ଫୋନଯୋଗେ ଅଜିତଙ୍କ ପରିବାର ସହ କଥାହେଲେ ରାହୁଲ ଗାନ୍ଧୀ, ଜଣାଇଲେ ସମବେଦନା
କଂଗ୍ରେସ ନେତା ଅଜିତ ମଙ୍ଗରାଜଙ୍କ ପରଲୋକ ପରେ ତାଙ୍କ ପରିବାର ସହ କଥା ହୋଇଛନ୍ତି କଂଗ୍ରେସ ସାଂସଦ ତଥା ପୂର୍ବତନ ସଭାପତି ରାହୁଲ ଗାନ୍ଧୀ । ଅଜିତ୍ ମଙ୍ଗରାଜଙ୍କ ମୃତ୍ୟୁ ପରେ ରାହୁଲ ତାଙ୍କ ପରିବାରକୁ ଫୋନ ଯୋଗେ କଥା ହୋଇ ସମବେଦନା ଜଣାଇଛନ୍ତି ।
ଭୁବନେଶ୍ୱର : କଂଗ୍ରେସ ନେତା ଅଜିତ ମଙ୍ଗରାଜଙ୍କ ପରଲୋକ ପରେ ତାଙ୍କ ପରିବାର ସହ କଥା ହୋଇଛନ୍ତି କଂଗ୍ରେସ ସାଂସଦ ତଥା ପୂର୍ବତନ ସଭାପତି ରାହୁଲ ଗାନ୍ଧୀ । ଅଜିତ୍ ମଙ୍ଗରାଜଙ୍କ ମୃତ୍ୟୁ ପରେ ରାହୁଲ ତାଙ୍କ ପରିବାରକୁ ଫୋନ ଯୋଗେ କଥା ହୋଇ ସମବେଦନା ଜଣାଇଛନ୍ତି । ରାହୁଲ ଗାନ୍ଧୀ ମଙ୍ଗରାଜଙ୍କ ପତ୍ନୀ ଓ ଦୁଇ ପୁଅଙ୍କ ସହ ଫୋନ ଯୋଗେ କଥା ହୋଇ ସାନ୍ତ୍ୱନା ଦେଇ କହିଛନ୍ତି ଅଜିତ ମଙ୍ଗରାଜ୍ କଂଗ୍ରେସ ଦଳର ଜଣେ ସିପାହୀ ଭାବେ କାର୍ଯ୍ୟ କରୁଥିଲେ । ଏଭଳି ସଂକଟ ସମୟରେ ଦଳ ଅଜିତଙ୍କ ପରିବାର ସହ ରହିଛି ।
ସୂଚନାଯୋଗ୍ୟ, ପିପିଲି ଉପନିର୍ବାଚନରେ ଅଜିତ ମଙ୍ଗରାଜ କଂଗ୍ରେସ ପକ୍ଷରୁ ପ୍ରତିଦ୍ୱନ୍ଦିତା କରୁଥିଲେ । ମତଦାନର ତିନିଦିନ ପୂର୍ବରୁ ଅଜିତ ମଙ୍ଗରାଜଙ୍କର କରୋନା ସଂକ୍ରମଣରେ ମୃତ୍ୟୁ ହୋଇଥିଲା । ତାଙ୍କ ମୃତ୍ୟୁ ପରେ ନିର୍ବାଚନକୁ ସ୍ଥଗିତ ରଖିଛନ୍ତି ନିର୍ବାଚନ କମିଶନ ।
Click it and Unblock the Notifications
Sign in with Google