କଂଗ୍ରେସ ଅଧ୍ୟକ୍ଷ ପାଇଁ ଅଶୋକ ଗେହଲଟ୍ ଏବଂ ଶଶି ଥରୁରଙ୍କ ମଧ୍ୟରେ ହୋଇପାରେ ମୁକାବିଲା

ଆସନ୍ତା ମାସରେ ହେବାକୁ ଥିବା କଂଗ୍ରେସ ଅଧ୍ୟକ୍ଷ ପଦ ନିର୍ବାଚନକୁ ନେଇ ଦଳ ମଧ୍ୟରେ ଆନ୍ଦୋଳନ ତୀବ୍ର ହୋଇଛି । କଂଗ୍ରେସ ଅଧ୍ୟକ୍ଷ ପଦ ପାଇଁ ହେବାକୁ ଥିବା ନିର୍ବାଚନ ପାଇଁ ଦୁଇ ପ୍ରାର୍ଥୀଙ୍କ ନାମ ସାମ୍ନାକୁ ଆସୁଛି ।

Updated: Tuesday, September 20, 2022, 12:51 [IST]

ନୂଆଦିଲ୍ଲୀ : ଆସନ୍ତା ମାସରେ ହେବାକୁ ଥିବା କଂଗ୍ରେସ ଅଧ୍ୟକ୍ଷ ପଦ ନିର୍ବାଚନକୁ ନେଇ ଦଳ ମଧ୍ୟରେ ଆନ୍ଦୋଳନ ତୀବ୍ର ହୋଇଛି । କଂଗ୍ରେସ ଅଧ୍ୟକ୍ଷ ପଦ ପାଇଁ ହେବାକୁ ଥିବା ନିର୍ବାଚନ ପାଇଁ ଦୁଇ ପ୍ରାର୍ଥୀଙ୍କ ନାମ ସାମ୍ନାକୁ ଆସୁଛି । ଏହି ଦୁଇ ନାମ ହେଉଛି ରାଜସ୍ଥାନ ମୁଖ୍ୟମନ୍ତ୍ରୀ ଅଶୋକ ଗେହଲଟ୍ ଏବଂ ଥିରୁବନନ୍ତପୁରମ୍ କଂଗ୍ରେସ ସାଂସଦ ଶଶି ଥରୁର । ଆସନ୍ତା ନିର୍ବାଚନରେ ଦଳର ଅଧ୍ୟକ୍ଷ ପଦ ପାଇଁ ପ୍ରତିଦ୍ୱନ୍ଦ୍ୱିତା କରିବାକୁ ଶଶି ଥରୁ ସୋମବାର ଦଳର ମଧ୍ୟବର୍ତ୍ତୀକାଳୀନ ଅଧ୍ୟକ୍ଷ ସୋନିଆ ଗାନ୍ଧୀଙ୍କଠାରୁ ଅନୁମତି ପାଇଛନ୍ତି ।

ରାଜସ୍ଥାନ ରାଜ୍ୟ କଂଗ୍ରେସରେ ସର୍ବସମ୍ମତି କ୍ରମେ ରାହୁଲ ଗାନ୍ଧୀଙ୍କୁ ଦଳର ଅଧ୍ୟକ୍ଷ କରିବା ସପକ୍ଷରେ ଏକ ସଂକଳ୍ପ ପାରିତ ହେବାର କିଛି ସମୟ ପରେ ଏହି ଖବର ସାମ୍ନାକୁ ଆସିଛି । ଏହା ପରେ ଖବର ପ୍ରକାଶ ପାଇଥିଲା ଯେ ଶଶି ଥରୁରଙ୍କୁ ଅଧ୍ୟକ୍ଷ ପଦ ପାଇଁ ଆଗକୁ ଯିବାକୁ ଦଳର ମୁଖ୍ୟ ସୋନିଆ ଗାନ୍ଧୀଙ୍କଠାରୁ ଅନୁମତି ମିଳିଛି । ଅଧ୍ୟକ୍ଷ ପଦ ପାଇଁ ବର୍ତ୍ତମାନ ଏହି ଦୁଇ ପ୍ରାର୍ଥୀଙ୍କ ମଧ୍ୟରେ ପ୍ରତିଯୋଗିତା ହେବ ବୋଲି ବିଶ୍ୱାସ କରାଯାଉଛି ।

