ରାହୁଲ ଗାନ୍ଧୀଙ୍କୁ ଧମକ ପୂର୍ଣ୍ଣ ଚିଠି, ‘ଭାରତ ଯୋଡୋ ଯାତ୍ରାରେ ବମ୍ ପକାଇ ଉଡ଼ାଇଦେବୁ'
ଭାରତ ଯୋଡ଼ୋ ଯାତ୍ରା ସମୟରେ କଂଗ୍ରେସ ନେତା ରାହୁଲ ଗାନ୍ଧୀଙ୍କ ନାମରେ ମିଳିଛି ଧମକ ପୂର୍ଣ୍ଣ ଚିଠି । ବୋମା ପକାଇ ଉଡ଼ାଇ ଦେବାକୁ ଚିଠିରେ ଧମକ ଦିଆଯାଇଛି ।
ଭୋପାଳ : ଭାରତ ଯୋଡ଼ୋ ଯାତ୍ରା ସମୟରେ କଂଗ୍ରେସ ନେତା ରାହୁଲ ଗାନ୍ଧୀଙ୍କ ନାମରେ ମିଳିଛି ଧମକ ପୂର୍ଣ୍ଣ ଚିଠି । ବୋମା ପକାଇ ଉଡ଼ାଇ ଦେବାକୁ ଚିଠିରେ ଧମକ ଦିଆଯାଇଛି । ଇନ୍ଦୋରରେ ଭାରତ ଯୋଡ଼ୋ ଯାତ୍ରାରେ ରାହୁଲଙ୍କୁ ବୋମା ପକାଇ ଉଡ଼ାଇ ଦେବାକୁ ମିଳିଥିବା ଚିଠିରେ ଉଲ୍ଲେଖ କରାଯାଇଛି ।
ମିଳିଥିବା ସୂଚନା ଅନୁସୀରେ ଜୁନିର ଏକ ମିଠା ଦୋକାନରେ ଏହି ଧମକପୂର୍ଣ୍ଣ ଚିଠି ମିଳିଛି । ଏହା ପରେ ଇନ୍ଦୋର ପୋଲିସ୍ ଏବଂ କ୍ରାଇମ୍ ବ୍ରାଞ୍ଚ ସକ୍ରିୟ ହୋଇ ଉଠିଛନ୍ତି । ମିଠା ଦୋକାନରେ ଚିଠି ଛାଡିଥିବା ବ୍ୟକ୍ତିଙ୍କୁ ଇନ୍ଦୋର ପୋଲିସ ଏବଂ କ୍ରାଇମ ବ୍ରାଞ୍ଚ ଖୋଜୁଛି । ଏହା ବ୍ୟତୀତ ଚିଠିରେ ରାଜ୍ୟ କଂଗ୍ରେସ ମୁଖ୍ୟ କମଲନାଥଙ୍କୁ ମଧ୍ୟ ମୃତ୍ୟୁ ଧମକ ଦିଆଯାଇଛି ।
ସୂଚନାନୁସାରେ, ଜୁନି ଇନ୍ଦୋର ପୋଲିସ ଷ୍ଟେସନ ପରିସରରେ ସ୍ଥାପିତ ସିସିଟିଭି ଫୁଟେଜକୁ ପୋଲିସ ଅତି ନିକଟରୁ ଯାଞ୍ଚ କରୁଛି ।
ଆପଣଙ୍କୁ କହି ରଖୁଛୁ ନଭେମ୍ବର 24 ରେ ରାହୁଲ ଗାନ୍ଧୀ ଭାରତ ଯୋଡ଼ୋ ଯାତ୍ରା ସମୟରେ ଇନ୍ଦୋରର ଖାଲସା ଷ୍ଟାଡିୟମରେ ରାତି ବିଶ୍ରାମ କରିବେ ।
ମିଳିଥିବା ସୂଚନା ଅନୁସାରେ, ଜଣେ ଦୋକାନୀ ଇନ୍ଦୋରର ଏକ ମିଠା ଦୋକାନରେ ଏକ ଚିଠି ପାଇଛନ୍ତି, ଏହି ଚିଠିକୁ କ୍ୟୁରିଅର ଦ୍ୱାରା ଦୋକାନକୁ ପଠାଯାଇଛି ଯେଉଁଥିରେ ବର୍ତ୍ତମାନ ଭାରତ ଯୋଡା ଯାତ୍ରାରେ ଥିବା କଂଗ୍ରେସ ନେତା ରାହୁଲ ଗାନ୍ଧୀଙ୍କୁ ବୋମା ପକାଇ ଉଡ଼ାଇ ଦେବାକୁ ଧମକ ଦିଆଯାଉଛି ।
ଏହି ଚିଠି ମିଠା ଦୋକାନୀଙ୍କ ନିକଟରେ ଗୁରୁବାର ଅର୍ଥାତ୍ ଗତକାଲି ସନ୍ଧ୍ୟାରେ ପହଞ୍ଚିଛି । ଏହି ଚିଠିରେ ପୂର୍ବତନ ମୁଖ୍ୟମନ୍ତ୍ରୀ କମଲ ନାଥଙ୍କୁ ମଧ୍ୟ ରାହୁଲ ଗାନ୍ଧୀଙ୍କ ଗସ୍ତ ସମୟରେ ଗୁଳି କରାଯିବ ବୋଲି ଧମକ ଦିଆଯାଇଛି । ଉଭୟ ନେତାଙ୍କୁ ଧମକପୂର୍ଣ୍ଣ ଢଙ୍ଗରେ ଉଲ୍ଲେଖ କରାଯାଇଛି ।
ରାହୁଲ ଗାନ୍ଧୀଙ୍କ ଭାରତ ଯୋଡା ଯାତ୍ରା 23 ନଭେମ୍ବରରେ ମଧ୍ୟପ୍ରଦେଶର ବୁରହାନପୁରରେ ପ୍ରବେଶ କରିବାକୁ ଯାଉଛି । ଇନ୍ଦୋର ଏହି ଯାତ୍ରାର ସମ୍ପୂର୍ଣ୍ଣ କେନ୍ଦ୍ର ହୋଇ ରହିବ । ଇନ୍ଦୋର ପୋଲିସ ଡିସିପି ଆର.କେ ସିଂ ଏହି ଧମକପୂର୍ଣ୍ଣ ଚିଠିକୁ ନିଶ୍ଚିତ କରିଛନ୍ତି ।
Click it and Unblock the Notifications
Sign in with Google