ଦ୍ରୌପଦୀ ମୁର୍ମୁଙ୍କୁ ନେଇ କଂଗ୍ରେସ ନେତାଙ୍କ ବିବାଦୀୟ ବୟାନ, କହିଲେ - ‘ସେ ଏଭିଲ୍ ଫିଲୋସଫି ର ପ୍ରତିନିଧିତ୍ୱ କରୁଛନ୍ତି'
କଂଗ୍ରେସ ନେତା ଅଜୟ କୁମାର ଏନଡିଏର ରାଷ୍ଟ୍ରପତି ପ୍ରାର୍ଥୀ ଦ୍ରୌପଦୀ ମୁର୍ମୁଙ୍କ ସମ୍ପର୍କରେ ଏକ ବିବୃତ୍ତି ଦେଇ ଏକ ନୂଆ ବିବାଦ ସୃଷ୍ଟି କରିଛନ୍ତି । ସେ କହିଛନ୍ତି ଯେ ଦ୍ରୌପଦୀ ମୁର୍ମୁ 'ଏଭିଲ୍ ଫିଲୋସଫି ଅଫ୍ ଇଣ୍ଡିଆ' ଅର୍ଥାତ୍ ମନ୍ଦ ଚିନ୍ତାଧାରାର ଅଟନ୍ତି ।'
ନୂଆଦିଲ୍ଲୀ : କଂଗ୍ରେସ ନେତା ଅଜୟ କୁମାର ଏନଡିଏର ରାଷ୍ଟ୍ରପତି ପ୍ରାର୍ଥୀ ଦ୍ରୌପଦୀ ମୁର୍ମୁଙ୍କ ସମ୍ପର୍କରେ ଏକ ବିବୃତ୍ତି ଦେଇ ଏକ ନୂଆ ବିବାଦ ସୃଷ୍ଟି କରିଛନ୍ତି । ସେ କହିଛନ୍ତି ଯେ ଦ୍ରୌପଦୀ ମୁର୍ମୁ 'ଏଭିଲ୍ ଫିଲୋସଫି ଅଫ୍ ଇଣ୍ଡିଆ' ଅର୍ଥାତ୍ ମନ୍ଦ ଚିନ୍ତାଧାରାର ଅଟନ୍ତି । ତାଙ୍କୁ ଆଦିବାସୀମାନଙ୍କର ପ୍ରତୀକ ଭାବରେ ବିବେଚନା କରାଯିବା ଉଚିତ୍ ନୁହେଁ । ନ୍ୟୁଜ୍ ଏଜେନ୍ସି ANI ସହ କଥାବାର୍ତ୍ତା କରି କଂଗ୍ରେସ ନେତା ଅଭିଯୋଗ କରିଛନ୍ତି ଯେ ଅନୁସୂଚିତ ଜାତିର ଅବସ୍ଥା ଅତ୍ୟନ୍ତ ଖରାପ ହୋଇଛି । ବିଜେପି ଏହାକୁ ତୀବ୍ର ବିରୋଧ କରିଛି ।
କଂଗ୍ରେସ ନେତା ଅଜୟ କୁମାର କହିଛନ୍ତି ଯେ ରାମନାଥ କୋବିନ୍ଦ ଆମର ରାଷ୍ଟ୍ରପତି, କିନ୍ତୁ ଯେତେବେଳେ ହଥରାସ ଘଟଣା ଘଟିଲା ସେତେବେଳେ ସେ ଗୋଟିଏ ବି ଶବ୍ଦ କହି ନାହାଁନ୍ତି । ଅନୁସୂଚିତ ଜାତିର ଅବସ୍ଥା ବିଗିଡି ଯାଇଛି । ଦ୍ରୌପଦୀ ମୁର୍ମୁଙ୍କୁ ଆଦିବାସୀ ପ୍ରତୀକ କରାଯିବା ଉଚିତ ନୁହେଁ । କାରଣ ସେ ଏଭିଲ୍ ଫିଲୋସଫିର ଅଟନ୍ତି ।
ରାଷ୍ଟ୍ରପତି ନିର୍ବାଚନକୁ "ଜାତିର ଆତ୍ମା" ପାଇଁ ସଂଗ୍ରାମ ବୋଲି ବର୍ଣ୍ଣନା କରି ସେ କହିଛନ୍ତି ଯେ ସମସ୍ତ ସମାନ ଚିନ୍ତାଧାରା ଥିବା ଦଳ ବିରୋଧୀ ପ୍ରାର୍ଥୀ ଯଶବନ୍ତ ସିହ୍ନାଙ୍କୁ ଭୋଟ୍ ଦେବା ଉଚିତ୍ । ସେ କହିଛନ୍ତି ଯେ ଲୋକଙ୍କୁ ପ୍ରତୀକ କରିବା ଏବଂ ଭାରତର ଲୋକଙ୍କୁ ବୋକା ବନାଉଛି ମୋଦୀ ସରକାର । ଏହା ଦେଶର ପ୍ରାଣ ପାଇଁ ଏକ ଲଢେଇ ଏବଂ ସମସ୍ତ ସମାନ ଚିନ୍ତାଧାରା ରଖୁଥିବା ଦଳ ଯଶୱନ୍ତ ସିହ୍ନାଙ୍କୁ ଭୋଟ୍ ଦେବା ଉଚିତ୍ ।
ଅଜୟ କୁମାରଙ୍କ ମନ୍ତବ୍ୟ ଉପରେ ଜବାବ ରଖି ବିଜେପି ରାଷ୍ଚ୍ରୀୟ ମୁଖପାତ୍ର ଶାହାଜାଦ ପୁନାୱାଲା କହିଛନ୍ତି ଯେ ରାଷ୍ଟ୍ରପତି ପ୍ରାର୍ଥୀ ଦ୍ରୌପଦୀ ମୁର୍ମୁଙ୍କୁ କଂଗ୍ରେସ ଅପମାନିତ କରିଛି ।
Click it and Unblock the Notifications
Sign in with Google