ବଢିଲା ରୋଡ଼ ଶୋ ଓ ରାଲି ଉପର ପ୍ରତିବନ୍ଧକ, ଜାନୁଆରୀ 22 ପର୍ଯ୍ୟନ୍ତ ରାଲି, ରୋଡ଼ ଶୋ, ସମାବଶ ମନା

ନିର୍ବାଚନା ରାଲି, ସମାବେଶ ଓ ରୋଡ଼ ସୋ ଉପରେ ବଢିଲା କଟକଣା । ରୋଡ଼ ସୋ, ରାଲି ଏବଂ ସମାବେଶ ଉପରେ ଥିବା ପ୍ରତିବନ୍ଧକକୁ ଆସନ୍ତା ଜାନୁଆରୀ 22 ତାରିଖ ପର୍ଯ୍ୟନ୍ତ ବଢାଇଛନ୍ତି ନିର୍ବାଚନ କମିଶନ ।

Updated: Saturday, January 15, 2022, 17:54 [IST]

ନୂଆଦିଲ୍ଲୀ : ନିର୍ବାଚନା ରାଲି, ସମାବେଶ ଓ ରୋଡ଼ ଶୋ ଉପରେ ବଢିଲା କଟକଣା । ରୋଡ଼ ଶୋ, ରାଲି ଏବଂ ସମାବେଶ ଉପରେ ଥିବା ପ୍ରତିବନ୍ଧକକୁ ଆସନ୍ତା ଜାନୁଆରୀ 22 ତାରିଖ ପର୍ଯ୍ୟନ୍ତ ବଢାଇଛନ୍ତି ନିର୍ବାଚନ କମିଶନ ।

କରୋନା ମହାମାରୀର ସଂକ୍ରମଣରେ ତୀବ୍ର ବୃଦ୍ଧି ଏବ ଓମିକ୍ରନ ଭାରିଆଣ୍ଟର ଭୟାବହତାକୁ ଦୃଷ୍ଟିରେ ରଖି ନିର୍ବାଚନ କମିଶନ ଏହି ଅବଧିକୁ ବୃଦ୍ଧି କରିଛନ୍ତି । ଏକ ସପ୍ତାହ ପୂର୍ବରୁ ନିର୍ବାଚନ ଆୟୋଗ ଉତ୍ତରପ୍ରଦେଶ ସମେତ 5 ଟି ରାଜ୍ୟରେ ବିଧାନସଭା ନିର୍ବାଚନ ଘୋଷଣା କରିଥିଲେ । ସେହି ସମୟ ମଧ୍ୟରେ, କରୋନା ମହାମାରୀକୁ ଦୃଷ୍ଟିରେ ରଖି ଆୟୋଗ 15 ଜାନୁୟାରୀ ପର୍ଯ୍ୟନ୍ତ ନିର୍ବାଚନ ସମାବେଶ, ରୋଡ୍ ଶୋ ଇତ୍ୟାଦି ଉପରେ ପ୍ରତିବନ୍ଧକ ଲଗାଇଥିଲେ । ଜାନୁଆରୀ 16 ରୁ ଏହା ଉପରେ ସାମାନ୍ୟ ଆଶ୍ୱସ୍ତି ମିଳିବ ବୋଲି ଆଶା କରାଯାଉଥିଲା, କିନ୍ତୁ କରୋନା ବୃଦ୍ଧି ପାଉଥିବା ମାମଲାକୁ ଦୃଷ୍ଟିରେ ରଖି ଏହାକୁ ଜାନୁୟାରୀ 22 ପର୍ଯ୍ୟନ୍ତ ବୃଦ୍ଧି କରାଯାଇଛି । ତଥାପି, କିଛି ସର୍ତ୍ତ ସହିତ ଇନଡୋର ମିଟିଂକୁ ଅନୁମତି ଦିଆଯାଇଛି ।

ଏହି ପ୍ରସଙ୍ଗରେ ନିର୍ବାଚନ ଆୟୋଗର ମୁଖପାତ୍ର ଟ୍ୱିଟ୍ କରି ଲେଖିଛନ୍ତି ଯେ ରାଲି ତଥା ରୋଡ୍ ସୋ ଉପରେ ପ୍ରତିବନ୍ଧକ ଜାନୁୟାରୀ 22 ପର୍ଯ୍ୟନ୍ତ ବୃଦ୍ଧି କରାଯାଇଛି । ତଥାପି, ବର୍ତ୍ତମାନ ରାଜନୈତିକ ଦଳଗୁଡ଼ିକ ଭିତର ସଭା କରିପାରିବେ । ଏଥିରେ ସର୍ବାଧିକ 300 ଲୋକ କିମ୍ବା ସ୍ଥାନ କ୍ଷମତାର 50 ପ୍ରତିଶତ ଲୋକଙ୍କୁ ସାମିଲ ହେବାକୁ ଅନୁମତି ମିଳିବ । ଏହି ସମୟ ମଧ୍ୟରେ ରାଜ୍ୟ ଏବଂ କେନ୍ଦ୍ର ଦ୍ୱାରା ସ୍ଥିର କରାଯାଇଥିବା ନିୟମଗୁଡିକ (ଇନଡୋର ହଲ୍ ସମ୍ବନ୍ଧୀୟ) ପାଳନ କରିବାକୁ ପଡ଼ିବ ।

ECI extends ban on physical rallies and roadshows until 22 January, 2022

ECI grants relaxation for the political parties to the extent that indoor meetings of maximum of 300 persons or 50% of the capacity of the hall or the prescribed limit set by SDMA (1/2)
— Spokesperson ECI (@SpokespersonECI) January 15, 2022

ଅନ୍ୟ ଏକ ଟ୍ୱିଟ୍‌ରେ ସେ ଲେଖିଛନ୍ତି ଯେ ନିର୍ବାଚନ ଆୟୋଗ ସମସ୍ତ ପକ୍ଷଙ୍କୁ ବିସ୍ତୃତ ନିର୍ଦ୍ଦେଶାବଳୀ ଅନୁସରଣ କରିବାକୁ ଅନୁରୋଧ କରୁଛି । ଏହା ବ୍ୟତୀତ ରାଜ୍ୟ / ଜିଲ୍ଲା ପ୍ରଶାସନ ନିଶ୍ଚିତ କରିବା ଉଚିତ ଯେ ରାଜନୈତିକ ଦଳ ସବୁଆଡେ ସେମାନଙ୍କ ନିର୍ଦ୍ଦେଶ ପାଳନ କରୁଛନ୍ତି ।