ସୂଚନାନୁସାରେ, ଗେହଲଟ୍ ସେପ୍ଟେମ୍ବର 26 ରୁ 28 ମଧ୍ୟରେ ଯେକୌଣସି ସମୟରେ ନାମାଙ୍କନ ଦାଖଲ କରିପାରନ୍ତି । ଏଥି ସହିତ ସୋମବାର ସୋନିଆ ଗାନ୍ଧୀଙ୍କୁ ଭେଟିବା ସହ ଥରୁର ମଧ୍ୟ ପ୍ରସ୍ତୁତି ଚଳାଇଛନ୍ତି । ସୋମବାର ଦିନ ଥରୁର ସୋନିଆ ଗାନ୍ଧୀଙ୍କୁ ଭେଟି ନିର୍ବାଚନ ଲଢିବା ସମ୍ପର୍କରେ ଆଲୋଚନା କରିଥିଲେ । ଏହା ପରେ ସୋନିଆ ଗାନ୍ଧୀ ତାଙ୍କୁ ସ୍ପଷ୍ଟ ଶବ୍ଦରେ କହିଛନ୍ତି ଯେ ନିର୍ବାଚନରେ ପ୍ରତିଦ୍ୱନ୍ଦ୍ୱିତା କରିବା ଆପଣଙ୍କର ନିଜସ୍ୱ ନିଷ୍ପତ୍ତି । ଦଳର ନିର୍ବାଚନ ପ୍ରକ୍ରିୟା ନିର୍ଦ୍ଧାରିତ ନିୟମ ଅନୁଯାୟୀ ହେବ । ଏଥିରେ ସମସ୍ତଙ୍କର ସମାନ ଅଧିକାର ଅଛି ।

ସୋନିଆ ଗାନ୍ଧୀ କହିଛନ୍ତି, ଆମର କୌଣସି ପ୍ରାର୍ଥୀ ରହିବେ ନାହିଁ ଏବଂ ଏଥି ସହରିତ ମଧୁସୂଦନ ମିଶ୍ରିଙ୍କୁ ମଧ୍ୟ ନିର୍ବାଚନ ନିରପେକ୍ଷ କରାଯିବା ପାଇଁ ନିର୍ଦ୍ଦେଶ ଦିଆଯାଇଛି । ସେପ୍ଟେମ୍ବର 22 ରେ କଂଗ୍ରେସ ଅଧ୍ୟକ୍ଷ ନିର୍ବାଚନ ପାଇଁ ବିଜ୍ଞପ୍ତି ଜାରି କରାଯିବ । ଏଥି ସହିତ, ସେପ୍ଟେମ୍ବର 24 ରୁ 30 ପର୍ଯ୍ୟନ୍ତ ନାମାଙ୍କନ ଦାଖଲ ପ୍ରକ୍ରିୟା ଜାରି ରହିବ । ନିର୍ବାଚନ ପ୍ରକ୍ରିୟା ପାଇଁ ନାମାଙ୍କନ ପ୍ରତ୍ୟାହାରର ଶେଷ ତାରିଖ ହେଉଛି ଅକ୍ଟୋବର 8 । ଅକ୍ଟୋବର 17 ରେ ମତଦାନ ଅନୁଷ୍ଠିତ ହେବ ଏବଂ ଅକ୍ଟୋବର 19 ରେ ଫଳାଫଳ ଘୋଷଣା କରାଯିବ ।

କଂଗ୍ରେସ ଅଧ୍ୟକ୍ଷ ନିର୍ବାଚନ ରାଜ୍ୟ କଂଗ୍ରେସ କମିଟିର ପ୍ରାୟ 9000 ପ୍ରତିନିଧୀଙ୍କ ଦ୍ୱାରା କରାଯିବ । ଏଥି ସହିତ କଂଗ୍ରେସ କାର୍ଯ୍ୟକାରିଣୀ କମିଟିର 23 ଜଣ ସଦସ୍ୟଙ୍କ ମଧ୍ୟରୁ 12 ଜଣ ନିର୍ବାଚିତ ହେବା ବେଳେ 11 ଜଣଙ୍କୁ ମନୋନୀତ କରାଯିବ । ଯଦି କଂଗ୍ରେସ କାର୍ଯ୍ୟକାରିଣୀ କମିଟିର 12 ଜଣ ନିର୍ବାଚିତ ସଦସ୍ୟଙ୍କ ପାଇଁ ଅଧିକ ପ୍ରାର୍ଥୀ ହୁଅନ୍ତି, ତେବେ ସେମାନଙ୍କ ପାଇଁ ମଧ୍ୟ ନିର୍ବାଚନ ହେବ । କଂଗ୍ରେସ ଅଧ୍ୟକ୍ଷ ନିର୍ବାଚନ ସମାପ୍ତ ହେବା ପରେ କଂଗ୍ରେସ କାର୍ଯ୍ୟକାରିଣୀ କମିଟିର ସଦସ୍ୟମାନେ ନିର୍ବାଚିତ ହେବେ ।