ଅଗ୍ନିପଥ ଯୋଜନା ବିରୋଧରେ କଂଗ୍ରେସର ସତ୍ୟାଗ୍ରହ, ପ୍ରିୟଙ୍କା କହିଛନ୍ତି - ସରକାର ଏହି ଯୋଜନାକୁ ପ୍ରତ୍ୟାହାର କରିବା ଉଚିତ୍

ଗ୍ନିପଥ ଯୋଜନାକୁ ନେଇ ଚାଲିଥିବା ବିରୋଧ ମଧ୍ୟରେ ଏହାକୁ ନେଇ ରାଜନୀତି ଜୋର୍ ଧରିଛି । ଛାତ୍ରମାନଙ୍କ ପୂର୍ଣ୍ଣ ସମର୍ଥନରେ କଂଗ୍ରେସ ମଧ୍ୟ ରାସ୍ତାକୁ ଓହ୍ଲାଇଛି । ଏହି ଯୋଜନା ପ୍ରତ୍ୟାହାର କରିବାକୁ ସରକାରଙ୍କ ନିକଟରେ ଦାବି କରିଛି କଂଗ୍ରେସ ।

ନୂଆଦିଲ୍ଲୀ : ଅଗ୍ନିପଥ ଯୋଜନାକୁ ନେଇ ଚାଲିଥିବା ବିରୋଧ ମଧ୍ୟରେ ଏହାକୁ ନେଇ ରାଜନୀତି ଜୋର୍ ଧରିଛି । ଛାତ୍ରମାନଙ୍କ ପୂର୍ଣ୍ଣ ସମର୍ଥନରେ କଂଗ୍ରେସ ମଧ୍ୟ ରାସ୍ତାକୁ ଓହ୍ଲାଇଛି । ଏହି ଯୋଜନା ପ୍ରତ୍ୟାହାର କରିବାକୁ ସରକାରଙ୍କ ନିକଟରେ ଦାବି କରିଛି କଂଗ୍ରେସ । ରବିବାର ଦିନ ଜନ୍ତର ମନ୍ତରରେ କଂଗ୍ରେସର ସାଧାରଣ ସମ୍ପାଦକ ପ୍ରିୟଙ୍କା ଗାନ୍ଧୀଙ୍କ ସମେତ ସମସ୍ତ ବରିଷ୍ଠ ନେତା ବିରୋଧ କରୁଛନ୍ତି । କଂଗ୍ରେସ କହିଛି ଯେ ସରକାର ଏହି ଯୋଜନାକୁ ତୁରନ୍ତ ପ୍ରତ୍ୟାହାର କରିବା ଉଚିତ, କାରଣ ଏହା ଛାତ୍ରମାନଙ୍କ ପାଇଁ ଭଲ ନୁହେଁ ।

କଂଗ୍ରେସ ନେତା ପ୍ରିୟଙ୍କା ଗାନ୍ଧୀ ଭଦ୍ରା କହିଛନ୍ତି ଯେ ଯୁହକ ମାନେ ସାରା ଜୀବନ ସେନାରେ ଯୋଗଦେବାକୁ ଚାହୁଁଛନ୍ତି । ବର୍ତ୍ତମାନ ଯାହା ଘଟୁଛି ତାହା ଭୁଲ୍ ହେଉଛି । ଏହି ଯୋଜନା ପ୍ରତ୍ୟାହାର କରାଯିବା ଉଚିତ୍ । କଂଗ୍ରେସ ନେତା ସଚିନ ପାଇଲଟ କହିଛନ୍ତି ଯେ କୋଭିଡ ବାହାନାରେ ଆପଣ (ସରକାର) 2 ବର୍ଷ ପାଇଁ ନିଯୁକ୍ତି ବନ୍ଦ କରି ଦେଇଛନ୍ତି । କେବଳ ସେନାରେ 1.25 ଲକ୍ଷ ପଦବୀ ଖାଲି ଅଛି । ଆପଣ (ସରକାର) କେବଳ ଲୋକଙ୍କୁ ଦ୍ୱନ୍ଦ୍ୱରେ ପକାଇ ଭବିଷ୍ୟତକୁ ନଷ୍ଟ କରିବାକୁ ଚେଷ୍ଟା କରୁଛନ୍ତି । ଆମେ ସତ୍ୟଗ୍ରାହ କରି ଏହି ଯୋଜନା ପ୍ରତ୍ୟାହାର କରିବାକୁ ସରକାରଙ୍କୁ ବାଧ୍ୟ କରିବୁ ।

କୃଷି ଆଇନ ପରି ଏହା ମଧ୍ୟ ପ୍ରତ୍ୟାହାର ହେବ

ଅଗ୍ନିପଥ ଯୋଜନା ସରକାରଙ୍କ ପାଇଁ ଏକ ସମସ୍ୟା ପାଲଟିଛି । ସରକାରଙ୍କ ଏହି ଯୋଜନା ବିରୋଧରେ ସାରା ଦେଶରେ ହିଂସାତ୍ମକ ପ୍ରଦର୍ଶନ ଚାଲିଛି । ଏହି ପ୍ରସଙ୍ଗରେ କେତେକ ବିରୋଧୀ ଦଳ ରାଜନୀତି କରିବା ଆରମ୍ଭ କରିଦେଇଛନ୍ତି । ବିରୋଧୀ ଦଳ ଲଗାତାର ସରକାର ଉପରେ ଚାପ ପକାଉଛନ୍ତି । କଂଗ୍ରେସ ନେତା ରାହୁଲ ଗାନ୍ଧୀ ଶନିବାର ଦିନ କେନ୍ଦ୍ର ସରକାରଙ୍କୁ ଟାର୍ଗେଟ୍ କରି କହିଛନ୍ତି ଯେ କୃଷି ଆଇନକୁ ଯେପରି ପ୍ରତ୍ୟାହାର କଲେ, ଏବେ ଅଗ୍ନିପଥ ଯୋଜନାକୁ ପ୍ରତ୍ୟାହାର କରିବାକୁ ପଡିବ ।

ରାହୁଲ ଗାନ୍ଧୀ ଟ୍ୱିଟରେ କହିଛନ୍ତି ଯେ ଲଗାତାର 8 ବର୍ଷ ଧରି ସରକାର 'ଜୟ ଜୱାନ, ଜୟ କିସାନ'ର ମୂଲ୍ୟବୋଧକୁ ଅପମାନିତ କରିଛନ୍ତି । ମୁଁ ଏହା ପୂର୍ବରୁ ମଧ୍ୟ କହିଥିଲି ଯେ ପ୍ରଧାନମନ୍ତ୍ରୀଙ୍କୁ କଳା କୃଷି ଆଇନ ପ୍ରତ୍ୟାହାର କରିବାକୁ ପଡିବ । ଠିକ୍ ସେହିପରି ଭାବରେ ତାଙ୍କୁ 'ମାଫିବୀର' ହୋଇ ଦେଶର ଯୁବପିଢୀଙ୍କ କଥା ମାନିବାକୁ ପଡ଼ିବ ଏବଂ 'ଅଗ୍ନିପଥ'କୁ ପ୍ରତ୍ୟାହାର କରିବାକୁ ପଡ଼ିବ ।

English summary

Congress Protest Against Agnipath Scheme in Delhi