AICC ଅଧ୍ୟକ୍ଷ ନିର୍ବାଚନ ପାଇଂ ପ୍ରକାଶ ପାଇଲା ବିଜ୍ଞପ୍ତି, ସେପ୍ଟେମ୍ବର 30 ନାମାଙ୍କନ ଶେଷ ତାରିଖ

ଗୁରୁବାର ଦିନ ଦଳ ପ୍ରାର୍ଥୀ ହେବାର ତାରିଖ ଏବଂ କଂଗ୍ରେସ ଅଧ୍ୟକ୍ଷ ପଦ ପାଇଁ ନିର୍ବାଚନ ତାରିଖ ଘୋଷଣା କରିଛି । ଦଳ ସଭାପତି ନିର୍ବାଚନ ପାଇଁ କଂଗ୍ରେସ ଆଜି ବିଜ୍ଞପ୍ତି ଜାରି କରିଛି ।

Updated: Thursday, September 22, 2022, 13:37 [IST]

ନୂଆଦିଲ୍ଲୀ : ବହୁ କଳ୍ପନାଜଳ୍ପନା ପରେ କଂଗ୍ରେସ ଅଧ୍ୟକ୍ଷ ପଦ ନିର୍ବାଚନ ପାଇଁ ବିଜ୍ଞପ୍ତି ପ୍ରକାଶ ପାଇଛି । ଗତ କିଛି ବର୍ଷ ଧରି ବିଚାରାଧୀନ କଂଗ୍ରେସ ଦଳର ଅଧ୍ୟକ୍ଷ ନିର୍ବାଚନ ଶେଷରେ ହେବାକୁ ଯାଉଛି । ଗୁରୁବାର ଦିନ ଦଳ ପ୍ରାର୍ଥୀ ହେବାର ତାରିଖ ଏବଂ କଂଗ୍ରେସ ଅଧ୍ୟକ୍ଷ ପଦ ପାଇଁ ନିର୍ବାଚନ ତାରିଖ ଘୋଷଣା କରିଛି । ଦଳ ସଭାପତି ନିର୍ବାଚନ ପାଇଁ କଂଗ୍ରେସ ଆଜି ବିଜ୍ଞପ୍ତି ଜାରି କରିଛି ।

ବିଜ୍ଞପ୍ତି ଅନୁଯାୟୀ 24 ସେପ୍ଟେମ୍ବରରୁ 30 ସେପ୍ଟେମ୍ବର ମଧ୍ୟରେ କଂଗ୍ରେସ ଅଧ୍ୟକ୍ଷ ନିର୍ବାଚନ ପାଇଁ ନାମାଙ୍କନ ଦାଖଲ ହେବ । ଏହା ପରେ ଅକ୍ଟୋବର 1 ତାରିଖରେ ପ୍ରାର୍ଥୀପତ୍ର ଯାଞ୍ଚ କରାଯିବ । ସେହି ଦିନ ସନ୍ଧ୍ୟାରେ କାଏମ୍ ଥିବା ପ୍ରାର୍ଥୀଙ୍କ ତାଲିକା ପ୍ରକାଶ କରାଯିବ ।

ସେହିପରି, ପ୍ରାର୍ଥୀପତ୍ର ପ୍ରତ୍ୟାହାର ନିମନ୍ତେ ଅକ୍ଟୋବର 8 ତାରିଖ ଅପରାହ୍ନ 3ଟା ପର୍ଯ୍ୟନ୍ତ ସମୟ ରହିଛି । ପ୍ରତ୍ୟାହାର ସମୟ ଶେଷ ହେବା ପରେ ସନ୍ଧ୍ୟା 5 ଟାରେ ଚୂଡ଼ାନ୍ତ ପ୍ରାର୍ଥୀ ତାଲିକା ପ୍ରକାଶ କରାଯିବ ।

Congress issues notification for the party president elections

Nominations to be filed from Sep 24 to Sep 30. If necessary, voting will be held on Oct 17 and the result for the same will be declared on Oct 19 pic.twitter.com/r032tslwyM
— ANI (@ANI) September 22, 2022

ଅକ୍ଟୋବର 17 ତାରିଖ ପୂର୍ବାହ୍ନ 10 ଟାରୁ ଅପରାହ୍ନ 4 ଟା ପର୍ଯ୍ୟନ୍ତ ସମସ୍ତ ପ୍ରଦେଶ କଂଗ୍ରେସ ମୁଖ୍ୟାଳୟରେ ଭୋଟ୍‌ ଗ୍ରହଣ କରାଯିବ । ‌ଅକ୍ଟୋବର 19 ତାରିଖ ଦିନ ପୂର୍ବାହ୍ନ 10 ଟାରୁ 'ଏଆଇସିସି' ମୁଖ୍ୟାଳୟରେ ଭୋଟ୍‌ ଗଣନା ଆରମ୍ଭ ହୋଇ ଶେଷ ହେବା ପରେ ପରେ ବିଜୟୀଙ୍କ ନାମ ଘୋଷଣା କରାଯିବ ।