UP Election 2022 : ରାହୁଲ ଗାନ୍ଧୀଙ୍କ ଉପରେ ପୁଣି ବର୍ଷିଲେ ରାଜନାଥ ସିଂହ, କହିଲେ -‘ସେ ଚୀନ୍ ଉପରେ ବିଶ୍ୱାସ କରନ୍ତି'

ପ୍ରତିରକ୍ଷା ମନ୍ତ୍ରୀ କହିଛନ୍ତି ଯେ ରାହୁଲ ଗାନ୍ଧୀ ଭାରତୀୟ ସୈନିକଙ୍କ ବୀରତ୍ୱ ଉପରେ ବିଶ୍ୱାସ କରୁ ନାହାଁନ୍ତି ବରଂ ଚୀନ୍ ଗଣମାଧ୍ୟମ ଉପରେ ବିଶ୍ୱାସ କରନ୍ତି ।

Published: Saturday, February 5, 2022, 16:41 [IST]

ମଥୁରା : ଉତ୍ତରପ୍ରଦେଶ ବିଧାନସଭା ନିର୍ବାଚନରେ ଦଳ ପାଇଁ ପ୍ରଚାର କରିବାକୁ ଭେଟେରାନ ବିଜେପି ନେତାମାନେ ଅଣ୍ଟା ଭିଡିଛନ୍ତି । 'ମିଶନ୍ ୟୁପି 2022' ପାଇଁ ବିଜେପି ସମ୍ପୂର୍ଣ୍ଣ ପ୍ରସ୍ତୁତି ସହିତ ନିର୍ବାଚନ ପ୍ରଚାରରେ ବ୍ୟସ୍ତ ଅଛି । ଏହି ସମୟରେ ପ୍ରତିରକ୍ଷା ମନ୍ତ୍ରୀ ରାଜନାଥ ସିଂହ ଶନିବାର ମଥୁରାରେ ନିର୍ବାଚନ କାର୍ଯ୍ୟକ୍ରମରେ ଅଂଶଗ୍ରହଣ କରି ସରକାରଙ୍କ ସଫଳତାକୁ ବଖାଣିଛନ୍ତି । ଏଥିସହିତ ସେ ସମାଜବାଦୀ ପାର୍ଟି ଉପରେ ମଧ୍ୟ ଆକ୍ରମଣ କରିଥିଲେ । ଏହି ସମୟରେ ରାଜନାଥ ସିଂହ ପୁଣିଥରେ ରାହୁଲ ଗାନ୍ଧୀଙ୍କ ଉପରେ ତାଙ୍କର ପାକିସ୍ତାନ-ଚୀନ୍ ବିବୃତ୍ତିକୁ ନେଇ ଆକ୍ରମଣ କରିଥିଲେ । ଚୀନ୍ ଗଣମାଧ୍ୟମ ଉପରେ ତାଙ୍କର ବିଶ୍ୱାସ ଅଛି ବୋଲି ମଧ୍ୟ ପ୍ରତିରକ୍ଷା ମନ୍ତ୍ରୀ ଅଭିଯୋଗ କରିଛନ୍ତି ।

କେନ୍ଦ୍ର ପ୍ରତିରକ୍ଷା ମନ୍ତ୍ରୀ ରାଜନାଥ ସିଂହ ଶନିବାର ପଶ୍ଚିମ ଉତ୍ତରପ୍ରଦେଶର ମଥୁରା ଠାରେ ପ୍ରଚାର କରିଥିଲେ, ଯେଉଁଠାରେ ଫେବୃଆରୀ 10 ରେ ପ୍ରଥମ ପର୍ଯ୍ୟାୟ ନିର୍ବାଚନ ପାଇଁ ମତଦାନ ହେବ । ଏହି ସମୟରେ ରାଜନାଥ ସିଂହ ଗଲୱାନରେ ବିବାଦର ପ୍ରସଙ୍ଗ ଉଠାଇ ପୂର୍ବତନ କଂଗ୍ରେସ ସଭାପତି ରାହୁଲ ଗାନ୍ଧୀଙ୍କପ ଟାର୍ଗେଟ୍ କରିଥିଲେ । ପ୍ରତିରକ୍ଷା ମନ୍ତ୍ରୀ କହିଛନ୍ତି ଯେ ରାହୁଲ ଗାନ୍ଧୀ ଭାରତୀୟ ସୈନିକଙ୍କ ବୀରତ୍ୱ ଉପରେ ବିଶ୍ୱାସ କରୁ ନାହାଁନ୍ତି ବରଂ ଚୀନ୍ ଗଣମାଧ୍ୟମ ଉପରେ ବିଶ୍ୱାସ କରନ୍ତି ।

