'ଦିଲ୍ଲୀ ବିଧାୟକ କିଣିବାକୁ 1075 କୋଟି ରଖିଛି ବିଜେପି' - ମନୀଷ ସିସୋଦିଆ

ଗଣମାଧ୍ୟମକୁ ସମ୍ବୋଧିତ କରି ମନୀଷ ସିସୋଦିଆ କହିଛନ୍ତି ଯେ ଦିଲ୍ଲୀର ବିଧାୟକ କିଣିବାକୁ ବିଜେପି ଚେଷ୍ଟା କରୁଛି । ଏଥିପାଇଁ 1075 କୋଟି ଟଙ୍କା ମଧ୍ୟ ପ୍ରସ୍ତୁତ କରାଯାଇଛି । ସେ କହିଛନ୍ତି ଯେ ଅକ୍ଟୋବର 28 ପରେ ଆଜି ମଧ୍ୟ ଏକ ଅଡିଓ ଭାଇରାଲ ହେଉଛି ।

Published: Saturday, October 29, 2022, 16:11 [IST]

ନୂଆଦିଲ୍ଲୀ : ଚଳିତ ବର୍ଷ ହେବାକୁ ଥିବା ହିମାଚଳ ପ୍ରଦେଶ ବିଧାନସଭା ନିର୍ବାଚନ ପାଇଁ ତାରିଖ ଘୋଷଣା କରାଯାଇଛି । ଏଥି ସହିତ ଖୁବ ଶୀଘ୍ର ଗୁଜୁରାଟ ନିର୍ବାଚନର ତାରିଖ ମଧ୍ୟ ଘୋଷଣା କରାଯିବ । ସେପଟେ ଦିଲ୍ଲୀର ଉପମୁଖ୍ୟମନ୍ତ୍ରୀ ମନୀଷ ସିସୋଦିଆ ବିଜେପି ଉପରେ ଏକ ବଡ ଅଭିଯୋଗ ଆଣିଛନ୍ତି । ଶନିବାର ଗଣମାଧ୍ୟମକୁ ସମ୍ବୋଧିତ କରି ସେ କହିଛନ୍ତି ଯେ ଦିଲ୍ଲୀର ବିଧାୟକ କିଣିବାକୁ ବିଜେପି ଚେଷ୍ଟା କରୁଛି । ଏଥିପାଇଁ 1075 କୋଟି ଟଙ୍କା ମଧ୍ୟ ପ୍ରସ୍ତୁତ କରାଯାଇଛି । ସେ କହିଛନ୍ତି ଯେ ଅକ୍ଟୋବର 28 ପରେ ଆଜି ମଧ୍ୟ ଏକ ଅଡିଓ ଭାଇରାଲ ହେଉଛି । ଏହି ଅଡିଓରେ ଟିଆରଏସ ଏବଂ ଏଏପି ବିଧାୟକ କିଣିବା କଥା କୁହାଯାଇଛି ।

ସାମ୍ବାଦିକ ସମ୍ମିଳନୀରେ ଅମିତ ଶାହାଙ୍କ ଉପରେ ଅଭିଯୋଗ ଆଣି ସିସୋଦିଆ କହିଛନ୍ତି ଯେ ଯଦି ସେ ଏସବୁ କରୁଛନ୍ତି ତେବେ ତାଙ୍କୁ ତୁରନ୍ତ ଗିରଫ କରାଯିବା ଉଚିତ୍ । ସେ କହିଛନ୍ତି ଯେ 43 ଜଣ ବିଧାୟକଙ୍କ ପାଇଁ ବିଜେପି 1075 ଟଙ୍କା ରଖିଛି । ଏହା ବ୍ୟତୀତ ସିସୋଦିଆ ବିଜେପିକୁ ପ୍ରଶ୍ନ କରି କହିଥିଲେ ଯେ ଏତେ ଟଙ୍କା କେଉଁଠୁ ଆସୁଛି ? ଘଟଣାର ଅନୁସନ୍ଧାନ କରାଯିବା ଉଚିତ୍ ।

