କଂଗ୍ରେସ ସାଂସଦ ଅଧୀର ରଂଜନଙ୍କ ବିବାଦୀୟ ବୟାନ, କହିଲେ - 'ଲୋକମାନେ ପିଏମ ମୋଦୀଙ୍କୁ ପାଗଳ ମୋଦୀ କହନ୍ତି'

କୋଲକାତା : ନିଜ ବିବାଦୀୟ ବୟାନ ପାଇଁ ସବୁବେଳେ ଚର୍ଚ୍ଚାରେ ରହୁଥିବା କଂଗ୍ରେସ ନେତା ଅଧୀର ରଂଜନ ଚୌଧୁରୀ ପୁଣି ଏକ ମନ୍ତବ୍ୟ ଦେଇ ବିବାଦୀୟ ହୋଇପଡ଼ିଛନ୍ତି । ଏଥର ଅଧୀର ରଞ୍ଜନ ଚୌଧୁରୀ ପ୍ରଧାନମନ୍ତ୍ରୀ ମୋଦୀଙ୍କୁ ନେଇ ଦେଇଛନ୍ତି ବିବାଦୀୟ ମନ୍ତବ୍ୟ । 2000 ଟଙ୍କା ନୋଟ ବିନିମୟ ପ୍ରସଙ୍ଗରେ ସମସ୍ତ ବିରୋଧୀ ବିଜେପି ଓ ମୋଦୀ ସରକାରକୁ ଟାର୍ଗେଟ୍ କରୁଥିବା ବେଳେ ଅଧୀରଙ୍କ ବୟାନକୁ ନେଇ ଚର୍ଚ୍ଚା ଜୋର୍ ଧରିଛି ।

ଗଣମାଧ୍ୟମକୁ ସମ୍ବୋଧିତ କରି ଅଧୀର କହିଛନ୍ତି ଯେ ସେ ମୋଦୀ ନୁହଁନ୍ତି, ଲୋକମାନେ ତାଙ୍କୁ 'ପାଗଳ ମୋଦୀ' ବୋଲି କହିବା ଆରମ୍ଭ କରିଛନ୍ତି ।

କଂଗ୍ରେସ ନେତା ଅଧୀର ରଞ୍ଜନ କହିଛନ୍ତି ଯେ ଆଜି ଲୋକମାନେ ଏହି ସରକାରକୁ ଡରୁଛନ୍ତି । 2000 ଟଙ୍କିଆ ନୋଟ୍ ବନ୍ଦ କରିବାକୁ ଘୋଷଣା କରି ଅର୍ଥନୀତିକୁ ନଷ୍ଟ କରିବା ଆରମ୍ଭ କରିଛି । ବିରୋଧୀଦଳର ନେତାଙ୍କ ବୈଠକରେ ଅଧୀର ରଂଜନ କହିଛନ୍ତି ଯେ ଏହି ଲୋକମାନେ ସେମାନଙ୍କର ବୁଝାମଣା ବୃଦ୍ଧି କରିବାରେ ଲାଗିପଡ଼ିଛନ୍ତି ।

ବାସ୍ତବରେ, ବଙ୍ଗଳାର ମୁର୍ସିଦାବାଦରେ ଅଧୀର ରଞ୍ଜନ ଗଣମାଧ୍ୟମ ସହ କଥା ହେଉଥିଲେ । ଏହି ସମୟରେ ସାମ୍ବାଦିକମାନେ ତାଙ୍କୁ 2000 ଟଙ୍କିଆ ନୋଟ ବିଷୟରେ ପ୍ରଶ୍ନ ପଚାରିଥିଲେ । ଏହା ଉପରେ ସେ କହିଛନ୍ତି ଯେ ସେ ମୋଦୀ ନୁହଁନ୍ତି, ସେ ପାଗଳ ମୋଦୀ । ଲୋକମାନେ ତାଙ୍କୁ 'ପାଗଳ ମୋଦୀ' ବୋଲି କୁହନ୍ତି ।

#WATCH | Murshidabad, West Bengal | While speaking on the issue of #Rs2000CurrencyNote, West Bengal Congress president and MP Adhir Ranjan Chowdhury gets abusive; says, "...he is not Modi but pagala Modi. People called him 'pagala Modi'..." (23.05.2023) pic.twitter.com/BCQyw0c8wL

— ANI (@ANI) May 24, 2023

ଏହାପୂର୍ବରୁ ମଧ୍ୟ ଅଧୀର ରଞ୍ଜନ ତାଙ୍କ ବିବୃତ୍ତି ଯୋଗୁଁ ଅନେକ ବିବାଦରେ ରହିସାରିଛନ୍ତି । ଏପରିକି ସେ ପିଏମ ମୋଦୀଙ୍କୁ ଅନୁପ୍ରବେଶକାରୀ ବୋଲି କହିଥିଲେ । କେବଳ ଏତିକି ନୁହେଁ, ସେ ରାଷ୍ଟ୍ରପତି ଦ୍ରୌୟଦୀ ମୁର୍ମୁଙ୍କୁ 'ରାଷ୍ଟ୍ରପତ୍ନୀ' ବୋଲି କହିଥିଲେ, ଯେଉଁଥିରେ କଂଗ୍ରେସ ଦଳକୁ ଅସୁବିଧାର ସମ୍ମୁଖୀନ ହେବାକୁ ପଡ଼ିଥିଲା । ପରେ ଅଧିର ରଂଜନ ତାଙ୍କ ଭୁଲକୁ ଗ୍ରହଣ କରି କ୍ଷମା ମାଗିଥିଲେ ।

ଏପରିକି ଥରେ ବିଜେପି ନେତାମାନେ ପ୍ରଧାନମନ୍ତ୍ରୀ ମୋଦୀଙ୍କୁ ସ୍ୱାମୀ ବିବେକାନନ୍ଦଙ୍କ ସହ ତୁଳନା କରିଥିଲେ । ଏହା ପରେ ବିଜେପି ନେତାମାନଙ୍କୁ ଜବାବ ଦେବାବେଳେ ଅଦୀର କହିଥିଲେ ଯେ ଯଦି ଆପଣ ମୋତେ ବାରମ୍ବାର ଉତ୍ତେଜିତ କରନ୍ତି, ତେବେ ମୁଁ କହିବି ଯେ ଆପଣ ଗଙ୍ଗାକୁ ଡ୍ରେନ୍ ସହିତ ତୁଳନା କରୁଛନ୍ତି ।

English summary

Congress MP Adhir Ranjan Chowdhury abusive Statement Over PM Modi says, "...he is not Modi but pagala Modi. People called him 'pagala Modi'..."