'ଗଦ୍ଦାର' ବିବାଦ ପରେ ଏକାଠି ନଜର ଆସିଲେ ଗେହଲଟ୍ - ପାଇଲଟ୍

ରାଜସ୍ଥାନ କଂଗ୍ରେସରେ ଚାଲିଥିବା କନ୍ଦଳ ଭିତରେ ଏକାଠଇ ନଜର ଆସିଛନ୍ତି ମୁଖ୍ୟମନ୍ତ୍ରୀ ଅଶୋକ ଗେହଲଟ୍ ଏବଂ ସଚିନ୍ ପାଇଲଟ୍ । ରାଜସ୍ଥାନ ମୁଖ୍ୟମନ୍ତ୍ରୀ ଅଶୋକ ଗେହଲଟ୍ ନିକଟ ଅତୀତରେ ସଚିନ ପାଇଲଟଙ୍କୁ ଗଦ୍ଦାର ବୋଲି କହିଥିଲେ ।

Published: Tuesday, November 29, 2022, 21:07 [IST]

ଜୟପୁର : ରାଜସ୍ଥାନ କଂଗ୍ରେସରେ ଚାଲିଥିବା କନ୍ଦଳ ଭିତରେ ଏକାଠଇ ନଜର ଆସିଛନ୍ତି ମୁଖ୍ୟମନ୍ତ୍ରୀ ଅଶୋକ ଗେହଲଟ୍ ଏବଂ ସଚିନ୍ ପାଇଲଟ୍ । ରାଜସ୍ଥାନ ମୁଖ୍ୟମନ୍ତ୍ରୀ ଅଶୋକ ଗେହଲଟ୍ ନିକଟ ଅତୀତରେ ସଚିନ ପାଇଲଟଙ୍କୁ ଗଦ୍ଦାର ବୋଲି କହିଥିଲେ । ସଚିନ ଦଳକୁ ବିଶ୍ୱାସଘାତକତା କରିଛନ୍ତି, ତାଙ୍କର କେବଳ 10 ଜଣ ବିଧାୟକଙ୍କ ସମର୍ଥନ ରହିଛି, ତାଙ୍କୁ କିପରି ମୁଖ୍ୟମନ୍ତ୍ରୀ କରାଯାଇପାରିବ ? ବୋଲି ମଧ୍ୟ କହିଥିଲେ ଗେହଲଟ୍ । ଏହି ବିବାଦ ପରେ ରାଜସ୍ଥାନ କଂଗ୍ରେସରେ ସବୁକିଛି ଠିକ୍ ଚାଲିନାହିଁ ବୋଲି କଳ୍ପନାଜଳ୍ପନା କରାଯାଉଥିଲା ।

ଏହି ସମୟରେ, ଏହି ବିବାଦ ପରେ ଉଭୟ ନେତା ମଙ୍ଗଳବାର ପ୍ରଥମ ଥର ପାଇଁ ଏକାଠି ନଜର ଆସିଥିଲେ। କଂଗ୍ରେସର ସାଧାରଣ ସମ୍ପାଦକ କେ.ସି ଭେନୁଗୋପାଲ କହିଛନ୍ତି ଯେ ଦଳରେ ସବୁ ଠିକ୍ ଅଛି ଏବଂ ଆମେ ଏକାଠି ଅଛୁ ।

କଂଗ୍ରେସର ସାଧାରଣ ସମ୍ପାଦକ କେସି ଭେନୁଗୋପାଲ ଜୟପୁରରେ ସାମ୍ବାଦିକମାନଙ୍କ ସହ କଥାବାର୍ତ୍ତା ବେଳେ କହିଛନ୍ତି ଯେ ଅଶୋକ ଗେହଲଟ୍ ଏବଂ ସଚିନ୍ ପାଇଲଟ୍ କହିଛନ୍ତି ଯେ ସେମାନେ ଏକ । ଏଥିସହ ରାହୁଲ ଗାନ୍ଧୀ କହିଛନ୍ତି ଯେ ଉଭୟ ନେତା ରାଜସ୍ଥାନ କଂଗ୍ରେସର ମୂଲ୍ୟବାନ ରତ୍ନ । ଏଥି ସହିତ ଉଭୟେ ବିଜେପି ଏବଂ ପ୍ରଧାନମନ୍ତ୍ରୀ ମୋଦୀଙ୍କୁ ମଧ୍ୟ ଟାର୍ଗେଟ୍ କରିଥିଲେ ।

