ଉତ୍ତରପ୍ରଗଦେଶ ନିର୍ବାଚନ 2022 : ସାମ୍ଭାବ୍ୟ ପ୍ରାର୍ଥୀଙ୍କ ନାମ ଉପରେ ଆଲୋଚନା ପାଇଁ କଂଗ୍ରେସର ଆଜି ଗୁରୁତ୍ୱପୂର୍ଣ୍ଣ ବୈଠକ
2022 ଉତ୍ତରପ୍ରଦେଶ ବିଧାନସଭା ନିର୍ବାଚନ ପାଇଁ ସମ୍ଭାବ୍ୟ ପ୍ରାର୍ଥୀଙ୍କ ନାମ ଉପରେ ଆଲୋଚନା ପାଇଁ କଂଗ୍ରେସ ଦଳର କେନ୍ଦ୍ରୀୟ ନିର୍ବାଚନ କମିଟି (ସିଇସି) ଶନିବାର ଦିନ ବୈଠକ କରିବାର ସମ୍ଭାବନା ରହିଛି ।
ନୂଆଦିଲ୍ଲୀ : 2022 ଉତ୍ତରପ୍ରଦେଶ ବିଧାନସଭା ନିର୍ବାଚନ ପାଇଁ ସମ୍ଭାବ୍ୟ ପ୍ରାର୍ଥୀଙ୍କ ନାମ ଉପରେ ଆଲୋଚନା ପାଇଁ କଂଗ୍ରେସ ଦଳର କେନ୍ଦ୍ରୀୟ ନିର୍ବାଚନ କମିଟି (ସିଇସି) ଶନିବାର ଦିନ ବୈଠକ କରିବାର ସମ୍ଭାବନା ରହିଛି । ନୂଆଦିଲ୍ଲୀରେ ଦଳର ସଭାପତି ସୋନିଆ ଗାନ୍ଧୀଙ୍କ ବାସଭବନରେ ଏହି ବୈଠକ ଅନୁଷ୍ଠିତ ହେବ । ଏହି ବୈଠକ ଅପରାହ୍ନ 5 ଟାରେ ଅନୁଷ୍ଠିତ ହେବାର ସମ୍ଭାବନା ରହିଛି । ନ୍ୟୁଜ୍ ଏଜେନ୍ସି ANI ଅନୁଯାୟୀ, 150 ବିଧାନସଭା ଆସନ ପାଇଁ ସମ୍ଭାବ୍ୟ ପ୍ରାର୍ଥୀଙ୍କ ନାମ ତାଲିକା ପ୍ରସ୍ତୁତ କରିଛି କଂଗ୍ରେସ । ଯାହା ଉପରେ ଆଲୋଚନା ହେବ ।
ବିଭିନ୍ନ ସ୍ତରରେ ବିଧାନସଭା ନିର୍ବାଚନ ପାଇଁ କଂଗ୍ରେସ ପ୍ରସ୍ତୁତି ଆରମ୍ଭ କରିଛି । "ପ୍ରଶିକ୍ଷଣ ରୁ ପରାକ୍ରମ ପର୍ଯ୍ୟନ୍ତ" ସ୍ଲୋଗାନ ଦେଇ ଏକ ପ୍ରଶିକ୍ଷଣ ଶିବିର ଚାଲିଛି, ଜିଲ୍ଲା ତଥା ବ୍ଲକ ସ୍ତରରେ ଦଳୀୟ କର୍ମୀଙ୍କୁ ପ୍ରଶିକ୍ଷଣ ଦିଆଯାଉଛି । ପ୍ରୋଗ୍ରାମର ଦୁଇଟି ପର୍ଯ୍ୟାୟ ସମାପ୍ତ ହୋଇସାରିଛି ।
ଅନ୍ୟପକ୍ଷରେ ଦଳର ସାଧାରଣ ସମ୍ପାଦକ ପ୍ରିୟଙ୍କା ଗାନ୍ଧୀ ଭଦ୍ରା ଆସନ୍ତା ସପ୍ତାହ ଆରମ୍ଭରେ ଉତ୍ତରପ୍ରଦେଶର ରାଜଧାନୀ ଲକ୍ଷ୍ନୌ ପରିଦର୍ଶନ କରିବାକୁ ଯାଉଛନ୍ତି । ଯେଉଁଠାରେ ପ୍ରିୟଙ୍କା ଗାନ୍ଧୀ ଦଳର ରାଜ୍ୟ ନିର୍ବାଚନ କମିଟି ସଦସ୍ୟ ଏବଂ ଅନ୍ୟାନ୍ୟ କାର୍ଯ୍ୟାଳୟର ଅଧିକାରୀଙ୍କ ସହ ବୈଠକ କରିବେ । ପ୍ରିୟଙ୍କା ଗାନ୍ଧୀ ମଧ୍ୟ ଶନିବାର (ଅକ୍ଟୋବର 23) ରୁ ଉତ୍ତରପ୍ରଦେଶରେ ତିନୋଟି 'ପ୍ରତିଜ୍ଞା ଯାତ୍ରା' ଆରମ୍ଭ କରିବେ ।
ୟୁପି ବିଧାନସଭା ନିର୍ବାଚନ ପାଇଁ ଟିକେଟ୍ ଆବଣ୍ଟନରେ ମହିଳା ମାନଙ୍କ ପାଇଁ 40 ପ୍ରତିଶତ ସଂରକ୍ଷଣ, ଦ୍ୱାଦଶ ଶ୍ରେଣୀ ପାସ୍ ବାଳିକାମାନଙ୍କ ପାଇଁ ସ୍ମାର୍ଟଫୋନ୍ ଏବଂ ସ୍ନାତକୋତ୍ତର ବାଳିକାମାନଙ୍କ ପାଇଁ ଇଲେକ୍ଟ୍ରିକ୍ ସଂରକ୍ଷଣ ପ୍ରତିଶୃତି ଦେଇସାରିଛି । ଆଶା କରାଯାଉଛି ପ୍ରିୟଙ୍କା ଗାନ୍ଧୀ ଆଜି ଏଭଳି ଅଧିକ ଘୋଷଣା କରିପାରନ୍ତି । ୟୁପି ବିଧାନସଭା ନିର୍ବାଚନ ପୂର୍ବରୁ ରାଜ୍ୟବାସୀଙ୍କୁ ସାତୋଟି ପ୍ରତିଶ୍ରୁତି ଦେବାକୁ କଂଗ୍ରେସ ପ୍ରସ୍ତାବ ଦେଇଛି । ଏହାର ନିର୍ବାଚନ ମନିଫେଷ୍ଟୋ ମଧ୍ୟ କିଛି ଦିନ ମଧ୍ୟରେ ପ୍ରକାଶ ପାଇବ ବୋଲି ଆଶା କରାଯାଉଛି ।
Click it and Unblock the Notifications
Sign in with Google