'ଦିଲ୍ଲୀର ଏକ ମନ୍ଦିର ଭାଙ୍ଗିବାକୁ ନିର୍ଦ୍ଦେଶ ଦେଇଥିଲେ କେନ୍ଦ୍ର ସରକାର', AAP ଦେଖାଇଲା ଚିଠି
ଦିଲ୍ଲୀର ଜାହାଙ୍ଗୀରପୁରୀରେ ବେଆଇନ୍ ନିର୍ମାଣ ଉଚ୍ଛେଦ ପ୍ରସଙ୍ଗ ଥଣ୍ଡା ହୋଇ ନଥିବା ବେଳେ ରାଜସ୍ଥାନର ଅଲୱାରରେ 300 ବର୍ଷ ପୁରୁଣା ମନ୍ଦିର ଭାଙ୍ଗିବା ପ୍ରସଙ୍ଗ ଚର୍ଚ୍ଚାକୁ ଆସିଛି ।
ନୂଆଦିଲ୍ଲୀ : ଦିଲ୍ଲୀର ଜାହାଙ୍ଗୀରପୁରୀରେ ବେଆଇନ୍ ନିର୍ମାଣ ଉଚ୍ଛେଦ ପ୍ରସଙ୍ଗ ଥଣ୍ଡା ହୋଇ ନଥିବା ବେଳେ ରାଜସ୍ଥାନର ଅଲୱାରରେ 300 ବର୍ଷ ପୁରୁଣା ମନ୍ଦିର ଭାଙ୍ଗିବା ପ୍ରସଙ୍ଗ ଚର୍ଚ୍ଚାକୁ ଆସିଛି । ଅଲୱାରର ରାଜଗଡ଼ ସହରରେ ଏହି ମନ୍ଦିର ଭଙ୍ଗା ଯାଇଛି, ଯାହାକୁ ନେଇ ବିଜେପି ଗେହଲୋଟ୍ ସରକାର ଉପରେ ଆକ୍ରମଣ କରୁଥିବା ଦେଖିବାକୁ ମିଳିଛି । ଏହି ସମୟରେ ଆମ୍ ଆଦମୀ ପାର୍ଟି (ଏଏପି) ନେତା ଅତିଶୀ ତାଙ୍କ ଟ୍ୱିଟର ଆକାଉଣ୍ଟରେ ଦିଲ୍ଲୀର ଏକ ମନ୍ଦିର ଭାଙ୍ଗିବାକୁ କେନ୍ଦ୍ର ଦେଇଥିବା ନିର୍ଦ୍ଦେଶର ଏକ ଚିଠି ପୋଷ୍ଟ କରିଛନ୍ତି ।
ଅଲୱାର ରାଜଗଡ଼ରେ 300 ବର୍ଷ ପୁରୁଣା ମନ୍ଦିର ଭାଙ୍ଗିବା ନେଇ ବିବାଦ ମଧ୍ୟରେ ଆମ୍ ଆଦମୀ ପାର୍ଟି (AAP) ନେତା ଅତିଶୀ ଦିଲ୍ଲୀର ଶ୍ରୀନିବାସପୁରୀ ଅଞ୍ଚଳରେ ଏକ ମନ୍ଦିର ଭାଙ୍ଗିବାକୁ କେନ୍ଦ୍ର ଦେଇଥିବା ନିର୍ଦ୍ଦେଶର ଏକ ଚିଠିକୁ ସେୟାର କରିଛନ୍ତି । ଏହି ଚିଠିରେ ଦର୍ଶାଯାଇଛି ଯେ କୌଣସି ଅଧିକାର ବିନା ସରକାରୀ ଜମିରେ ଧାର୍ମିକ ସରଞ୍ଚନା ଗଠନ କରାଯାଇଥିଲା । ଚିଠିରେ ନିର୍ଦ୍ଦେଶ ଦିଆଯାଇଛି ଯେ 7 ଦିନ ମଧ୍ୟରେ ଜମି ଖାଲି କରିବାକୁ ପଡିବ, ନଚେତ ମନ୍ଦିରଟି ଭାଙ୍ଗି ଦିଆଯିବ ।
भाजपा की केंद्र सरकार ने दिया श्रीनिवासपुरी स्थित नीलकंठ महादेव मंदिर पर बुल्डोज़र चलाने का आदेश pic.twitter.com/mEiTiCJXQu