ମୁଖ୍ୟମନ୍ତ୍ରୀ ଅଶୋକ ଗେହଲୋଟ୍ କହିଛନ୍ତି ଯେ ଗୁଜରାଟ ନିର୍ବାଚନକୁ ନେଇ ପ୍ରଧାନମନ୍ତ୍ରୀ ଏବଂ ଗୃହମନ୍ତ୍ରୀ ସମ୍ପୂର୍ଣ୍ଣ ନର୍ଭସ ଅଛନ୍ତି । ସେ କହିଛନ୍ତି ଯେ ଗୁଜରାଟରେ ପ୍ରଧାନମନ୍ତ୍ରୀ ଏବଂ ଗୃହମନ୍ତ୍ରୀ ବୁଲୁଛନ୍ତି, ସେଠାରେ ଏପରି ପରିଦର୍ଶନ କାହିଁକି ଘଟୁଛି ? ଆପଣ ବୁଝିପାରିବେ ଯେ ଉଭୟ ନେତା କେତେ ନର୍ଭସ । ସେ କହିଛନ୍ତି ଯେ ରାହୁଲ ଗାନ୍ଧୀଙ୍କ ଭାରତ ଯୋଡୋ ଯାତ୍ରାର ଚମତ୍କାର ବାର୍ତ୍ତା ସମଗ୍ର ଦେଶରେ ପହଞ୍ଚୁଛି ।

ସଚିନ ପାଇଲଟ୍ କହିଛନ୍ତି ଯେ ରାହୁଲ ଗାନ୍ଧୀଙ୍କ ସହ ଭାରତ ଯୋଡୋ ଯାତ୍ରା ରାଜସ୍ଥାନରେ ପୂର୍ଣ୍ଣ ଉତ୍ସାହ ଏବଂ ଶକ୍ତି ସହିତ ସ୍ୱାଗତ କରାଯିବ । ସେ କହିଛନ୍ତି ଯେ ଡିସେମ୍ବର 4 ରେ ମଧ୍ୟପ୍ରଦେଶ ଦେଇ ଦେଇ ରାଜସ୍ଥାନରେ ପ୍ରବେଶ କରିବ । ଏହି ଯାତ୍ରା ରାଜ୍ୟରେ 12 ଦିନ ଧରି ଚାଲିବ । ଏହି ଯାତ୍ରା ସମସ୍ତ ବର୍ଗର ଲୋକଙ୍କ ଅଂଶଗ୍ରହଣ ସହିତ ଐତିହାସିକ ହେବ ।

ଆପଣଙ୍କୁ କହି ରଖୁଛୁ ରାହୁଲ ଗାନ୍ଧୀଙ୍କ ନେତୃତ୍ୱରେ ଚାଲିଥିବା ବାରତ ଯୋଡ଼ୋ ଯାତ୍ରା ରାଜସ୍ଥାନର ଗୁର୍ଜାର ଅଞ୍ଚଳ ଦେଇ ହଗତି କରିବ । 7 ସେପ୍ଟେମ୍ବର ଦିନ ତାମିଲନାଡୁର କନ୍ୟାକୁମାରୀ ରୁ ଏହି ଯାତ୍ରା ଆରମ୍ଭ ହୋଇଥିଲା । ମହାରାଷ୍ଟ୍ର ଦକ୍ଷିଣ ରାଜ୍ୟ ଦେଇ ଏହି ଯାତ୍ରା ମଧ୍ୟପ୍ରଦେଶରେ ପହଞ୍ଚିଛି ।

Published On November 29, 2022