ମିଥ୍ୟା ମାମଲାରେ ଫସାଇ ମନୀଷ ସିସୋଦିଆଙ୍କୁ ଜେଲକୁ ପଠାଇବାକୁ ଷଡଯନ୍ତ୍ର କରୁଛନ୍ତି କେନ୍ଦ୍ର : କେଜ୍ରିୱାଲ
ଅରବିନ୍ଦ କହିଛନ୍ତି ଯେ ସତ୍ୟନ୍ଦ୍ର ଜୈନଙ୍କ ପରେ ଡେପୁଟି ସିଏମ ମନୀଷ ସିସୋଦିଆଙ୍କୁ ମିଥ୍ୟା ମାମଲାରେ ଦୋଷୀ ସାବ୍ୟସ୍ତ କରି ଜେଲକୁ ପଠାଇବା ପାଇଁ ଏକ ଷଡଯନ୍ତ୍ର କରାଯାଉଛି ।
ନୂଆଦିଲ୍ଲୀ : କେଜ୍ରିୱାଲ ସରକାରରେ ସ୍ୱାସ୍ଥ୍ୟମନ୍ତ୍ରୀ ସତ୍ୟେନ୍ଦ୍ର ଜୈନଙ୍କ ସମସ୍ୟା ବଢିଛି । ନିକଟରେ ତାଙ୍କୁ ଏନଫୋର୍ସମେଣ୍ଟ ଡାଇରେକ୍ଟୋରେଟ (ଇଡି) ଗିରଫ କରିଥିଲା । ଅର୍ଥ ହେରଫେର ଅଭିଯୋଗରେ ଇଡି ତାଙ୍କୁ ଗିରଫ କରିଛି । ଏହି ପରିପ୍ରେକ୍ଷୀରେ, ଦୁର୍ନୀତି ନିବାରଣ ଆଇନର ବିଭିନ୍ନ ବିଭାଗ ଅଧୀନରେ କେନ୍ଦ୍ରୀୟ ଅନୁସନ୍ଧାନ ବ୍ୟୁରୋ (ସିବିଆଇ) ମଧ୍ୟ ଏକ ମାମଲା ରୁଜୁ କରିଥିଲା । ଏହା ପରେ ତାଙ୍କୁ ପଚରାଉଚୁରା ପାଇଁ ଇଡି ହେପାଜତକୁ ପଠାଯାଇଛି ।
ଏହା ପରେ ଗୁରୁବାର ଦିନ ସିଏମ କେଜ୍ରିୱାଲ ଏକ ସାମ୍ବାଦିକ ସମ୍ମିଳନୀ କରି ମୋଦୀ ସରକାରଙ୍କ ଉପରେ କଡ଼ା ଆକ୍ରମଣ କରିଛନ୍ତି । ସେ କହିଛନ୍ତି ଯେ ସତ୍ୟନ୍ଦ୍ର ଜୈନଙ୍କ ପରେ ଡେପୁଟି ସିଏମ ମନୀଷ ସିସୋଦିଆଙ୍କୁ ମିଥ୍ୟା ମାମଲାରେ ଦୋଷୀ ସାବ୍ୟସ୍ତ କରି ଜେଲକୁ ପଠାଇବା ପାଇଁ ଏକ ଷଡଯନ୍ତ୍ର କରାଯାଉଛି ।
ମୁଖ୍ୟମନ୍ତ୍ରୀ କେଜ୍ରିୱାଲ କହିଛନ୍ତି ଯେ ମୁଁ କିଛି ମାସ ପୂର୍ବରୁ କହିଥିଲି ଯେ ଏକ ମିଥ୍ୟା ମାମଲାରେ କେନ୍ଦ୍ର ସରକାର ସତ୍ୟନ୍ଦ୍ର ଜୈନଙ୍କୁ ଗିରଫ କରିବାକୁ ଯାଉଛନ୍ତି । ନିର୍ଭରଯୋଗ୍ୟ ଉତ୍ସରୁ ମୁଁ ଏହି ଖବର ବିଷୟରେ ଜାଣିଥିଲି । ବର୍ତ୍ତମାନ ସମାନ ସୂତ୍ରରୁ ଏହା ଜଣାପଡିଛି ଯେ ଏକ ମିଥ୍ୟା ମାମଲାରେ କେନ୍ଦ୍ର ସରକାର ମନୀଷ ସିସୋଦିଆଙ୍କୁ ମଧ୍ୟ ଗିରଫ କରିବାକୁ ଯାଉଛନ୍ତି । ଏହା ମଧ୍ୟ ଜାଣିବାକୁ ମିଳିଛି ଯେ ମନୀଷ ସିସୋଦିଆଙ୍କ ବିରୋଧରେ ଏକ ନକଲି ମାମଲା ପ୍ରସ୍ତୁତ କରିବାକୁ କେନ୍ଦ୍ର ସମସ୍ତ ଅନୁସନ୍ଧାନକାରୀ ସଂସ୍ଥାକୁ କହିଛି । ସିଏମ କେଜ୍ରିୱାଲ ଆହୁରି ମଧ୍ୟ କହିଛନ୍ତି ଯେ ସିସୋଦିଆ ଭାରତରେ ଶିକ୍ଷା ବିପ୍ଳବର ଜନକ । ସ୍ୱାଧୀନତା ପରେ ସେ ସର୍ବଶ୍ରେଷ୍ଠ ଶିକ୍ଷା ମନ୍ତ୍ରୀ ।
