ମଣିପୁରରେ ନୀତୀଶଙ୍କୁ ବଡ ଝଟକା, ବିଜେପିରେ ସାମିଲ ହେଲେ ପାଞ୍ଚ ଜେଡିୟୁ ବିଧାୟକ

ବିହାରରେ ଜେଡ଼ିୟୁ ବିଜେପିକୁ ଝଟକା ଦେବା ପରେ ମଣିପୁରରେ ଜେଡିୟୁକୁ ଲାଗିଛି ବଡ଼ ଝଟକା । ବିହାର ମୁଖ୍ୟମନ୍ତ୍ରୀ ନୀତୀଶ କୁମାରଙ୍କ ଜନତା ଦଳ (ୟୁନାଇଟେଡ୍) ର 5 ଜଣ ବିଧାୟକ ବିଜେପିରେ ଯୋଗ ଦେଇଛନ୍ତି ।

ଇମ୍ଫାଲ : ବିହାରରେ ଜେଡ଼ିୟୁ ବିଜେପିକୁ ଝଟକା ଦେବା ପରେ ମଣିପୁରରେ ଜେଡିୟୁକୁ ଲାଗିଛି ବଡ଼ ଝଟକା । ବିହାର ମୁଖ୍ୟମନ୍ତ୍ରୀ ନୀତୀଶ କୁମାରଙ୍କ ଜନତା ଦଳ (ୟୁନାଇଟେଡ୍) ର 5 ଜଣ ବିଧାୟକ ବିଜେପିରେ ଯୋଗ ଦେଇଛନ୍ତି । ମଣିପୁର ବିଧାନସଭା ସଚିବାଳୟର ବିବୃତ୍ତି ଅନୁଯାୟୀ ଜନତା ଦଳ (ୟୁନାଇଟେଡ୍) ର ପାଞ୍ଚଜଣ ବିଧାୟକ ଶାସକ ଦଳ ବିଜେପିରେ ସାମିଲ ହୋଇଛନ୍ତି । ନଅ ବର୍ଷ ମଧ୍ୟରେ ଦ୍ୱିତୀୟ ଥର ପାଇଁ ଦଳ ସହ ଗଠବନ୍ଧନ ଭାଙ୍ଗିବାର ଦୁଇ ସପ୍ତାହ ପରେ ଏହି ରାଜନୈତିକ ହଲଚଲ ହୋଇଛି ।

ବିଧାନସଭା ସଚିବାଳୟ ଦ୍ୱାରା ଜାରି ବିବୃତ୍ତି ଅନୁଯାୟୀ ମଣିପୁର ବିଧାନସଭା ବାଚସ୍ପତି ସମ୍ବିଧାନର ଦଶମ ଅନୁସୂଚୀ ଅନୁଯାୟୀ ପାଞ୍ଚ ଜଣ ଜେଡିୟୁ ବିଧାୟକଙ୍କ ବିଜେପି ସହ ମିଶ୍ରଣକୁ ଗ୍ରହଣ କରି ଖୁସି ବ୍ୟକ୍ତ କରିଛନ୍ତି । ମଣିପୁର ବିଧାନସଭା ସଚିବ କେ ମେଘଜିତ ସିଂହଙ୍କ ଦସ୍ତଖତରେ ଏକ ବିବୃତ୍ତିରେ କୁହାଯାଇଛି ଯେ ବିଜେପି ସହିତ 5 ଜଣ ଜେଡିୟୁ ବିଧାୟକଙ୍କ ମିଶ୍ରଣକୁ ବାଚସ୍ପତି ଗ୍ରହଣ କରିଛନ୍ତି । ଯେହେତୁ ଦଳ ପରିବର୍ତ୍ତନ କରିଥିବା ବିଧାୟକଙ୍କ ସଂଖ୍ୟା ସମୁଦାୟର ଦୁଇ ତୃତୀୟାଂଶରୁ ଅଧିକ ଥିଲା, ତେଣୁ ସେମାନଙ୍କ ଦଳ ପରିବର୍ତ୍ତନକୁ ବୈଧ ବୋଲି ଧରାଯିବ ।

ବିଜେପିରେ ଯୋଗ ଦେଇଥିବା ପାଞ୍ଚ ଜଣ ବିଧାୟକଙ୍କ ନାମ ହେଉଛି ... ଖ. ଜୟକିଶାନ ସିଂହ, ନଗୁରସଙ୍ଗାଲୁର ସନାଟେ, ମୋହମ୍ମଦ ଅଚବ ଉଦ୍ଦିନ, ଥନଜାମ ଅରୁକୁମାର ଏବଂ ଏଲଏମ ଖୌଟେ ।

ଆପଣଙ୍କୁ କହି ରଖୁଛୁ ଏଲଏମ ଖୌଟେ ଏବଂ ଅରୁଣକୁମାର ପୂର୍ବରୁ ବିଜେପିରୁ ବିଧାନସଭା ନିର୍ବାଚନରେ ପ୍ରତିଦ୍ୱନ୍ଦ୍ୱିତା କରିବାକୁ ଦାବି କରିଥିଲେ, କିନ୍ତୁ ଦଳ ଏହାକୁ ପ୍ରତ୍ୟାଖ୍ୟାନ କରିବା ପରେ ସେ ଜେଡିୟୁରେ ଯୋଗ ଦେଇଥିଲେ । ନିକଟରେ ଅନୁଷ୍ଠିତ ବିଧାନସଭା ନିର୍ବାଚନରେ ଭାରତୀୟ ଜନତା ପାର୍ଟି 60 ସଦସ୍ୟ ବିଶିଷ୍ଟ ରାଜ୍ୟସଭାରେ 32 ଟି ଆସନ ପାଇଥିଲା । ଏଥି ସହିତ ବିଧାନସଭା ନିର୍ବାଚନରେ ଜେଡି (ୟୁ) 38 ଟି ସିଟ୍ ମଧ୍ୟରୁ 6 ଟି ଜିତିଥିଲା ।

English summary

Five JDU MLAs Joins BJP In Manipur