ଶିବକୁମାର ବନାମ ସିଦ୍ଧରମୈୟା - କାହା ପଲା ଭାରୀ ? ମୁଖ୍ୟମନ୍ତ୍ରୀ ଚୟନରେ କଂଗ୍ରେସ ଆଗରେ ତିନୋଟି ବିକଳ୍ପ

Published: Monday, May 15, 2023, 13:32 [IST]

ବାଙ୍ଗଲୋର : କର୍ଣ୍ଣାଟକରେ କଂଗ୍ରେସ ବିଜୟ ପରେ ମୁଖ୍ୟମନ୍ତୀ ଚୟନ ନେି ଚାଲିଛି କସରତ । ଏହି ରେସ୍ ରେ ଆଗରେ ଅଛନ୍ତି ପୂର୍ବତନ ମୁଖ୍ୟମନ୍ତ୍ରୀ ସିଦ୍ଧରମୈୟା ଏବଂ ରାଜ୍ୟ ସଭାପତି ଡି.କେ ଶିବକୁମାର । ଏହି ଦୁହିଙ୍କ ବ୍ୟତୀତ ଅନ୍ୟ କିଛଇ ନେତାଙ୍କ ନାମ ମଧ୍ୟ ସାମ୍ନାକୁ ଆସୁଛି । ଏହା ପରେ ଦଳ ଆଗରେ ସବୁଠାରୁ ବଡ ଆହ୍ୱାନ ହେଉଛି ସମସ୍ତଙ୍କୁ ସନ୍ତୁଷ୍ଟ କରି ରାଜ୍ୟରେ ସ୍ଥିର ସରକାର ଗଠନ କରିବା ।

ଏଥି ମଧ୍ୟରେ ଆଜି କଂଗ୍ରେସ ହାଇକମାଣ୍ଡ ରାଜ୍ୟ ମୁଖ୍ୟମନ୍ତ୍ରୀଙ୍କ ନାମ ଘୋଷଣା କରିପାରନ୍ତି ବୋଲି କୁହାଯାଉଛି । କିନ୍ତୁ ଏହି ଘୋଷଣା ପୂର୍ବରୁ ଡି.କେ ଶିବକୁମାର ଏଥର ବୁଝାମଣା କରିବେ ନାହିଁ ବୋଲି ଇସାରା କରିସାରିଛନ୍ତି । ସେ କହିଛନ୍ତି ଯେ ମୁଁ ସବୁବେଳେ ଦଳ ପାଇଁ ବଳିଦାନ ଦେଇଆସିଛି । ମୁଁ କେବେ ନିଜ ପାଇଁ କିଛି ମାଗିନାହିଁ ।

କାହା ପଲା ଭାରୀ ?

ଡି.କେ ଶିବକୁମାରଙ୍କୁ କଂଗ୍ରେସର ଏକ ଗୁରୁତ୍ୱପୂର୍ଣ୍ଣ ରଣନୀତିଜ୍ଞ ଭାବେ ବିବେଚନା କରାଯାଏ । ସେ ଯେପରି ରାଜ୍ୟରେ କଂଗ୍ରେସର ବିଜୟ ପାଇଁ ରାସ୍ତା ପ୍ରସ୍ତୁତ କରିଥିଲେ ଏବଂ ନିଜେ କର୍ମୀଙ୍କ ସହ ନିମ୍ନସ୍ତରରେ ମଧ୍ୟ କାମ କରିଥିଲେ, ତାହା ଦେଖିଲେ ପକ୍ଷ ଶିବକୁମାରଙ୍କ ଆଡ଼କୁ ରହୁଛି । ଏପରିକି ଡି.କେ ଶିବକୁମାର ଅନେକ ଥର ଦଳକୁ ସଙ୍କଟରୁ ରକ୍ଷା କରିଛନ୍ତି । ଯୁବ ନେତାଙ୍କ ମଧ୍ୟରେ ତାଙ୍କ ପ୍ରତି ଶ୍ରଦ୍ଧା ରହିଛି ଏବଂ ନବ ନିର୍ବାଚିତ ଅଧିକାଂଶ ବିଧାୟକ ଡି.କେ ଶିବକୁମାରଙ୍କ ସପକ୍ଷରେ ଅଛନ୍ତି । ଏହା ସହିତ ଡି.କେ ଶିବକୁମାର ମଧ୍ୟ କେନ୍ଦ୍ରୀୟ ନେତୃତ୍ୱର ନିକଟତର ବୋଲି ବିବେଚନା କରାଯାଏ । ତାଙ୍କୁ ଉଭୟ ଭୋକାଲିଗା ଏବଂ ଲିଙ୍ଗାୟତ ସମ୍ପ୍ରଦାୟର ନେତାଙ୍କ ସମର୍ଥନ ରହିଛି ।