ସାମ୍ବାଦିକ ସମ୍ମିଳନୀରେ ଦିଲ୍ଲୀର ଉପମୁଖ୍ୟମନ୍ତ୍ରୀ ସିସୋଦିଆ କହିଛନ୍ତି ଯେ ଆମେ ଆପଣଙ୍କୁ ଏହା ପୂର୍ବରୁ ମଧ୍ୟ କହିଥିଲୁ ଯେ ବିଜେପି ମଧ୍ୟ ମୋତେ କିଣିବାକୁ ଚେଷ୍ଟା କରୁଛି । ଅତୀତରେ ଭାଇରାଲ ହୋଇଥିବା ଏକ ଅଡିଓ ବିଷୟରେ ସିସୋଦିଆ କହିଛନ୍ତି ଯେ ସନ୍ତୋଷ ଜୀ ଏବଂ ଅମିତ ଶାହାଙ୍କ ନାମ ନେଉଥିବା ଏହି ବ୍ୟକ୍ତି କିଏ ?

ଏହି ସମ୍ମିଳନୀରେ ଉପମୁଖ୍ୟମନ୍ତ୍ରୀ ସିସୋଦିଆ କହିଛନ୍ତି ଯେ 28 ରେ ଏକ ଅଡିଓ ସାମ୍ନାକୁ ଆସିଛି । ଏଥିରେ ବିଧାୟକ କିଣିବା ନେଇ ଆଲୋଚନା ହେଉଛି । ଆହୁରି ମଧ୍ୟ, ଅଡିଓରେ ବି.ଏଲ୍ ସନ୍ତୋଷଙ୍କ ସହ ଭେଟିବା ନେଇ କୁହାଯାଉଛି । ଏଥି ସହିତ, ଆଜି ପୁଣି ଏକ ନୂଆ ଅଡିଓ ସାମ୍ନାକୁ ଆସିଛି । ଏହି ନୂତନ ଅଡିଓରେ ବିଜେପିର ଦଲାଲ ଟିଆରଏସ ବିଧାୟକ କିଣିବା କଥା କହୁଛନ୍ତି । ଏହା ସହିତ ଦିଲ୍ଲୀର 43 ଜଣ ବିଧାୟକଙ୍କୁ କିଣିବା କଥା ମଧ୍ୟ ଅଡିଓରେ ଶୁଣିବାକୁ ମିଳିଛି । ବିଜେପି ଦ୍ୱାରା ଅପରେସନ୍ ଲୋଟସ୍ ପରିଚାଳିତ ହେଉଛି ।

दिल्ली में 43 MLAs को तोड़ने की कोशिश कर रही है भाजपा. तेलंगाना में MLA ख़रीदने की कोशिश में ₹100 करोड़ के साथ पकड़े गए इनके दलाल ने खुद क़बूला है कि इसी तरह 25-25 करोड़ में दिल्ली के MLA ख़रीदने के लिए पैसा रखा हुआ है.

कहाँ से आ रहा है 43 MLA ख़रीदने के लिए 1075 करोड़ रुपया? https://t.co/k7OGHWuDXn
— Manish Sisodia (@msisodia) October 29, 2022

ଏଥିସହିତ ମନୀଷ ଟ୍ୱିଟ୍ କରି କହିଛନ୍ତି, ଦିଲ୍ଲୀରେ 43 ଜଣ ବିଧାୟକଙ୍କୁ ଭାଙ୍ଗିବାକୁ ବିଜେପି ଚେଷ୍ଟା କରୁଛି । ତେଲେଙ୍ଗାନାରେ ବିଧାୟକ କିଣିବାକୁ ଉଦ୍ୟମ କରୁଥିବା ତାଙ୍କ ଦଲାଲ ₹ 100 କୋଟି ଟଙ୍କା ସହ ଧରାପଡ଼ିବା ପରେ ନିଜେ ସ୍ୱୀକାର କରିଛନ୍ତି ଯେ ଏହିପରି ଦିଲ୍ଲୀର ବିଧାୟକଙ୍କୁ 25-25 କୋଟିରେ କିଣିବା ପାଇଁ ଟଙ୍କା ରଖାଯାଇଛି । 43 ବିଧାୟକ କିଣିବା ପାଇଁ 1075 କୋଟି ଟଙ୍କା କେଉଁଠୁ ଆସୁଛି ?

Published On October 29, 2022