ମୋଦୀ କ୍ୟାବିନେଟ ବିସ୍ତାର : ମନ୍ତ୍ରୀଙ୍କ ସହ ପ୍ରଧାନମନ୍ତ୍ରୀ ମୋଦୀଙ୍କ ଗୁରୁତ୍ୱପୂର୍ଣ୍ଣ ବୈଠକ ବାତିଲ

ସଂସଦର ମୌସୁମୀ ଅଧିବେଶନ ପୂର୍ବରୁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ କ୍ୟାବିନେଟରେ ସମ୍ପ୍ରସାରଣକୁ ନେଇ ଆଲୋଚନା ପୁଣି ଜୋରଦାର ହୋଇଛି । ଏନେଇ ଆଜି ଅପରାହ୍ନରେ ବରିଷ୍ଠ ମନ୍ତ୍ରୀଙ୍କ ସହ ପ୍ରଧାନମନ୍ତ୍ରୀ ବୈଠକକୁ ବାତିଲ କରାଯାଇଛି ।

Published: Tuesday, July 6, 2021, 11:40 [IST]

ନୂଆଦିଲ୍ଲୀ : ସଂସଦର ମୌସୁମୀ ଅଧିବେଶନ ପୂର୍ବରୁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ କ୍ୟାବିନେଟରେ ସମ୍ପ୍ରସାରଣକୁ ନେଇ ଆଲୋଚନା ପୁଣି ଜୋରଦାର ହୋଇଛି । ଏନେଇ ଆଜି ଅପରାହ୍ନରେ ବରିଷ୍ଠ ମନ୍ତ୍ରୀଙ୍କ ସହ ପ୍ରଧାନମନ୍ତ୍ରୀ ବୈଠକକୁ ବାତିଲ କରାଯାଇଛି ।

ଆଜିର ଏହି ବୈଠକରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଦିଲ୍ଲୀରେ ତାଙ୍କ କ୍ୟାବିନେଟର ବରିଷ୍ଠ ମନ୍ତ୍ରୀ ଏବଂ ବିଜେପି ସଭାପତି ଜେପି ନଡ୍ଡାଙ୍କ ସହ ଏକ ଗୁରୁତ୍ୱପୂର୍ଣ୍ଣ ବୈଠକ କରିବାର ଥିଲା । ଅପରାହ୍ନ 5 ଟାରେ ଅନୁଷ୍ଠିତ ହେବାକୁ ଥିବା ଏହି ବୈଠକରେ ପ୍ରଧାନମନ୍ତ୍ରୀ ମୋଦୀ ମନ୍ତ୍ରୀଙ୍କ ରିପୋର୍ଟ କାର୍ଡ ଏବଂ ଭବିଷ୍ୟତର ରଣନୀତି ଉପରେ ଆଲୋଚନା ହୋଇଥାନ୍ତା ବୋଲି କୁହାଯାଉଥିଲା । ହେଲେ ହଠାତ ଏହାକୁ କାହିଁକି ବାତିଲ କରାଗଲା, ସେକଥା ଜଣାପଡ଼ିନି ।

ସୂଚନା ଅନୁସାରେ, ପ୍ରତିରକ୍ଷା ମନ୍ତ୍ରୀ ରାଜନାଥ ସିଂହ, ସ୍ୱରାଷ୍ଟ୍ର ମନ୍ତ୍ରୀ ଅମିତ ଶାହ, ଅର୍ଥମନ୍ତ୍ରୀ ନିର୍ମଳା ସୀତାରମଣଙ୍କ ସହ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ, ପ୍ରହ୍ଲାଦ ଯୋଶୀ, ପୀୟୂଷ ଗୋଏଲ ଓ ନରେନ୍ଦ୍ର ସିଂହ ତୋମାରଙ୍କ ସମେତ ବହୁ ବରିଷ୍ଠ ମନ୍ତ୍ରୀ ବୈଠକରେ ଯୋଗଦେବାର କାର୍ଯ୍ୟକ୍ରମ ଥିଲା ।

ସୂଚନାନୁସାରେ, ପିଏମ ମୋଦୀଙ୍କ କ୍ୟାବିନେଟରେ ସମ୍ପ୍ରସାରଣ କାର୍ଯ୍ୟକ୍ରମ ଏହି ସପ୍ତାହରେ ସବୁଜ ସଙ୍କେତ ପାଇପାରେ । ସୂଚନାଯୋଗ୍ୟ ଯେ ଏହାପୂର୍ବରୁ ଜୁନ୍ 20 ରେ ପ୍ରଧାନମନ୍ତ୍ରୀ ମୋଦୀ ବରିଷ୍ଠ ମନ୍ତ୍ରୀମାନଙ୍କ ସହ ଏକ ଉଚ୍ଚ ସ୍ତରୀୟ ବୈଠକ କରିଥିଲେ ଯେଉଁଥିରେ ଗତ ଦୁଇ ବର୍ଷ ଧରି ସରକାରଙ୍କ କାର୍ଯ୍ୟର ସମୀକ୍ଷା କରାଯାଇଥିଲା ।

