କଂଗ୍ରେସର ଭାରତ ଯୋଡ଼ ଯାତ୍ରା : ରାଜୀବ ଗାନ୍ଧୀଙ୍କ ଶହୀଦଙ୍କ ସ୍ମୃତିରେ ପହଞ୍ଚିଲେ ରାହୁଲ ଗାନ୍ଧୀ

ପୂର୍ବତନ କଂଗ୍ରେସ ଅଧ୍ୟକ୍ଷ ରାହୁଲ ଗାନ୍ଧୀଙ୍କ ନେତୃତ୍ୱରେ ଆଜି କଂଗ୍ରେସର 3570 କିଲୋମିଟର ଲମ୍ୱା ଭାରତ ଯୋଡ ଯାତ୍ରା କନ୍ୟାକୁମାରୀରୁ ଆରମ୍ଭ ହେଉଛି ।

Updated: Wednesday, September 7, 2022, 10:26 [IST]

ନୂଆଦିଲ୍ଲୀ : ପୂର୍ବତନ କଂଗ୍ରେସ ଅଧ୍ୟକ୍ଷ ରାହୁଲ ଗାନ୍ଧୀଙ୍କ ନେତୃତ୍ୱରେ ଆଜି କଂଗ୍ରେସର 3570 କିଲୋମିଟର ଲମ୍ୱା ଭାରତ ଯୋଡ ଯାତ୍ରା କନ୍ୟାକୁମାରୀରୁ ଆରମ୍ଭ ହେଉଛି । ଯାତ୍ରା ଆରମ୍ଭ ପୂର୍ବରୁ ରାହୁଲ ଗାନ୍ଧୀ ତାମିଲନାଡୁସ୍ଥିତ ପୂର୍ବତନ ପ୍ରଧାନମନ୍ତ୍ରୀ ରାଜୀବ ଗାନ୍ଧୀଙ୍କ ସ୍ମୃତି ସ୍ଥଳରେ ପହଞ୍ଚି ଶ୍ରଦ୍ଧାଞ୍ଜଳି ଅର୍ପଣ କରିଛନ୍ତି । ରାହୁଲ ଗାନ୍ଧୀଙ୍କ ସହ କଂଗ୍ରେସର ଅନ୍ୟ ଭେଟେରାନ ନେତାମାନେ ମଧ୍ୟ ଏଠାରେ ପହଞ୍ଚିଥିଲେ । କଂଗ୍ରେସ କହିଛି ଯେ ଏହି ଯାତ୍ରାର ନିର୍ବାଚନ ସହ କୌଣସି ସମ୍ପର୍କ ନାହିଁ । ଏହାର ଉଦ୍ଦେଶ୍ୟ କେବଳ ଦେଶକୁ ଏକଜୁଟ କରିବା । ଦଳର ମୁଖପାତ୍ର ଜୟରାମ ରମେଶ କହିଛନ୍ତି ଏହା ଏକ ପରିବର୍ତ୍ତନଶୀଳ ମୁହୂର୍ତ୍ତ ।

3570 କିଲୋମିଟର ଯାତ୍ରା

କଂଗ୍ରେସର ଭାରତ ଯୋଡୋ ଯାତ୍ରା ବିଷୟରେ କହିବାକୁ ଗଲେ ଏହା 150 ଦିନ ପର୍ଯ୍ୟନ୍ତ ଚାଲିବ । ଏହି ସମୟ ମଧ୍ୟରେ ସମୁଦାୟ 3570 କିଲୋମିଟର ଦୂରତା ଅତିକ୍ରମ କରିବ । ଏହି ଯାତ୍ରାରେ ସାମିଲ ହେବାକୁ ଥିବା କର୍ମୀମାନେ କୌଣସି ହୋଟେଲରେ ରହିବେ ନାହିଁ ଏବଂ ଏହି ଲୋକମାନେ କଣ୍ଟେନରରେ ରାତି ବିତାଇବେ । ଏହି ଯାତ୍ରାରେ ସମୁଦାୟ 60 ଟି କଣ୍ଟେନର ସାମିଲ କରାଯାଇଛି । ଏଥିରେ ଶୋଇବା ପାଇଁ ଶଯ୍ୟା, ଶୌଚାଳୟ ଏବଂ ଏସି ବ୍ୟବସ୍ଥା ଅଛି । ସୁରକ୍ଷା ଦୃଷ୍ଟିରୁ ରାହୁଲ ଗାନ୍ଧୀ ଏହି କଣ୍ଟେନରରେ ରହିବେ ନାହିଁ, ସେ ଏକାକୀ ଏକ କଣ୍ଟେନରରେ ରହିବେ ।

