କଂଗ୍ରେସ ଅଧ୍ୟକ୍ଷ ନିର୍ବାଚନ ରେସ୍ ରେ ଏଣ୍ଟ୍ରି କଲେ ଖାଡ଼ଗେ, ମୁକୁଲ ୱାସନିକ ଏବଂ ମୀରା କୁମାର କରିପାରନ୍ତି ନାମାଙ୍କନ ଦାଖଲ

କଂଗ୍ରେସ ଅଧ୍ୟକ୍ଷ ପଦ ପାଇଁ ନିର୍ବାଚନ ଅଧିକ ଆକର୍ଷଣୀୟ ହେବ ବୋଲି କୁହାଯାଉଛି । ବର୍ତ୍ତମାନ ଏହି ଅଧ୍ୟକ୍ଷ ପଦ ଦୌଡ଼ରେ ଦିଗବିଜୟ ସିଂହ, ମଲ୍ଲିକାର୍ଜୁନ ଖାଡ଼ଗେ, ମୁକୁଲ ୱାସନିକ, ମୀରା କୁମାର ଏବଂ କୁମାରୀ ସୈଲଜା ରହିଛନ୍ତି ।

Updated: Friday, September 30, 2022, 11:01 [IST]

ନୂଆଦିଲ୍ଲୀ : କଂଗ୍ରେସ ଅଧ୍ୟକ୍ଷ ନିର୍ବାଚନ ପାଇଁ ଶୁକ୍ରବାର (30 ସେପ୍ଟେମ୍ବର) ହେଉଛି ନାମାଙ୍କନ ଦାଖଲର ଶେଷ ତାରିଖ । ଏପର୍ଯ୍ୟନ୍ତ କୌଣସି ପ୍ରାର୍ଥୀ ତାଙ୍କ ନାମାଙ୍କନପତ୍ର ଦାଖଲ କରିନାହାଁନ୍ତି । ଏହି ଦୌଡ଼ରୁ ରାଜସ୍ଥାନ ମୁଖ୍ୟମନ୍ତ୍ରୀ ଅଶୋକ ଗେହଲଟ୍ ବାଦ୍ ପଡ଼ିବା ପରେ ବର୍ତ୍ତମାନ ମଲ୍ଲିକାର୍ଜୁନ ଖାଡ଼ଗେ ଏହି ରେସ୍ ରେ ଏଣ୍ଟ୍ରି କରିଛନ୍ତି । ଯାହା ପରେ କଂଗ୍ରେସ ଅଧ୍ୟକ୍ଷ ପଦ ପାଇଁ ନିର୍ବାଚନ ଅଧିକ ଆକର୍ଷଣୀୟ ହେବ ବୋଲି କୁହାଯାଉଛି । ବର୍ତ୍ତମାନ ଏହି ଅଧ୍ୟକ୍ଷ ପଦ ଦୌଡ଼ରେ ଦିଗବିଜୟ ସିଂହ, ମଲ୍ଲିକାର୍ଜୁନ ଖାଡ଼ଗେ, ମୁକୁଲ ୱାସନିକ, ମୀରା କୁମାର ଏବଂ କୁମାରୀ ସୈଲଜା ରହିଛନ୍ତି ।

ଗଣମାଧ୍ୟମ ରିପୋର୍ଟ ଅନୁଯାୟୀ, କଂଗ୍ରେସ ଅଧ୍ୟକ୍ଷ ନିର୍ବାଚନ ପାଇଁ ମଧ୍ୟପ୍ରଦେଶର ପୂର୍ବତନ ମୁଖ୍ୟମନ୍ତ୍ରୀ, ରାଜ୍ୟସଭା ସାଂସଦ ଦିଗବିଜୟ ସିଂହ ଏବଂ କେରଳ ସାଂସଦ ଶଶି ଥରୁର ଆଜି ସେମାନଙ୍କ ନାମାଙ୍କନ ଦାଖଲ କରିବାକୁ ଯାଉଛନ୍ତି । ଏହି ସମୟରେ, ଜି -23 ଗୋଷ୍ଠୀରୁ ପୃଥକ ପ୍ରାର୍ଥୀ ଏଥିରେ ସାମିଲ ହୋଇାରନ୍ତି ବୋଲି ମଧ୍ୟ ଆଲୋଚନା ଆରମ୍ଭ ହୋଇଛି । ଏଥି ସହିତ, ନାମାଙ୍କନ ପ୍ରତ୍ୟାହାରର ଶେଷ ତାରିଖ ରହିଛି ଅକ୍ଟୋବର 8 ।