— Atishi (@AtishiAAP) April 23, 2022
ଏଥିସହ ରାଜଗଡର ମନ୍ଦିର ଭାଙ୍ଗିବା କାର୍ଯ୍ୟାନୁଷ୍ଠାନ ଉପରେ ଅଲୱାର କଲେକ୍ଟରଙ୍କ ଅନୁଯାୟୀ ସହମତି ପ୍ରକାଶ ପାଇବା ପରେ ମନ୍ଦିର ଭାଙ୍ଗିବା ନିଷ୍ପତ୍ତି ନିଆଯାଇଥିଲା । ଅଲୱାର୍ ଜିଲ୍ଲା କଲେକ୍ଟର ନାକାତେ ଶିବପ୍ରସାଦ ମଦନ କହିଛନ୍ତି ଯେ ଅପ୍ରେଲ୍ 6 ରେ ସମସ୍ତଙ୍କୁ ପୃଥକ ଭାବରେ ନୋଟିସ୍ ଦିଆଯାଇଥିଲା ଏବଂ ଉଚ୍ଛେଦ ଅଭିଯାନର ଦୁଇ ଦିନ ପୂର୍ବରୁ ଏକ ଘୋଷଣା କରାଯାଇଥିଲା । ଅପ୍ରେଲ 17 - 18 ରେ ଉଚ୍ଛେଦ ଡ୍ରାଇଭ୍ କରାଯାଇଥିଲା । ଡିଏମ୍ କହିଛନ୍ତି ଯେ କୌଣସି ଆଇନଗତ ଢାଞ୍ଚା ଭାଙ୍ଗି ନାହିଁ ଏବଂ ଭାଙ୍ଗିବା ସମୟରେ କୌଣସି ବିରୋଧ କରାଯାଇ ନାହିଁ ।
ଅଲୱାର ଏଡିଏମ ସୁନୀତା ପଙ୍କଜଙ୍କ ଅନୁଯାୟୀ ରାଜଗଡ ପୌରପାଳିକା ଗତ ବର୍ଷ ସେପ୍ଟେମ୍ବରରେ ଏକ ପ୍ରସ୍ତାବ ଆଣିଥିଲା ଯାହା ଅପ୍ରେଲ 17 ରେ କାର୍ଯ୍ୟକାରୀ ହୋଇଥିଲା । ଲୋକମାନଙ୍କୁ ଏହା ପୂର୍ବରୁ ସୂଚନା ଦିଆଯାଇଥିଲା ଯେ ଏହା (ମନ୍ଦିର) ହଟାଯିବ, ସେହି ଦିନଠାରୁ ବର୍ତ୍ତମାନ ପର୍ଯ୍ୟନ୍ତ ଆମେ କୌଣସି ପ୍ରକାରର ବିରୋଧ ପାଇଁ ସ୍ଥାନୀୟ ଲୋକଙ୍କ ଠାରୁ କୌଣସି ଆବେଦନ ପାଇନାହୁଁ । ସେ କହିଛନ୍ତି ଯେ 3 ଟି ମନ୍ଦିର ଥିଲା, 2 ଟି ବ୍ୟକ୍ତିଗତ ଏବଂ ଗୋଟିଏ ନାଳ ଉପରେ ମନ୍ଦିର ନିର୍ମାଣ କରାଯାଇଥିଲା । ପ୍ରଶାସନ ସର୍ବସମ୍ମତି କ୍ରମେ ପ୍ରତିମାଗୁଡ଼ିକୁ ହଟାଇଲା । ଜନସାଧାରଣଙ୍କ ସର୍ବସମ୍ମତି କ୍ରମେ ଏହି ମନ୍ଦିରଟି ନିର୍ବିବାଦୀୟ ସ୍ଥାନରେ ପୌରସଂସ୍ଥା ଦ୍ୱାରା ନିର୍ମାଣ ହେବ ।
Click it and Unblock the Notifications
Sign in with Google