ଏହି କଣ୍ଟେନର ଗୁଡ଼ିକୁ ଯାତ୍ରା ସମୟରେ ଗାଁରେ ପାର୍କିଂ କରାଯିବ । ଯାତ୍ରୀମାନେ ରାସ୍ତାରେ ଖାଦ୍ୟ ଖାଇବେ । ଏହି ପାଞ୍ଚ ମାସର ଯାତ୍ରାରେ ପ୍ରତ୍ୟେକ ଋତୁ ପାଇଁ ବ୍ୟବସ୍ଥା କରାଯାଇଛି । ଏହି ଯାତ୍ରାରେ ଜଡିତ ଯାତ୍ରୀମାନେ ପ୍ରତିଦିନ 6-7 ଘଣ୍ଟା ଚାଲିବେ । ଯାତ୍ରୀମାନେ ଦୁଇଟି ବ୍ୟାଚରେ ଯାତ୍ରା କରିବେ, ପ୍ରଥମ ବ୍ୟାଚ୍ ସକାଳ 7-8.30 ଏବଂ ଅପରାହ୍ନ 3.30 ରୁ 6.30 ପର୍ଯ୍ୟନ୍ତ ।

ରୁଟ ମ୍ୟାପ୍ ଅନୁଯାୟୀ, ଭାରତ ଯୋଡ଼ ଯାତ୍ରାରେ 20 ଟି ଗୁରୁତ୍ୱପୂର୍ଣ୍ଣ ସ୍ଥାନ କନ୍ୟାକୁମାରୀ, ଥିରୁବନନ୍ତପୁରମ୍, କୋଚି, ନୀଲାମ୍ବୁର, ମୈସୁର, ବେଲ୍ଲୋରୀ, ରାୟଚୁର, ବିକରାବାଦ, ନନ୍ଦେଡ, ଜାଲଗାଓଁ, ଜାମୋଦ, ଇନ୍ଦୋର, କୋଟା, ଦୌସା, ଅଲୱାର, ବୁଲନ୍ଦଶହର, ଦିଲ୍ଲୀ, ଅମ୍ବାଲା, ପଠାନକୋଟ, ଜାମ୍ମୁ, ଶ୍ରୀନଗର ଅନ୍ତର୍ଭୁକ୍ତ । ଏହି ଯାତ୍ରା କେରଳରେ 18 ଦିନ, କର୍ଣ୍ଣାଟକରେ 21 ଦିନ ରହିବ ।

ଦରଦାମ ବୃଦ୍ଧି, ବେକାରୀ ସମସ୍ୟାର ସମ୍ମୁଖୀନ ହେଉଛନ୍ତି ଜନତା । ବିଭିନ୍ନ ପ୍ରସଙ୍ଗ ନେଇ ଲୋକଙ୍କ ପାଖକୁ ଯିବ କଂଗ୍ରେସ । ଲୋକଙ୍କୁ ସଚେତନ କରାଇବା ସହ ସମସ୍ୟା ଶୁଣିବ ଦଳ ।

ଓଡ଼ିଶାରୁ ଭାଗ ନେବେ 100 ପ୍ରତିନିଧି

କନ୍ୟାକୁମାରୀରୁ ଏହି ଅଭିଯାନ ଆରମ୍ଭ କରିବେ ରାହୁଲ ଗାନ୍ଧୀ । ବଡ଼ ଜନ ସଂପର୍କ ପଦଯାତ୍ରାରେ ବାହାରି ଲୋକଙ୍କ ନିକଟରେ ପହଞ୍ଚିବ ଦଳ । 12 ରାଜ୍ୟ ଓ 2 କେନ୍ଦ୍ର ଶାସିତ ଅଞ୍ଚଳ ଦେଇ ପଦଯାତ୍ରା ଯିବ । ପଦଯାତ୍ରାରେ 30 ପ୍ରତିଶତ ମହିଳା ସାମିଲ ହେବେ । ଏହି ପଦଯାତ୍ରା ଭାରତ ଯୋଡ଼ ଡଟ୍ ଇନ୍ ଓ୍ବେବସାଇଟରେ live telecast ହେବ । ଓଡ଼ିଶାରେ ମଧ୍ୟ ପଦଯାତ୍ରା ହେବ । 100 ପ୍ରତିନିଧି ଓଡ଼ିଶା କଂଗ୍ରେସରୁ ପଦଯାତ୍ରାରେ ସାମିଲ ହେବେ । ଓଡ଼ିଶାରୁ ପାଣି ଓ ମାଟି ନେଇ ଭାରତ ଯୋଡ ଅଭିଯାନରେ ସାମିଲ ହେବେ କଂଗ୍ରେସ ନେତା ଓ କର୍ମୀ ।