କଂଗ୍ରେସକୁ ଝଟକା ! 'ହାତ'ର ହାତ ଛାଡ଼ିବେ ଶତ୍ରୁଘ୍ନ ସିହ୍ନା, ଟିଏମସିରେ ହୋଇପାରନ୍ତି ସାମିଲ

'ବିହାରୀ ବାବୁ' ନାମରେ ଜଣାଶୁଣା ତଥା ତାଙ୍କ ଟ୍ୱିଟ୍ ପାଇଁ ଅନେକ ସମୟରେ ଖବରରେ ରହୁଥିବା କଂଗ୍ରେସ ନେତା ଶତ୍ରୁଘ୍ନ ସିହ୍ନା ଖୁବ୍ ଶୀଘ୍ର ମମତା ବାନାର୍ଜୀଙ୍କ ପାର୍ଟି ଟିଏମସିରେ ଯୋଗ ଦେଇପାରନ୍ତି ।

Published: Monday, July 12, 2021, 11:25 [IST]

ନୂଆଦିଲ୍ଲୀ : 'ବିହାରୀ ବାବୁ' ନାମରେ ଜଣାଶୁଣା ତଥା ତାଙ୍କ ଟ୍ୱିଟ୍ ପାଇଁ ଅନେକ ସମୟରେ ଖବରରେ ରହୁଥିବା କଂଗ୍ରେସ ନେତା ଶତ୍ରୁଘ୍ନ ସିହ୍ନା ଖୁବ୍ ଶୀଘ୍ର ମମତା ବାନାର୍ଜୀଙ୍କ ପାର୍ଟି ଟିଏମସିରେ ଯୋଗ ଦେଇପାରନ୍ତି । ସୂତ୍ରରୁ ପ୍ରକାଶ ଯେ ମମତା ବାନାର୍ଜୀ ଟିଏମସି ଟିକେଟ୍ ରେ ଶତ୍ରୁଘ୍ନଙ୍କୁ ରାଜ୍ୟସଭାକୁ ପଠାଇପାରନ୍ତି । ନିକଟରେ ସିହ୍ନାଙ୍କ ପ୍ରଧାନମନ୍ତ୍ରୀ ମୋଦୀଙ୍କୁ ସମର୍ଥନ କରୁଥିବା ଏକ ଟ୍ୱିଟକୁ ନେଇ କଳ୍ପନାଜଳ୍ପନା ଚାଲିଥିଲା ଯେ ସେ ପୁଣି ଥରେ ବିଜେପିରେ ଯୋଗଦେଇ ପାରନ୍ତି । କିନ୍ତୁ, ବର୍ତ୍ତମାନ ସେ ଟିଏମସି ରେ ଯୋଗ ଦେବା ନେଇ ଚର୍ଚ୍ଚା ଜୋର୍ ଧରିଛି ।

ପିଟିଆଇର ଖବର ଅନୁଯାୟୀ, ଯେତେବେଳେ ଶତ୍ରୁଘ୍ନ ସିହ୍ନାଙ୍କୁ ଟିଏମସିରେ ଯୋଗଦେବା ନେଇ ପ୍ରଶ୍ନ ପଚରାଯାଇଥିଲା, ସେ ସିଧାସଳଖ କିଛି କହିନାହାଁନ୍ତି, କିନ୍ତୁ ରାଜନୀତି ଏକ ସମ୍ଭାବନାର ଏକ କଳା ବୋଲି କହିଛନ୍ତି । ତେବେ ଟିଏମସିରେ ଯୋଗଦେବା ଖବରକୁ ତାଙ୍କ ନିକଟ ସୂତ୍ରରୁ ଅସ୍ୱୀକାର କରାଯାଇ ନାହିଁ । ଏଥି ସହିତ ଟିଏମସି ସହ ଜଡିତ କିଛି ନେତା କହିଛନ୍ତି, 'ଶତ୍ରୁଘ୍ନ ସିହ୍ନାଙ୍କ ବିଷୟରେ ଆଲୋଚନା ଶେଷ ପର୍ଯ୍ୟାୟରେ ଅଛି । ମମତା ବାନାର୍ଜୀଙ୍କ ସହ ତାଙ୍କର ସର୍ବଦା ଭଲ ସମ୍ପର୍କ ରହିଆସିଛି । ସୂଚନାନୁସାରେ, ଜୁଲାଇ 21 ରେ ଶହୀଦ ଦିବସ ଉତ୍ସବରେ ଶତ୍ରୁଘ୍ନ ସିହ୍ନା ଟିଏମସିରେ ଯୋଗ ଦେଇ ପାରନ୍ତି ।

2024 ପାଇଁ TMC ର ରଣନୀତି

ଆପଣଙ୍କୁ କହିରଖୁଛୁ ଯେ ନିକଟରେ ଅନୁଷ୍ଠିତ ପଶ୍ଚିମବଙ୍ଗ ବିଧାନସଭା ନିର୍ବାଚନରେ ଟିଏମସିର ବିପୁଳ ବିଜୟ ପରେ ମୁଖ୍ୟମନ୍ତ୍ରୀ ମମତା ବାନାର୍ଜୀଙ୍କୁ ବିରୋଧୀ ଦଳର ଜଣେ ବଳିଷ୍ଠ ନେତା ଭାବରେ ଦେଖାଯାଉଛି । ବେଙ୍ଗଲ ନିର୍ବାଚନରେ ବିଜୟ ପାଇଁ ବିଜେପିର ସମସ୍ତ କଳ-ବଳ-କୌଶଳ ପ୍ରଧାନମନ୍ତ୍ରୀ ମୋଦୀ ଏବଂ ଅମିତ ଶାହାଙ୍କ ରଣନୀତି, ମମତା ବାନାର୍ଜୀଙ୍କ ଲହର କାମ କରିପାରିଲା ନାହିଁ । ସେବେଠାରୁ ରାଜନୈତିକ କରିଡରରେ ଏକ ଆଲୋଚନା ହେଉଛି ଯେ ମମତା ବାନାର୍ଜୀ 2024 ଲୋକସଭା ନିର୍ବାଚନରେ ଏକ ପ୍ରମୁଖ ଭୂମିକା ଗ୍ରହଣ କରିବେ । ନିକଟରେ ପୂର୍ବତନ ବିଜେପି ନେତା ଯଶବନ୍ତ ସିହ୍ନା ମଧ୍ୟ ଟିଏମସିର ସଦସ୍ୟତା ଗ୍ରହଣ କରିଛନ୍ତି ।

Published On July 12, 2021