ଏଥି ସହିତ କଂଗ୍ରେସ ଅଧ୍ୟକ୍ଷ ପଦବୀ ପାଇଁ ବର୍ତ୍ତମାନ କଂଗ୍ରେସର ବରିଷ୍ଠ ନେତା ମଲ୍ଲିକାର୍ଜୁନ ଖାଡ଼ଗେଙ୍କ ନାମ ମଧ୍ୟ ସାମିଲ ହୋଇଛି । ତେବେ ଅଧ୍ୟକ୍ଷ ପଦ ପାଇଁ ମଲ୍ଲିକାର୍ଜୁନଙ୍କ ପ୍ରତିଦ୍ୱନ୍ଦ୍ୱିତା ସମ୍ପର୍କରେ ସୋନିଆ ଗାନ୍ଧୀ ଚୂଡ଼ାନ୍ତ ନିଷ୍ପତ୍ତି ନେବେ । ଆପଣଙ୍କୁ କହି ରଖୁଛୁ ଖାଡ଼ଗେ ଆଜି ସକାଳେ ସୋନିଆ ଗାନ୍ଧୀଙ୍କୁ ଭେଟିବେ । ଏହି ବୈଠକ ଉପରେ ସମସ୍ତଙ୍କ ଧ୍ୟାନ ରହିଛି । ମଲ୍ଲିକାର୍ଜୁନ ଖାଡ଼ଗେ 8 ଥର ବିଧାୟକ, ଦୁଇଥର ଲୋକସଭା ସାଂସଦ ଏବଂ ଗୋଟିଏ ଥର ରାଜ୍ୟସଭା ସାଂସଦ ରହିଛନ୍ତି । ସେ କେବଳ 2019 ରେ ଲୋକସଭା ନିର୍ବାଚନରେ ହାରିଛନ୍ତି ।

ଏହା ବ୍ୟତୀତ ମୀରା କୁମାର, ମୁକୁଲ ୱାସନିକ (ଜି -23) ଏବଂ କୁମାରୀ ସୈଲଜାଙ୍କ ନାମ ଉପରେ ମଧ୍ୟ ଚର୍ଚ୍ଚା ଜୋର୍ ଧରିଛି । ଏଥି ସହିତ, ଜି -23 ଶିବିରର ନେତାମାନେ ମଧ୍ୟ 29 ସେପ୍ଟେମ୍ବର ଗୁରୁବାର ବିଳମ୍ବିତ ରାତିରେ ଏକ ବୈଠକ କରିଛନ୍ତି । ଆନନ୍ଦ ଶର୍ମାଙ୍କ ବାସଭବନରେ ଏହି ସଭା ଅନୁଷ୍ଠିତ ହୋଇଥିଲା । ଏହି ସଭାରେ ମନୀଷ ତିୱାରୀ, ପୃଥ୍ୱୀରାଜ ଚହ୍ୱାନ, ଭୁପେନ୍ଦ୍ର ହୁଡାଙ୍କ ସହ ବହୁ ନେତା ଉପସ୍ଥିତ ଥିଲେ । ସୂତ୍ରରୁ ପ୍ରକାଶ ଯେ ଜି -23 କ୍ୟାମ୍ପରୁ ମଧ୍ୟ ଅଧ୍ୟକ୍ଷ ପଦ ପାଇଁ ପ୍ରାର୍ଥୀ ମଧ୍ୟ ଦେଇପାରେ ।