ତାମିଲନାଡୁର ନୂତନ ମୁଖ୍ୟମନ୍ତ୍ରୀ ଭାବେ ଶପଥ ନେଲେ ଏମ.କେ ଷ୍ଟାଲିନ
ଡିଏମକେ ମୁଖ୍ୟ ଏମ.କେ ଷ୍ଟାଲିନ ଆଜି ତାମିଲନାଡୁର ନୂତନ ମୁଖ୍ୟମନ୍ତ୍ରୀ ଭାବେ ଶପଥ ନେଇଛନ୍ତି । ଶୁକ୍ରବାର ଦିନ ରାଜ ଭବନରେ ନୂତନ ମୁଖ୍ୟମନ୍ତ୍ରୀ ଭାବେ ଶପଥ ଗ୍ରହଣ କରିଛନ୍ତି । ରାଜ୍ୟପାଳ ବନୱାରୀୱାଲ ପୁରୋହିତ ତାଙ୍କୁ ଶପଥ ଗ୍ରହଣ ଏବଂ ଗୁପ୍ତ ପାଠ କରାଇଛନ୍ତି ।
ଚେନ୍ନାଇ : ଡିଏମକେ ମୁଖ୍ୟ ଏମ.କେ ଷ୍ଟାଲିନ ଆଜି ତାମିଲନାଡୁର ନୂତନ ମୁଖ୍ୟମନ୍ତ୍ରୀ ଭାବେ ଶପଥ ନେଇଛନ୍ତି । ଶୁକ୍ରବାର ଦିନ ରାଜ ଭବନରେ ନୂତନ ମୁଖ୍ୟମନ୍ତ୍ରୀ ଭାବେ ଶପଥ ଗ୍ରହଣ କରିଛନ୍ତି । ରାଜ୍ୟପାଳ ବନୱାରୀୱାଲ ପୁରୋହିତ ତାଙ୍କୁ ଶପଥ ଗ୍ରହଣ ଏବଂ ଗୁପ୍ତ ପାଠ କରାଇଛନ୍ତି । କୋଭିଡ କାରଣରୁ ଶପଥ ଗ୍ରହଣ ସମାରୋହକୁ ଅତି ସରଳ ରଖାଯାଇଥିଲା । ଏମ.କେ ଷ୍ଟାଲିନ ପ୍ରଥମ ଥର ପାଇଁ ରାଜ୍ୟ ମୁଖ୍ୟମନ୍ତ୍ରୀ ହୋଇଛନ୍ତି । ଦୀର୍ଘ ସମୟ ପରେ ରାଜ୍ୟରେ ଏକ ସଂଖ୍ୟାଗରିଷ୍ଠତା ହାସଲ କରି ସରକା ଗଠନ କରିଛି । ଦଳର ପିତାମହ କୁହାଯାଉଥିବା ଏମ କରୁଣାନିଧିଙ୍କ ମୃତ୍ୟୁ ପରେ ଏହା ରାଜ୍ୟରେ ଦଳ ପାଇଁ ପ୍ରଥମ ନିର୍ବାଚନ ଥିଲା । ଏମ.କେ ଷ୍ଟାଲିନଙ୍କ ନେତୃତ୍ୱରେ ଡିଏମକେ ସହଯୋଗୀ ଦଳ ଚମତ୍କାର ପ୍ରଦର୍ଶନ କରି 159 ଟି ସିଟ୍ ଜିତିଛି ।
ବରିଷ୍ଠ ନେତା ଏସ୍. ଦୁରାଇମୁରୁଗନ (ଜଳ ସମ୍ପଦ ମନ୍ତ୍ରୀ), କେ.ଏନ୍. ନେହରୁ (ସହରାଞ୍ଚଳ ମନ୍ତ୍ରୀ), ଆଇ. ପେରିସାମୀଙ୍କୁ ସମବାୟ, କେ. ପୋନମୁଡିଙ୍କୁ ଉଚ୍ଚଶିକ୍ଷା ମନ୍ତ୍ରୀ ଭାବେ ଶପଥ ନେଇଛନ୍ତି । ପୂର୍ବତନ କେନ୍ଦ୍ରମନ୍ତ୍ରୀ ଏସ୍. ରେଘୁପାଠିଙ୍କୁ ଆଇନ୍ ମନ୍ତ୍ରୀ କରାଯାଇଛି । ଶପଥ ଗ୍ରହଣ ସମାରୋହରେ ଡିଏମକେର ସହଯୋଗୀ ଦଳର ନେତା ଏବଂ ପୂର୍ବତନ ମୁଖ୍ୟମନ୍ତ୍ରୀ ଓ. ପନିରସେଲଭମ ଉପସ୍ଥିତ ଥିଲେ ।
