ଆଜି ସରିବ ଭାରତ ଯୋଡ଼ୋ ଯାତ୍ରା, ସାମିଲ ହୋଇପାରନ୍ତି ଅନେକ ଦଳର ନେତା

ଗତ ବର୍ଷ କନ୍ୟାକୁମାରୀରୁ ଆରମ୍ଭ ହୋଇଥିବା ଭାରତ ଯୋଡୋ ଯାତ୍ରା 12 ଟି ରାଜ୍ୟ ଅତିକ୍ରମ କରି ବର୍ତ୍ତମାନ ଶେଷ ହୋଇଛି । ଆଜିର ଏହି ସମାରୋହ ଦିବସ ଶେରେ-ଏ-କାଶ୍ମୀର ମଇଦାନରେ ଆୟୋଜିତ ହେଉଛି ।

ଶ୍ରୀନଗର: ଆଜି ଶେଷ ହେଉଛି କଂଗ୍ରେସର ଭାରତ ଯୋଡ଼ୋ ଯାତ୍ରା । କଂଗ୍ରେସ ନେତା ରାହୁଲ ଗାନ୍ଧୀଙ୍କ ନେତୃତ୍ୱରେ ଦୀର୍ଘ ଦିନ ଧରି ଚାଲିଥିଲା ଏହି ଭାରତ ଯୋଡ଼ୋ ଯାତ୍ରା । ଏହା ପରେ ଆଜି ଶ୍ରୀନଗରର ଲାଲ ଛକରେ ତ୍ରିରଙ୍ଗା ଉତ୍ତୋଳନ କରିବା ସହ କଂଗ୍ରେସର ଭାରତ ଭାରତ ଯୋଡା ଯାତ୍ରା ଶେଷ ହୋଇଛି । ଗତ ବର୍ଷ କନ୍ୟାକୁମାରୀରୁ ଆରମ୍ଭ ହୋଇଥିବା ଭାରତ ଯୋଡୋ ଯାତ୍ରା 12 ଟି ରାଜ୍ୟ ଅତିକ୍ରମ କରି ବର୍ତ୍ତମାନ ଶେଷ ହୋଇଛି ।

ଆଜିର ଏହି ସମାରୋହ ଦିବସ ଶେରେ-ଏ-କାଶ୍ମୀର ମଇଦାନରେ ଆୟୋଜିତ ହେଉଛି । ଏଥିରେ ବହୁ ରାଜନୈତିକ ଦଳର ନେତାମାନେ ସାମିଲ ହୋଇପାରନ୍ତି ।

ଆଜିର ଏହି କାର୍ଯ୍ୟକ୍ରମ ପାଇଁ କଂଗ୍ରେସ ଏନଡିଏର 21 ସହଯୋଗୀଙ୍କୁ ଆମନ୍ତ୍ରଣ କରିଛି । କଂଗ୍ରେସର ବରିଷ୍ଠ ନେତା କହିଛନ୍ତି ଯେ ଏହି କାର୍ଯ୍ୟକ୍ରମରେ ଆମ୍ ଆଦମୀ ପାର୍ଟି, ଭାରତ ରାଷ୍ଟ୍ରିୟ ସମିତି ସମେତ ଅନେକ ଦଳ ଆମନ୍ତ୍ରିତ ହୋଇଛନ୍ତି । ତେବେ ପାଞ୍ଚଟି ଦଳ AIADMK, YSRCP, BJD, AIMIM ଏବଂ AIUDF କୁ ନିମନ୍ତ୍ରଣ କରାଯାଇ ନାହିଁ । ରବିବାର ଦିନ ରାହୁଲ ଗାନ୍ଧୀଙ୍କ ସହ ପ୍ରିୟଙ୍କା ଗାନ୍ଧୀ ଏବଂ ଅନ୍ୟ କଂଗ୍ରେସ ନେତାମାନେ ଶ୍ରୀନଗରରେ ଆୟୋଜିତ ପତାକା ଉତ୍ତୋଳନ ସମାରୋହରେ ଯୋଗ ଦେଇଥିଲେ ।

ଉଲ୍ଲେଖଯୋଗ୍ୟ, କଂଗ୍ରେସର ଏହି ଭାରତ ଯୋଡୋ ଯାତ୍ରା ଗତ ବର୍ଷ ସେପ୍ଟେମ୍ବର 7 ରେ କନ୍ୟାକୁମାରୀରୁ ଆରମ୍ଭ ହୋଇଥିଲା । ଏହି ଯାତ୍ରା 12 ଟି ରାଜ୍ୟରେ ମୋଟ 4080 କିଲୋମିଟର ଦୂରତା ଅତିକ୍ରମ କରିଥିଲା । ଏହି ଯାତ୍ରା ତାମିଲନାଡୁରୁ ଆରମ୍ଭ ହୋଇ କେରଳ, କର୍ଣ୍ଣାଟକ, ଆନ୍ଧ୍ରପ୍ରଦେଶ, ତେଲେଙ୍ଗାନା, ମହାରାଷ୍ଟ୍ର, ମଧ୍ୟପ୍ରଦେଶ, ରାଜସ୍ଥାନ, ଦିଲ୍ଲୀ, ଉତ୍ତରପ୍ରଦେଶ, ହରିୟାଣା, ପଞ୍ଜାବ ଅତିକ୍ରମ କରି ଜାମ୍ମୁ କାଶ୍ମୀରରେ ପହଞ୍ଚିଛି । ସମଗ୍ର ଯାତ୍ରା ସମୟରେ ରାହୁଲ ଗାନ୍ଧୀ 12 ଟି ସାଧାରଣ ସଭା, 100 ଟି ଛୋଟ ସଭା, 13 ଟି ସାମ୍ବାଦିକ ସମ୍ମିଳନୀ କରିଥିଲେ ।

English summary

Congress Bharat Jodo Yatra Will End, Many Opposition Party Leaders may Join