ଘର ବାହୁଡ଼ିଲେ ମୁକୁଲ ରୟ : ମମତା ବାନାର୍ଜୀଙ୍କ ଉପସ୍ଥିତିରେ ଟିଏମସିରେ ଯୋଗ ଦେଲେ ବିଜେପି ରାଷ୍ଟ୍ରୀୟ ଉପାଧ୍ୟକ୍ଷ
ବିଧାନସଭା ନିର୍ବାଚନରେ ବିଜେପିକୁ ପରାସ୍ତ କରିବା ପରେ ପଶ୍ଚିମବଙ୍ଗର ମୁଖ୍ୟମନ୍ତ୍ରୀ ମମତା ବାନାର୍ଜୀ ବିଜେପିକୁ ଆଉ ଏକ ବଡ଼ ଝଟକା ଦେଇଛନ୍ତି । ବଙ୍ଗଳା ବିଜେପିର ବଡ ନେତା ମୁକୁଲ ରୟ ଘରକୁ ଫେରିଛନ୍ତି ।
କୋଲକାତା : ବିଧାନସଭା ନିର୍ବାଚନରେ ବିଜେପିକୁ ପରାସ୍ତ କରିବା ପରେ ପଶ୍ଚିମବଙ୍ଗର ମୁଖ୍ୟମନ୍ତ୍ରୀ ମମତା ବାନାର୍ଜୀ ବିଜେପିକୁ ଆଉ ଏକ ବଡ଼ ଝଟକା ଦେଇଛନ୍ତି । ବଙ୍ଗଳା ବିଜେପିର ବଡ ନେତା ମୁକୁଲ ରୟ ଘରକୁ ଫେରିଛନ୍ତି । ପଶ୍ଚିମବଙ୍ଗ ବିଧାନସଭା ନିର୍ବାଚନରେ ବିଜେପିର ଏକ ବଡ଼ ଚେହେରା ଥିବା ଦଳର ଉପାଧ୍ୟକ୍ଷ ମୁକୁଲ ରୟ ଆଜି ଟିଏମସିରେ ଯୋଗ ଦେଇଛନ୍ତି । ମମତା ବାନାର୍ଜୀଙ୍କ ଉପସ୍ଥିତିରେ ମୁକୁଲ ରୟ ଦଳରେ ଯୋଗ ଦେଇଥିଲେ । ଦଳରେ ଯୋଗଦେବା ପରେ ମମତା ଏବଂ ମୁକୁଲ ଏକ ସାମ୍ବାଦିକ ସମ୍ମିଳନୀ କରିଥିଲେ ।
କୁହାଯାଉଛି ଯେ ମୁକୁଲ ରୟ ଦୀର୍ଘ ଦିନ ଧରି ବିଜେପିରେ ଅବହେଳିତ ଅନୁଭବ କରୁଥିଲେ । ଚଳିତ ବର୍ଷ ପଶ୍ଚିମବଙ୍ଗ ବିଧାନସଭା ନିର୍ବାଚନରେ କୃଷ୍ଣନଗର ଦକ୍ଷିଣରୁ ଜିତିବା ପରେ ମୁକୁଲ ରୟଙ୍କ ଟିଏମସିକୁ ଫେରିବା ନେଇ କଳ୍ପନାଜଳ୍ପନା ଲାଗି ରହିଥିଲା । ଏହା ପଛର କାରଣ ମଧ୍ୟ ଦିଆଯାଇଥିଲା ଯେ ବଙ୍ଗଳାରେ ବିରୋଧୀ ଦଳର ନେତା ଭାବରେ ତାଙ୍କ ନାମ ପଠାନଯାଇ ଶୁଭେନ୍ଦୁ ଅଧିକାରୀଙ୍କୁ ଦିଆଯାଇଥିଲା ।
ଅନ୍ୟପକ୍ଷରେ, ନିର୍ବାଚନ ଫଳାଫଳ ପରେ ଟିଏମସି ନେତା ସୌଗତ ରୟ କହିଥିଲେ ଯେ ଅନେକ ନେତା ଅଭିଷେକ ବାନାର୍ଜୀଙ୍କ ସହ ଯୋଗାଯୋଗରେ ଅଛନ୍ତି ଏବଂ ଦଳକୁ ଫେରି ଆସିବାକୁ ଚାହୁଁଛନ୍ତି । ମୁଁ ଭାବୁଛି ଦଳରୁ ଫେରୁଥିବା ଲୋକଙ୍କୁ ଦୁଇଟି ଶ୍ରେଣୀରେ ବିଭକ୍ତ କରାଯାଇପାରେ- ସଫ୍ଟଲାଇନର ଏବଂ ହାର୍ଡଲାଇନର । ଟିଏମସି ନେତା ସୌଗତ ରୟ କହିଥିଲେ ଯେ ସଫ୍ଟଲାଇନର ଯେଉଁମାନେ ଦଳ ଛାଡିଛନ୍ତି କିନ୍ତୁ ମମତା ବାନାର୍ଜୀଙ୍କୁ କେବେ ଅପମାନିତ କରିନାହାଁନ୍ତି, ଯେଉଁମାନେ ମମତାଙ୍କ ବିରୋଧରେ ଅପମାନଜନକ ମନ୍ତବ୍ୟ ଦେଇଛନ୍ତି ସେମାନେ ହାର୍ଡଲାଇନର । ମକୁଲ ରୟ ବ୍ୟକ୍ତିଗତ ଭାବେ ମମତା ବାନାର୍ଜୀଙ୍କ ବିରୋଧରେ କୌଣସି ମତ ଦେଇନାହାଁନ୍ତି ।
BJP national vice president Mukul Roy and his son Subhranshu Roy join TMC in the presence of West Bengal CM Mamata Banerjee, in Kolkata. pic.twitter.com/WS9oFE2J79
— ANI (@ANI) June 11, 2021
ମୁକୁଲଙ୍କ ସହ ତାଙ୍କ ପୁଅ ଶୁଭ୍ରାଂଶୁ ଟିଏମସିରେ ମିଶିଛନ୍ତି । ପ୍ରାୟ ଚାରି ବର୍ଷ ପରେ ଘରକୁ ଫେରିଛନ୍ତି ମୁକୁଲ ରୟ । 2017 ନଭେମ୍ବରରେ ଟିଏମସି ଛାଡ଼ି ମୁକୁଲ ରୟ ବିଜେପିରେ ସାମିଲ୍ ହୋଇଥିଲେ । କିଛିଦିନ ତଳେ ଟିଏମସି ସାଂସଦ ଅଭିଷେକ ବାନାର୍ଜୀ ରୋଗରେ ପୀଡ଼ିତ ଥିବା ମୁକୁଲ ରୟଙ୍କ ପତ୍ନୀଙ୍କୁ ଦେଖିବାକୁ ଯାଇଥିଲେ । ସେବେଠାରୁ ଏହାକୁ ନେଇ ଚର୍ଚ୍ଚା ଲାଗି ରହିଥିଲା ।