ଏହି ବୈଠକରେ କାହାକୁ କେଉଁ ପଦ ମିଳିବ, କେଉଁ ରାଜ୍ୟରୁ କାହାକୁ ମନ୍ତ୍ରୀ କରାଯିବ ସେ ନେଇ ହେବ ବିସ୍ତୃତ ଆଲୋଚନା ହୋଇଥାନ୍ତା । ପୂର୍ବରୁ ପ୍ରଧାନମନ୍ତ୍ରୀ ଅନେକ ମନ୍ତ୍ରୀଙ୍କ ବିଭିନ୍ନ ବିଭାଗର ସମୀକ୍ଷା କରିସାରିଛନ୍ତି । ଦଳର ବରିଷ୍ଠ ନେତାଙ୍କ ସହ ଆଲୋଚନା ସରିଛି । ମନ୍ତ୍ରିମଣ୍ଡଳର ବିସ୍ତାର ନେଇ ପ୍ରକ୍ରିୟା ଏବେ ଶେଷ ପର୍ଯ୍ୟାୟରେ ପହଞ୍ଚିଛି । ସୂଚନା ମୁତାବକ ମନ୍ତ୍ରୀ 17 ରୁ 22 ଜଣ ସାଂସଦ ଭାବେ ଶପଥ ନେଇପାରନ୍ତି । ସହଯୋଗୀ ଦଳକୁ ମଧ୍ୟ ବିଜେପି ସୁଯୋଗ ଦେଇପାରେ ।

ସୂଚନାଯୋଗ୍ୟ, ଏବେ ମୋଦୀଙ୍କ ମନ୍ତ୍ରିମଣ୍ଡଳରେ 53 ଜଣ ମନ୍ତ୍ରୀ ଅଛନ୍ତି । ମନ୍ତ୍ରିମଣ୍ଡଳରେ 28ଟି ପଦ ଖାଲି ରହିଛି । କ୍ୟାବିନଟେରେ 81 ଜଣ ମନ୍ତ୍ରୀ ହୋଇପାରିବେ । ଅନେକ ମନ୍ତ୍ରୀଙ୍କ ପାଖରେ ଏକରୁ ଅଧିକ ମନ୍ତ୍ରାଳୟ ରହିଛି । ଏଣୁ 2024 ନିର୍ବାଚନ ପୂର୍ବରୁ ମୋଦିଙ୍କ ମନ୍ତ୍ରିମଣ୍ଡଳରେ ସମ୍ପ୍ରସାରଣ ହେବ ।

ଜାତୀୟ ଗଣମାଧ୍ୟମର ଚର୍ଚ୍ଚା ଅନୁସାରେ ବିହାରରେ 2 ରୁ 3 ଜଣକୁ ଓ ଉତ୍ତର ପ୍ରଦେଶରୁ ତିନି ଜଣକୁ ମନ୍ତ୍ରୀ ପଦ ମିଳିପାରେ । ସେହିଭଳି ମଧ୍ୟ ପ୍ରଦେଶରୁ ଜ୍ୟୋତିରାଦିତ୍ୟ ସିନ୍ଧିଆ ଓ ଉତ୍ତରାଖଣ୍ଡରୁ ତୀରଥ ସିଂ ରାୱତଙ୍କୁ ମିଳିପାରେ ମନ୍ତ୍ରୀ ପଦ। ବିହାରରୁ ସୁଶିଲ ମୋଦି ଓ LJPରୁ ପଶୁପତି ପାରସ ହୋଇପାରନ୍ତି ମନ୍ତ୍ରୀ । ବରୁଣ ଗାନ୍ଧି, ପ୍ରବୀଣ ନିଷାଦଙ୍କୁ ବି ମନ୍ତ୍ରିମଣ୍ଡଳରେ ସୁଯୋଗ ମିଳିପାରେ। ଅନ୍ୟପଟେ ଓଡ଼ିଶାରୁ ଜଣକୁ ମନ୍ତ୍ରୀ ପଦ ମିଳିବା ନେଇ ଚର୍ଚ୍ଚା ମଧ୍ୟ ଜୋର ଧରିଛି ।

ସୂଚନାଯୋଗ୍ୟ, ଆସନ୍ତା ବର୍ଷ ଉତ୍ତରପ୍ରଦେଶ, ଉତ୍ତରାଖଣ୍ଡ, ପଞ୍ଜାବ ଏବଂ ଗୋଆରେ ହେବାକୁ ଥିବା ବିଧାନସଭା ନିର୍ବାଚନ ପୂର୍ବରୁ ପ୍ରଧାନମନ୍ତ୍ରୀ ମୋଦୀଙ୍କ କ୍ୟାବିନେଟ୍ ବିସ୍ତାରକୁ ଅତ୍ୟନ୍ତ ଗୁରୁତ୍ୱପୂର୍ଣ୍ଣ ବିବେଚନା କରାଯାଉଛି ।

Published On July 6, 2021