ଏପରପକ୍ଷରେ ମୁଖ୍ୟମନ୍ତ୍ରୀ ରେସର ଅନ୍ୟ ବଡ଼ ଚେହେରା ସିଦ୍ଧରମୈୟା ଦଳର ଜଣେ ବିଶ୍ୱସ୍ତ ନେତା ଏବଂ ରାଜ୍ୟରେ ଜଣେ ଲୋକପ୍ରିୟ ନେତା । ସେ ଏପରି ଜଣେ ନେତା ଯିଏ ନିଜ ସପକ୍ଷରେ ଭିଡ଼ ଜୁଟାଇବାରେ ସକ୍ଷମ । ସିଦ୍ଧରମୈୟା କୁରୁବ ସମ୍ପ୍ରଦାୟରୁ ଆସି ଜଣେ ମହାନ ନେତା ଭାବରେ ପରିଗଣିତ ହୋଇଥିଲେ । ଦଳର ସର୍ବୋଚ୍ଚ ନେତା ଭାବେ ରାଜ୍ୟ ସରକାର ଚଳାଇବାର ଅଭିଜ୍ଞତା ମଧ୍ୟ ରହିଛି ।

କିନ୍ତୁ ସରକାର ଚଳାଇବା ସହିତ ସଂଗଠନ ଚଳାଇବାରେ ମଧ୍ୟ ସିଦ୍ଧରମୈୟାଙ୍କର ଭଲ ଅଭିଜ୍ଞତା ରହିଛି । ସେ କୁରୁବା ସମ୍ପ୍ରଦାୟକୁ ଅଧିକ ସମର୍ଥନ କରୁଥିବା ଅଭିଯୋଗ କରି ହିନ୍ଦୁତ୍ୱ ସଂଗଠନ ସିଦ୍ଧରମୈୟାଙ୍କୁ ବିରୋଧ କରିଛନ୍ତି ।

ସେହିପରି ଦୁର୍ନୀତି ଅଭିଯୋଗରେ ଡି.କେ ଶିବକୁମାର ମଧ୍ୟ ଜେଲ ଯାଇଛନ୍ତି । ଡି.କେ ଶିବକୁମାରଙ୍କ ଲୋକପ୍ରିୟତା କେବଳ ସହରୀ ଅଞ୍ଚଳରେ ରହିଛି । ଏହାକୁ ମଧ୍ୟ କଂଗ୍ରେସ ହାଇକମାଣ୍ଡ ନଜରରେ ରଖିପାରନ୍ତି ।

ଦଳ ଆଗରେ କଣ ରହିଛି ବିକଳ୍ପ ?

ସିଦ୍ଧରମୈୟା ଏବଂ ଡି.କେ ଶିବକୁମାରଙ୍କ ଉଭୟ ପକ୍ଷକୁ ଅସନ୍ତୋଷ ନ କରିବାକୁ କଂଗ୍ରେସ ଦଳ ସମସ୍ତ ପ୍ରକାର ଉଦ୍ୟମ କରୁଛି । ଏଥିପାଇଁ ଉଭୟ ନେତାଙ୍କୁ ଦଳ 2 ଏବଂ 3 ବର୍ଷ ପାଇଁ ସିଏମ୍ କରି ପାରନ୍ତି । କିନ୍ତୁ ଡି.କେ ଶିବକୁମାର ଏଥିରେ ସହମତ ନୁହଁନ୍ତି ।

ଅନ୍ୟ ଏକ ପରିସ୍ଥିତି ଯାହା ରୂପ ନେଉଛି ତାହା ହେଉଛି କଂଗ୍ରେସ ଦଳ ସିଦ୍ଧରମୈୟାଙ୍କୁ ମୁଖ୍ୟମନ୍ତ୍ରୀ ପଦ ପ୍ରଦାନ କରିବ ଏବଂ ଡି.କେ ଶିବକୁମାର ଏହି ପଦବୀ ପାଇଁ ଦୌଡ଼ରୁ ଓହରିଯିବେ । କିନ୍ତୁ ଶିବକୁମାର ଯେଉଁ ପ୍ରକାରର ମନୋଭାବ ଦେଖାଇଛନ୍ତି, ଏହା ବର୍ତ୍ତମାନ ସମୟରେ ସମ୍ଭବ ପରି ମନେ ହେଉନାହିଁ । ଶିବକୁମାର ଏଥର ଆପୋଷ ବୁଝାମଣା ନ କରିବାକୁ ଇସାରା କରିସାରିଛନ୍ତି ।

ଅନ୍ୟ ପରିସ୍ଥିତି ବିଷୟରେ କହିବାକୁ ଗଲେ କଂଗ୍ରେସ ଦଳ ସିଦ୍ଧରମୈୟାଙ୍କୁ ମୁଖ୍ୟମନ୍ତ୍ରୀ ଏବଂ ଡି.କେ ଶିବକୁମାରଙ୍କୁ ଉପମୁଖ୍ୟମନ୍ତ୍ରୀ କରିପାରେ । କିନ୍ତୁ ଡି.କେ କ୍ୟାମ୍ପରେ ଥିବା ବିଧାୟକମାନେ ଏହାକୁ ବିରୋଧ କରି ଡି.କେ. ଙ୍କୁ ସିଏମ୍ କରିବାକୁ ଦାବି କରିପାରନ୍ତି । ଯଦି ରିପୋର୍ଟକୁ ବିଶ୍ୱାସ ବିଧାୟକଙ୍କ ସଂଖ୍ୟା ଡି.କେ ସପକ୍ଷରେ ଅଧିକ ରହିଛି ।

Published On May 15, 2023