ସୂଚନାଯୋଗ୍ୟ, 68 ବର୍ଷୀୟ ଷ୍ଟାଲିନଙ୍କ ପିତା କରୁଣାନିଧି 5 ଥର ରାଜ୍ୟ ମୁଖ୍ୟମନ୍ତ୍ରୀ ରହି ସାରିଛନ୍ତି । ଏମ.କେ ଷ୍ଟାଲିନଙ୍କ ସମ୍ପୂର୍ଣ୍ଣ ନାମ ମୁଥୁଭେଲ କରୁଣାନିଧି ଷ୍ଟାଲିନ । ସୋଭିଏତ ୟୁନିଅନର ପ୍ରସିଦ୍ଧ ନେତା ଜୋସେଫ ଷ୍ଟାଲିନଙ୍କ ନାମ ଅନୁସାରେ ତାଙ୍କର ନାମକରଣ କରାଯାଇଥିଲା । ଷ୍ଟାଲିନ ବର୍ତ୍ତମାନ ପର୍ଯ୍ୟନ୍ତ 6 ଥର ବିଧାନସଭାକୁ ନିର୍ବାଚିତ ହୋଇଛନ୍ତି । କରୋନା କାଳରେଲ ଅନୁଷ୍ଠିତ ନିର୍ବାଚନରେ ତାଙ୍କ ଦଳ ଚମତ୍କାର ପ୍ରଦର୍ଶନ କରିଛି, ଏହା ପରେ ଦଳର ସମସ୍ତ ନେତା ଓ କର୍ମୀଙ୍କ ମଧ୍ୟରେ ବହୁତ ଉତ୍ସାହ ରହିଛି । ଏହି ସମୟରେ ଡିଏମକେ ମୁଖ୍ୟ ଏମ.କେ ଷ୍ଟାଲିନ କହିଛନ୍ତି ଯେ 'ତାମିଲନାଡୁବାସୀଙ୍କୁ ଏହି ମିଳିତ ମଞ୍ଚକୁ ନିର୍ବାଚନରେ ବିଜୟୀ କରିଥିବାରୁ ମୁଁ କୃତଜ୍ଞତା ଜଣାଉଛି । ଆମେ ଧୀରେ ଧୀରେ ଆମର ନିର୍ଦ୍ଦିଷ୍ଟ ନିର୍ବାଚନ ପ୍ରତିଶ୍ରୁତି ପୂରଣ କରିବୁ । '
ଡିଏମକେ ନିର୍ବାଚନରେ 159 ଟି ଆସନ ଜିତିଛି
ସୂଚନାଯୋଗ୍ୟ ଯେ, ବିଧାନସଭା ଆସନରେ ଥିବା 234 ଟି ଆସନ ମଧ୍ୟରୁ ଡିଏମକେ ମିଳିତ ମଞ୍ଚ 159 ଟି ଆସନ ପାଇଛି ଯେଉଁଥିରୁ 133 ଟି ଡିଏମକେ, କଂଗ୍ରେସ 18, ଭିସିକେ 4 ଏବଂ ସିପିଏମ, ସିପିଆଇ ଦୁଇଟି ଲେଖାଏଁ ଆସନ ପାଇଛନ୍ତି । 2016 ବିଧାନସଭା ନିର୍ବାଚନରେ AIADMK କୁ 136 ଆ,ନ ମିଳିଥିବା ବେଳେ ଡିଏମକେ 89 ଟି ସିଟ୍ ପାଇଥିଲା । ଏହା ସହିତ ସେତେବେଳେ କଂଗ୍ରେସ ଦଳ 8 ଟି ସିଟ୍ ପାଇଥିବାବେଳେ ଅନ୍ୟମାନେ ଗୋଟିଏ ସିଟ୍ ପାଇଥିଲେ ।