ବତନ ମୁଖ୍ୟମନ୍ତ୍ରୀ ତଥା କଂଗ୍ରେସର ବରିଷ୍ଠ ନେତା ବୀରଭଦ୍ର ସିଂହଙ୍କ ଦେହାନ୍ତ ହୋଇଛି । ଶିମଳାର ଇନ୍ଦିର ଗାନ୍ଧୀ ମେଡିକାଲ କଲେଜରେ 87 ବର୍ଷ ବୟସରେ ଆଖି ବୁଜିଛନ୍ତି ବୀରଭଦ୍ର ସିଂହ । ସୂଚନା ଅନୁଯାୟୀ, ସକାଳ 3.40ରେ ବୀରଭଦ୍ରଙ୍କ ମୃତ୍ୟୁ ହୋଇଛି । ସେ କରୋନାରେ ସଂକ୍ରମିତ ହେବା ପରେ ସିମ୍‌ଲାସ୍ଥିତ ଆଇଜିଏମସିରେ ଚିକିତ୍ସିତ ହେଉଥିଲେ ।

ବିଗତ ତିନି ମାସରେ ଦୁଇ ଥର କୋଭିଡରୁ ସୁସ୍ଥ ହେବା ପରେ ବୀରଭଦ୍ରଙ୍କୁ ଅପ୍ରେଲ 23 ରେ ଆଇଜିଏମସିଏଚରେ ଭର୍ତ୍ତି କରାଯାଇଥିଲା ।

ବୀରଭଦ୍ର ସିଂହ 6 ଥର ହିମାଚଳ ପ୍ରଦେଶର ମୁଖ୍ୟମନ୍ତ୍ରୀ ରହିଥିଲେ । ଏହା ସହ 9 ଥର ବିଧାୟକ, 5 ଥର ସାଂସଦ ଭାବେ ମଧ୍ୟ ନିର୍ବାଚିତ ହୋଇଛନ୍ତି । ଏବେ ସେ ସୋଲନ ଜିଲ୍ଲାର ଅରକିରୁ ବିଧାୟକ ଥିଲେ । ପ୍ରଥମଥର କରୋନା ସଂକ୍ରମିତ ହେବା ପରେ ତାଙ୍କୁ ଚଣ୍ଡିଗଡ଼ ସ୍ଥିତ ଏକ ହସ୍ପିଟାଲରେ ଭର୍ତ୍ତି କରାଯାଇଥିଲା । କୋଭିଡରୁ ଠିକ୍ ହେବା ପରେ ଅପ୍ରେଲ 30 ରେ ଘରକୁ ଫେରିଥିଲେ । ତେବେ ଘର ପହଞ୍ଚିବାର କିଛିଘଣ୍ଟା ପରେ ନିଶ୍ୱାସ ନେବାରେ କଷ୍ଟ ଅନୁଭବ କରିଥିଲେ । ଫଳରେ ତାଙ୍କୁ ପୁଣିଥରେ ମେଡିକାଲରେ ଭର୍ତ୍ତି କରାଯାଇଥିଲା ।

ହିମାଚଳ ପ୍ରଦେଶର ମୁଖ୍ୟମନ୍ତ୍ରୀ ଜୟ ରାମ ଠାକୁର ପୂର୍ବତନ ମୁଖ୍ୟମନ୍ତ୍ରୀ ତଥା କଂଗ୍ରେସ ନେତା ବୀରଭଦ୍ରା ସିଂହଙ୍କ ସମ୍ମାନାର୍ଥେ ଜୁଲାଇ 8 ରୁ ଜୁଲାଇ 10 ପର୍ଯ୍ୟନ୍ତ ତିନି ଦିନିଆ ରାଜ୍ୟ ଶୋକ ପାଳନ କରିବାକୁ ନିଷ୍ପତ୍ତି ନେଇଛନ୍ତି ।

ତାହ୍କୁ ଚିକିତ୍ସା କରୁଥିବା ଡାକ୍ତର ଜାନକ ରାଜ କହିଛନ୍ତି ଯେ ସୋମବାର ରାତିରେ ତାଙ୍କର ହୃଦଘାତ ହୋଇଥିଲା, ପରେ ତାଙ୍କୁ ଆଇସିୟୁରେ ଭର୍ତ୍ତି କରାଯାଇଥିଲା ଏବଂ ଏଠାରେ ତାଙ୍କୁ ଭେଣ୍ଟିଲେଟର ସହାୟତାରେ ରଖାଯାଇଥିଲା ।

ଚଳିତବର୍ଷ ଜାନୁଆରୀରେ ନିର୍ବାଚନ ରାଜନୀତିରୁ ସନ୍ୟାସ ନେଇ ଘୋଷଣା କରିଥିଲେ ବୀରଭଦ୍ର ସିଂହ । ସେ କହିଥିଲେ, ଆଗାମୀ ନିର୍ବାଚନ ଲଢ଼ିବେ ନାହିଁ । କିନ୍ତୁ ସେ କଂଗ୍ରସର ପ୍ରକୃତ ସୈନିକ ଥିଲେ, ସେଥଇପାଇଁ କଂଗ୍ରେସକୁ ମଜଭୁତ ଦଳ ଭାବେ ଦେଖିବାକୁ ଚାହୁଁଥିଲେ ।

ସେ 2009 ରେ ମନମୋହନ ସିଂହଙ୍କ ସରକାରରେ ଇସ୍ପାତ ମନ୍ତ୍ରୀ ଥିଲେ । 1983 ରେ ପ୍ରଥମ ଥର ପାଇଁ ମୁଖ୍ୟମନ୍ତ୍ରୀ ହୋଇଥିଲା ବୀରଭଦ୍ର । ଏହାପରେ 1990 ରେ ଦ୍ୱିତୀୟ ଥର ପାଇଁ ମୁଖ୍ୟମନ୍ତ୍ରୀ ହୋଇଥିଲେ । ଏହା ପରେ 1993 ରୁ 1998, 2003 ରୁ 2007 ଏବଂ 2012 ରୁ 2017 ପର୍ଯ୍ୟନ୍ତ ହିମାଚଳ ପ୍ରଦେଶର ମୁଖ୍ୟମନ୍ତ୍ରୀ ଥିଲେ ।

ସେ 1962, 1967, 1971, 1980, 2009 ରେ ଲୋକସଭାକୁ ନିର୍ବାଚିତ ହୋଇଥିଲେ । ଇନ୍ଦିରା ଗାନ୍ଧୀଙ୍କ ସରକାରରେ ବୀରଭଦ୍ର ସିଂହ ଡିସେମ୍ବର 1976 ରୁ 1977 ପର୍ଯ୍ୟନ୍ତ କେନ୍ଦ୍ର ପର୍ଯ୍ୟଟନ ଏବଂ ବେସାମରିକ ବିମାନ ଚଳାଚଳ ମନ୍ତ୍ରୀ ଥିଲେ । ଦ୍ୱିତୀୟ ଥର ପାଇଁ ସେ ଇନ୍ଦିରା ସରକାରରେ 1982 ରୁ 1983 ପର୍ଯ୍ୟନ୍ତ କେନ୍ଦ୍ର ଶିଳ୍ପ ମନ୍ତ୍ରୀ ଥିଲେ ।

English summary

Former Chief Minister Of Himachal Pradesh Virbhadra Singh Passes Away