ପୂର୍ବ ଲଦାଖରେ ଜୁନ୍ 2020 ସଂଘର୍ଷ ପ୍ରସଙ୍ଗରେ ଏକ ବିବୃତ୍ତି ପ୍ରଦାନ କରି ପ୍ରତିରକ୍ଷା ମନ୍ତ୍ରୀ କହିଛନ୍ତି ଯେ ଭାରତ ଆଉ ଦୁର୍ବଳ ରାଷ୍ଟ୍ର ନୁହେଁ ବୋଲି ଆମେ ବିଶ୍ୱକୁ ଏକ ବାର୍ତ୍ତା ଦେଇଛୁ । ଆମେ ସୀମା ପାର କରି ଆକ୍ରମଣ କରିପାରିବା । କଂଗ୍ରେସ ନେତା ରାହୁଲ ଗାନ୍ଧୀ କହିଛନ୍ତି ଯେ ଅନେକ ଭାରତୀୟ ସୈନିକ ଗଲୱାନ ଏବଂ କିଛି ଚୀନ୍ ସୈନିକ ସହିଦ ହୋଇଥିଲେ । ସେ ଚାଇନାର ଗଣମାଧ୍ୟମ ଉପରେ ବିଶ୍ୱାସ କରନ୍ତି । ଅଷ୍ଟ୍ରେଲୀୟ ଗଣମାଧ୍ୟମ ରିପୋର୍ଟ କରିଛି ଯେ 38 ରୁ 50 ଜଣ ଚୀନ ଯବାନଙ୍କ ମୃତ୍ୟୁ ହୋଇଛି । କଂଗ୍ରେସ ନେତାଙ୍କ ଆମର ସୈନ୍ୟବାହିନୀର ବୀରତ୍ୱ ଉପରେ ବିଶ୍ୱାସ ନାହିଁ । ସିଂହ ଆହୁରି କହିଛନ୍ତି ଯେ ପ୍ରତିରକ୍ଷା ମନ୍ତ୍ରୀ ଭାବେ ସେ ଦୃଢ ବିଶ୍ୱାସ କରନ୍ତି ଯେ ଭାରତର ଗର୍ବ ଉପରେ କେହି ଆକ୍ରମଣ କରିପାରିବେ ନାହିଁ ।

ଉତ୍ତରପ୍ରଦେଶରେ ଯୋଗୀ ଆଦିତ୍ୟନାଥଙ୍କ ନେତୃତ୍ୱାଧୀନ ବିଜେପି ସରକାର ବିଷୟରେ ପ୍ରତିରକ୍ଷା ମନ୍ତ୍ରୀ କହିଛନ୍ତି ଯେ ରାଜ୍ୟରେ ଆଇନ ଶୃଙ୍ଖଳା ରକ୍ଷା କରିବାରେ ମୁଖ୍ୟମନ୍ତ୍ରୀ ସଫଳ ହୋଇଛନ୍ତି ଏବଂ ଏହାର ପ୍ରଶଂସା ଯୋଗ୍ୟ । ଅପରାଧୀମାନେ ପଳାୟନ କରୁଛନ୍ତି, ମାଫିଆର ସମ୍ପତ୍ତି ନଷ୍ଟ କରାଯାଉଛି । ୟୁପି ପ୍ରଗତିର ପଥରେ ଅଛି । ଏକ୍ସପ୍ରେସୱେ ନିର୍ମାଣ ହେଉଛି, ତହସିଲ ଏବଂ ମୁଖ୍ୟାଳୟକୁ ସଂଯୋଗ କରିବା ପାଇଁ ରାସ୍ତା ନିର୍ମାଣ କରାଯାଉଛି ।

ସେହିପରି ବିଜେପି ପ୍ରାର୍ଥୀ ପୁରନ ପ୍ରକାଶ ପାଇଁ ପ୍ରଚାର କରିବାକୁ ଆସିଥିବା ରାଜନାଥ ସିଂହ ସମାଜବାଦୀ ପାର୍ଟି (ସପା) କୁ ଟାର୍ଗେଟ କରି କହିଛନ୍ତି ଯେ ସମାଜବାଦୀ ପାର୍ଟି ତୁଷ୍ଟୀକରଣ ରାଜନୀତି କରୁଛି, ମୁଁ ଚାହୁଁଛି ସପା ଏଭଳି ରାଜନୀତିରୁ ନିବୃତ୍ତ ରହୁ । ମୁଁ ସପା ଲୋକଙ୍କୁ କହିବାକୁ ଚାହେଁ ଯେ କେବଳ ସରକାର ଗଠନ ପାଇଁ ରାଜନୀତି କରାଯାଏ ନାହିଁ, ସମାଜ ତଥା ଦେଶ ଗଠନ ପାଇଁ ରାଜନୀତି କରାଯାଇଥାଏ ।

Published On February 5, 2022