ଲାଲୁ ପ୍ରସାଦ ଯାଦବଙ୍କ ସହ ଜଡିତ 17 ଟି ସ୍ଥାନରେ ସିବିଆଇ ଚଢାଉ, ଜାଣନ୍ତୁ କଣ ରହିଛି ମାମଲା
କେନ୍ଦ୍ରୀୟ ଅନୁସନ୍ଧାନ ଏଜେନ୍ସି (ସିବିଆଇ) ଆଜି ଲାଲୁ ପ୍ରସାଦ ଯାଦବଙ୍କ 17 ଟି ସ୍ଥାନ ଉପରେ ଚଢାଉ କରିଛି । ଦୁର୍ନୀତି ସମ୍ବନ୍ଧୀୟ ମାମଲାରେ ସିବିଆଇର ଏହି କାର୍ଯ୍ୟାନୁଷ୍ଠାନ ଘଟିଛି ।
ନୂଆଦିଲ୍ଲୀ : ଆରଜେଡି ମୁଖ୍ୟ ଲାଲୁ ପ୍ରସାଦ ଯାଦବଙ୍କୁ ନେଇ ଏକ ବଡ଼ ଖବର ସାମ୍ନାକୁ ଆସିଛି । କେନ୍ଦ୍ରୀୟ ଅନୁସନ୍ଧାନ ଏଜେନ୍ସି (ସିବିଆଇ) ଆଜି ଲାଲୁ ପ୍ରସାଦ ଯାଦବଙ୍କ 17 ଟି ସ୍ଥାନ ଉପରେ ଚଢାଉ କରିଛି । ଦୁର୍ନୀତି ସମ୍ବନ୍ଧୀୟ ମାମଲାରେ ସିବିଆଇର ଏହି କାର୍ଯ୍ୟାନୁଷ୍ଠାନ ଘଟିଛି ।
ମିଳିଥିବା ସୂଚନା ଅନୁଯାୟୀ, ଲାଲୁ ଯାଦବ ଏବଂ ତାଙ୍କ ଝିଅଙ୍କ ବିରୋଧରେ ସିବିଆଇ ଏକ ନୂଆ ଦୁର୍ନୀତି ମାମଲା ରୁଜୁ କରିଛି । ଆପଣଙ୍କୁ କହିରଖୁଛୁ ଯେ ଲାଲୁ ଯାଦବଙ୍କୁ ଚଳିତ ମାସର 4 ତାରିଖ ଦିନ ଜେଲରୁ ମୁକ୍ତ କରାଯାଇଥିଲା, ଦୀର୍ଘ ଦିନ ଧରି ଚାରା ଘୋଟାଲା ମାମଲାରେ ଝାଡଖଣ୍ଡ ହାଇକୋର୍ଟରୁ ଜାମିନ ପାଇବା ପରେ ତାଙ୍କୁ ଅଧା ଦଣ୍ଡାଦେଶ ଏବଂ ଅସୁସ୍ଥତା ହେତୁ ତାଙ୍କୁ ଜାମିନ ପ୍ରଦାନ କରାଯାଇଥିଲା ।
ଲାଲୁ ପ୍ରସାଦ ଯାଦବ ଏବଂ ତାଙ୍କ କନ୍ୟାଙ୍କ ବିରୋଧରେ ନିଯୁକ୍ତି ପ୍ରତିବଦଳରେ ଜମି ଗ୍ରହଣ ଦୁର୍ନୀତି ସହିତ ଏହି ନୂଆ ମାମଲାର ସମ୍ପୃକ୍ତି ରହିଛି । ଚାକିରି ପ୍ରତିବଦଳରେ ନିର୍ଦ୍ଦିଷ୍ଟ କେତେକ ଜମି ଅଥବା ପ୍ଲଟ୍ ଗ୍ରହଣ କରାଯାଇଥିବା ଅଭିଯୋଗ ହୋଇଥିଲା ।
ଗଣମାଧ୍ୟମ ରିପୋର୍ଟ ଅନୁଯାୟୀ, ପାଟନାରେ ଥିବା ତାଙ୍କ ବାସଭବନ ସମେତ ସିବିଆଇ ଲାଲୁଙ୍କ 17 ଟି ବିଭିନ୍ନ ସ୍ଥାନରେ ଚଢାଉ କରୁଛି । ଆର୍ଥିକ ଅନିୟମିତତା ପାଇଁ ଲାଲୁ ଏବଂ ତାଙ୍କ ଝିଅଙ୍କ ବିରୋଧରେ ଏକ ମାମଲା ରୁଜୁ ହୋଇଛି । ଉଲ୍ଲେଖନୀୟ ବିଷୟ ହେଉଛି, ସ୍ୱାସ୍ଥ୍ୟଗତ ସମସ୍ୟା ହେତୁ ଲାଲୁ ବର୍ତ୍ତମାନ ତାଙ୍କ ବଡ଼ ମୀସା ଭାରତୀଙ୍କ ସହ ରହୁଛନ୍ତି ।
Click it and Unblock the Notifications
Sign in with Google