ଚାଚା ବିଧାୟକ ହୈ ହମାରେ... ବିଜେପି ନେତା ଦେବେନ୍ଦ୍ର ଫଡନାଭିସଙ୍କ 22 ବର୍ଷୀୟ ପୁତୁରାଙ୍କ କରୋନା ଟିକା ନେଉଥିବା ଫଟୋ ଭାଇରାଲ
ସୋମବାର ଇନଷ୍ଟାଗ୍ରାମରେ ତନ୍ମୟ ଫଡନାଭିସ୍ ଟିକା ନେଉଥିବା ଏକ ଫଟୋ ସେୟାର କରିଛନ୍ତି । ଏହି ଫଟୋ ସୋଶାଲ୍ ମିଡ଼ିଆରେ ଭାଇରାଲ ହେବା ସହ ମହାରାଷ୍ଟ୍ର କଂଗ୍ରେସ ବର୍ତ୍ତମାନ ଦେବେନ୍ଦ୍ର ଫଡନାଭିସ୍ ଏବଂ ବିଜେପିକୁ କଡ଼ା ସମାଲୋଚନା କରିଛି ।
ମୁମ୍ବାଇ : ମହାରାଷ୍ଟ୍ରର ପୂର୍ବତନ ମୁଖ୍ୟମନ୍ତ୍ରୀ ତଥା ଭାରତୀୟ ଜନତା ପାର୍ଟି (ବିଜେପି) ର ଦେବେନ୍ଦ୍ର ଫଡନାଭିସ୍ ଆଜିକାଲି ଭିନ୍ନ ଭିନ୍ନ ବିବାଦ ଘେରରେ ରହୁଛନ୍ତି । ଦେବେନ୍ଦ୍ର ଫଡନାଭିସଙ୍କ 22 ବର୍ଷୀୟ ପୁତୁରା ତନ୍ମୟ ଫଡନାଭିସଙ୍କ କରୋନା ଟିକା ଗ୍ରହଣ କରିବାର ଫଟୋ ଭାଇରାଲ ହେବାରେ ଲାଗିଛି । ମହାରାଷ୍ଟ୍ରର କଂଗ୍ରେସ ନେତା ଏକ ଟ୍ୱିଟ୍ ଜରିଆରେ ଦାବି କରିଛନ୍ତି ଯେ, ଦେବେନ୍ଦ୍ର ଫଡନାଭିସଙ୍କ ପୁତୁରାର ବୟସ 22 ବର୍ଷ ଏବଂ ସେ କୌଣସି ଫ୍ରଣ୍ଟଲାଇନ୍ ୱାର୍କର ନୁହଁ । ତେବେ ତାଙ୍କୁ କିପରି କରୋନା ଟିକା ଦିଆଗଲା ।
ସୂଚନାଯୋଗ୍ୟ, ସୋମବାର ଇନଷ୍ଟାଗ୍ରାମରେ ତନ୍ମୟ ଫଡନାଭିସ୍ ଟିକା ନେଉଥିବା ଏକ ଫଟୋ ସେୟାର କରିଛନ୍ତି । ଏହି ଫଟୋ ସୋଶାଲ୍ ମିଡ଼ିଆରେ ଭାଇରାଲ ହେବା ସହ ମହାରାଷ୍ଟ୍ର କଂଗ୍ରେସ ବର୍ତ୍ତମାନ ଦେବେନ୍ଦ୍ର ଫଡନାଭିସ୍ ଏବଂ ବିଜେପିକୁ କଡ଼ା ସମାଲୋଚନା କରିଛି । ଲୋକମାନେ ସୋସାଲ୍ ମିଡିଆରେ ଲେଖୁଛନ୍ତି ଯେ, ଏହି ଡାଇଲଗ୍ ସତ ହେଲା, "ଚାଚା ବିଧାୟକ ହୈ ହମାରେ..." ।
Hey @KanganaTeam,
Tanmay Fadnavis got Vaccinated even though he is an Actor and below 45 years!
Is this NEPOTISM or not? Is Tanmay not part of BOLLYWOOD MAFIA?
Will you meet Governor and Modiji to complain about Fadnavis? pic.twitter.com/4J38hOKisY
— Srivatsa (@srivatsayb) April 19, 2021
କୁହାଯାଉଛି ଯେ, ତନ୍ମୟ ଫଡନାଭିସ୍ କରୋନା ଟାକାର ଦୁଇଟି ଯାକ ଡୋଜ ନେଇଛନ୍ତି । ଗୋଟିଏ ମୁମ୍ବାଇରେ ଏବଂ ଅନ୍ୟଟି ନାଗପୁରର ଜାତୀୟ କର୍କଟ ପ୍ରତିଷ୍ଠାନରେ ।
ଦେଶରେ କେବଳ ଫ୍ରଣ୍ଟଲାଇନ କର୍ମଚାରୀ ଏବଂ 45 ବର୍ଷରୁ ଅଧିକ ବୟସ୍କଙ୍କ ପାଇଁ ଦେଶବ୍ୟାପୀ ଟୀକାକରଣ ଅଭିଯାନ ଚାଲିଥିବାବେଳେ ଜଣେ 22 ବର୍ଷ ବୟସ୍କ ଯୁବକ କିପରି ଏହି ଟିକା ନେଇଛନ୍ତି ବୋଲି କଂଗ୍ରେସ ପ୍ରଶ୍ନ କରିଛି । ଏହି ଅନୁମତି କେଉଁଠାରେ ଦିଆଯାଇଛି ? କଂଗ୍ରେସ ନେତା ଟ୍ୱିଟରରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କୁ ଟ୍ୟାଗ୍ କରି କହିଛନ୍ତି, ' ମୋଦୀ ଜି ଆପଣଙ୍କୁ କଣ ଦେବେନ୍ଦ୍ର ଫଡନାଭିସଙ୍କ ପୁତୁରା 45 ବର୍ଷୀୟ ଲାଗୁଛନ୍ତି ?
Click it and Unblock the Notifications
Sign in with Google