କେଜ୍ରିୱାଲ କହିଛନ୍ତି ଯେ ସିସୋଦିଆ ସମଗ୍ର ଦେଶର ଗରିବ ପିଲାମାନଙ୍କୁ ଆଶା ଦେଇଛନ୍ତି ଯେ ସେମାନଙ୍କ ଭାଗ୍ୟ ବଦଳିପାରିବ । ଆମକୁ ମଧ୍ୟ ଭଲ ଶିକ୍ଷା ଦେବାର ଉପାୟ କହିବାକୁ ଆଜି ସାରା ବିଶ୍ୱରୁ ତାଙ୍କ ପାଖକୁ କଲ୍ ଆସୁଛି ବୋଲି କହିଛନ୍ତି କେଜ୍ରିୱାଲ । ଏହି ସବୁ କାରଣରୁ କେନ୍ଦ୍ର ସରକାର ସେମାନଙ୍କ ପଛରେ ପଡ଼ିଛନ୍ତି । କେନ୍ଦ୍ର ସରକାର ଜୈନ ଏବଂ ସିସୋଦିଆଙ୍କୁ ଜେଲକୁ ପଠାଇ ଦିଲ୍ଲୀର ଶିକ୍ଷା ତଥା ସ୍ୱାସ୍ଥ୍ୟ ବିକାଶକୁ ବନ୍ଦ କରିବାକୁ ଚାହୁଁଛନ୍ତି, କିନ୍ତୁ ମୁଁ ଏହା କରିବାକୁ ଦେବି ନାହିଁ । ସେ ପଚାରିଛନ୍ତି ଯେ ଯଦି ମନୀଷ ଏବଂ ଜୈନ ଦୁର୍ନୀତିଗ୍ରସ୍ତ, ତେବେ ଦେଶରେ କିଏ ସଚ୍ଚୋଟ ?
ସିଏମ୍ କହିଛନ୍ତି ଯେ ମୁଁ କେନ୍ଦ୍ର ସରକାରଙ୍କୁ ଅନୁରୋଧ କରୁଛି ଆପଣ ଜଣଏ ଜଣେ ମନ୍ତ୍ରୀଙ୍କୁ ଗିରଫ ନକରି ଆମ୍ ଆଦମୀ ପାର୍ଟିର ସମସ୍ତ ନେତାଙ୍କୁ ଗିରଫ କରି ଜେଲକୁ ପଠାଇ ଦିଅନ୍ତୁ । ସତ୍ୟେନ୍ଦ୍ର ଜୈନ ଦିଲ୍ଲୀର ମୋହାଲା କ୍ଲିନିକ୍ ପ୍ରକଳ୍ପକୁ ଆଗକୁ ନେବାକୁ ଚାହୁଁଥିଲେ, ଯମୁନାକୁ ସଫା କରିବାକୁ ଚାହୁଁଥିଲେ, ବର୍ତ୍ତମାନ ଗିରଫଦାରୀ ଯୋଗୁଁ ଏହି କାର୍ଯ୍ୟ ବନ୍ଦ ହୋଇଯିବ । ଯେଉଁ ମାମଲାରେ ତାଙ୍କୁ ଗିରଫ କରାଯାଇଛି ସେଥିରେ ଆୟକର ଏବଂ ସିବିଆଇ ତଦନ୍ତ କରିସାରିଛି, କିନ୍ତୁ ତାଙ୍କୁ କିଛି ମିଳିନଥିଲା । ଯଦି ସମସ୍ତ ଏଜେନ୍ସି ଏହିପରି ଅନୁସନ୍ଧାନ ଜାରି ରଖନ୍ତି, ତେବେ ଜନସାଧାରଣଙ୍କ କାର୍ଯ୍ୟ କେବେ ହେବ ବୋଲି ଅରବିନ୍ଦ କେଜ୍ରିୱାଲ ପ୍ରଶ୍ନ କରିଛନ୍ତି ?
Click it and Unblock the Notifications
Sign in with Google