ସାଇକେଲରେ ଗ୍ୟାସ ସିଲିଣ୍ଡର ନେଇ ଭୋଟ୍ ଦେବାକୁ ଗଲେ କଂଗ୍ରେସ ବିଧାୟକ
କଂଗ୍ରେସ ପ୍ରାର୍ଥୀ ପରେଶ ଧନାନି ଏକ ସାଇକେଲରେ ଏକ ଗ୍ୟାସ ସିଲିଣ୍ଡର ନେଇ ଭୋଟ୍ ଦେବାକୁ ବାହାରିଥିବା ଭିଡ଼ିଓରେ ଦେଖିବାକୁ ମିଳିଛି ।
ଗାନ୍ଧୀନଗର : ଗୁଜୁରାଟ ବିଧାନସଭା ନିର୍ବାଚନ 2022 ର ପ୍ରଥମ ପର୍ଯ୍ୟାୟ ପାଇଁ ଆଜି ମତଦାନ ଜାରି ରହିଛି । ଏହି ସମୟରେ, ଅମରେଲିରୁ କଂଗ୍ରେସ ଦଳର ପ୍ରାର୍ଥୀ ପରେଶ ଧାନାନି ଏକ ନିଆରା ଢଙ୍ଗରେ ଭୋଟ୍ ଦେବାକୁ ଘରୁ ବାହାରିଥିଲେ । ତାଙ୍କର ଏକ ଭିଡିଓ ମଧ୍ୟ ସାମ୍ନାକୁ ଆସିଛି, ଯାହା ବର୍ତ୍ତମାନ ସୋଶାଲ ମିଡ଼ିଆରେ ଭାଇରାଲ ହେଉଛି । କଂଗ୍ରେସ ପ୍ରାର୍ଥୀ ପରେଶ ଧନାନି ଏକ ସାଇକେଲରେ ଏକ ଗ୍ୟାସ ସିଲିଣ୍ଡର ନେଇ ଭୋଟ୍ ଦେବାକୁ ବାହାରିଥିବା ଭିଡ଼ିଓରେ ଦେଖିବାକୁ ମିଳିଛି ।
ନ୍ୟୁଜ୍ ଏଜେନ୍ସି ANI କଂଗ୍ରେସ ପ୍ରାର୍ଥୀ ପରେଶ ଧନାନୀଙ୍କ ଭିଡିଓ ଜାରି କରିଛି । ଏହି ଭିଡିଓରେ ପରେଶ ଧନାନି ଭୋଟ୍ ଦେବା ପାଇଁ ସାଇକେଲରେ ଗ୍ୟାସ୍ ସିଲିଣ୍ଡର ଧରି ଘରୁ ବାହାରିଛନ୍ତି । ଏହି ସମୟରେ, ଅଧିକ ଲୋକ ସେମାନଙ୍କ ସହିତ ସାଇକେଲରେ ସିଲିଣ୍ଡର ନେଇ ଯାଉଥିବାର ଦେଖିବାକୁ ମିଳିଛି । ଆପଣଙ୍କୁ କହି ରଖୁଛୁ ଇନ୍ଧନ ମୂଲ୍ୟ ବୃଦ୍ଧି ନେଇ ବିଜେପି ସରକାରଙ୍କୁ ଟାର୍ଗେଟ କରିବା ପାଇଁ କଂଗ୍ରେସ ପ୍ରାର୍ଥୀ ପରେଶ ଧନାନି ଏପରି ଢଙ୍ଗରେ ପ୍ରତିବାଦ କରିଛନ୍ତି ।
କଂଗ୍ରେସ ପ୍ରାର୍ଥୀ ପରେଶ ଧନାନି କହିଛନ୍ତି, 'ଗତ 27 ବର୍ଷ ମଧ୍ୟରେ ଭୟ ଓ ସ୍ୱାର୍ଥପର କାନ୍ଥ ମଧ୍ୟରେ ବିଜେପି ଷଡଯନ୍ତ୍ର କରିଛି । ସରକାରୀ ବିଫଳତା କାରଣରୁ ଗୁଜୁରାଟରେ ବିମୁଦ୍ରୀକରଣ, ମୁଦ୍ରାସ୍ଫୀତି ଏବଂ ବେକାରୀ ଦିନକୁ ଦିନ ବୃଦ୍ଧି ପାଉଛି । ଏହି ସମସ୍ୟାରୁ ମୁକ୍ତି ପାଇବା ପାଇଁ ମୁଁ ଆଜି ଭୋଟ୍ ଦେଇଛି ଏବଂ ମୁଁ ନିଶ୍ଚିତ ଯେ ସମଗ୍ର ଗୁଜୁରାଟ ମଧ୍ୟ ଭୋଟ୍ ଦେବେ ଏବଂ ସେଠାରେ ସରକାର ପରିବର୍ତ୍ତନ ହେବ । କଂଗ୍ରେସ ଆସି ପୁଣି ସମୃଦ୍ଧ ହେବ ।'
Click it and Unblock the Notifications
Sign in with Google