2024 ନିର୍ବାଚନ ପାଇଁ ବିଜେପିର ମନ୍ଥନ ଆରମ୍ଭ, 144 ଆସନକୁ ମଜବୁତ କରିବାର ଲକ୍ଷ୍ୟ

ବୈଠକରେ ଆସନ୍ତା ନିର୍ବାଚନରେ 144 ଦୁର୍ବଳ ଲୋକସଭା ଆସନ ଉପରେ ମନ୍ଥନ କରାଯାଇଛି । ଏହି ଆସନଗୁଡିକରେ ଦଳ କିପରି ମଜବୁତ ହୋଇପାରିବ ସେନେଇ ଆଲୋଚନା କରାଯାଇଥିଲା ।

Updated: Wednesday, September 7, 2022, 10:30 [IST]

ନୂଆଦିଲ୍ଲୀ : ଆସନ୍ତା ଲୋକସଭା ନିର୍ବାଚନ ପାଇଁ ଭାରତୀୟ ଜନତା ପାର୍ଟି ରଣନୀତି ପ୍ରସ୍ତୁତ କରିବା ଆରମ୍ଭ କରିଛି । ମଙ୍ଗଳବାର ଦିନ ଦିଲ୍ଲୀର ପାର୍ଟି ମୁଖ୍ୟାଳୟରେ ଦଳର ଜାତୀୟ ଅଧ୍ୟକ୍ଷ ଜେପି ନଡ୍ଡା ଏବଂ ମୁଖ୍ୟ ରଣନୀତିଜ୍ଞ ଅମିତ ଶାହା ଏକ ଗୁରୁତ୍ୱପୂର୍ଣ୍ଣ ବୈଠକ କରିଛନ୍ତି । ବରିଷ୍ଠ ମନ୍ତ୍ରୀମାନେ ମଧ୍ୟ ଏହି ବୈଠକରେ ଯୋଗ ଦେଇଥିଲେ । ଏହି ବୈଠକରେ ଆସନ୍ତା ନିର୍ବାଚନରେ 144 ଦୁର୍ବଳ ଲୋକସଭା ଆସନ ଉପରେ ମନ୍ଥନ କରାଯାଇଛି । ଏହି ଆସନଗୁଡିକରେ ଦଳ କିପରି ମଜବୁତ ହୋଇପାରିବ ସେନେଇ ଆଲୋଚନା କରାଯାଇଥିଲା ।

ସୂଚନାଯୋଗ୍ୟ ଯେ ମଙ୍ଗଳବାର ଦିନ ବିଜେପି ଅଧ୍ୟକ୍ଷ ଜେପି ନଡ୍ଡା, ଅମିତ ଶାହା, ବରିଷ୍ଠ କେନ୍ଦ୍ର ମନ୍ତ୍ରୀ ତଥା ବରିଷ୍ଠ ନେତାମାନେ ଦିଲ୍ଲୀରେ ଏକ ବୈଠକ କରିଥିଲେ ଯେଉଁଥିରେ ଅମିତ ଶାହା କହିଛନ୍ତି ଯେ ଯେତେବେଳେ ସଂଗଠନ ଶକ୍ତିଶାଳୀ ହେବ ସେତେବେଳେ ଏକ ଶକ୍ତିଶାଳୀ ସରକାର ହେବ । ସ୍ମୃତି ଇରାନୀ, ଅଶ୍ୱିନୀ ବୈଷ୍ଣବ, ଭୁପେନ୍ଦ୍ର ଯାଦବ, ଅର୍ଜୁନ ମୁଣ୍ଡା, ଗଜେନ୍ଦ୍ର ସିଂ ଶେଖାୱତ, ଜି କିଶାନ ରେଡ୍ଡୀ, ଏନ ମୁରୁଗନ, ପ୍ରହଲ୍ଲାଦ ପଟେଲ, ପ୍ରହଲ୍ଲାଦ ଯୋଶୀ, ପୁରୋଷୋତ୍ତମ ରୁପାଲା, କୃଷ୍ଣ ପାଲ ଗୁଜ୍ଜର, କିରେନ ରିଜଜୁ, ଅନ୍ନପୂର୍ଣ୍ଣା ଦେବୀ, ଅଜୟ ମିଶ୍ରା ଟେନି, ମହେନ୍ଦ୍ର ପାଣ୍ଡେ, ପଙ୍କଜ ଚୌଧୁରୀ ଉପସ୍ଥିତ ଥିଲେ ।

ସୂଚନାନୁସାରେ, ଏହି ବୈଠକରେ ମୋଦୀ ସରକାରଙ୍କ ମନ୍ତ୍ରୀଙ୍କ ଗ୍ରାଉଣ୍ଡ ରିପୋର୍ଟ ଉପରେ ଆଲୋଚନା କରାଯାଇଥିଲା । 2024 ଲୋକସଭା ନିର୍ବାଚନରେ ବିଜୟ ପାଇଁ ଆବଶ୍ୟକ ପଦକ୍ଷେପ ଉପରେ ମଧ୍ୟ ଆଲୋଚନା କରାଯାଇଥିଲା । ଏହି ବୈଠକରେ ମୁଖ୍ୟତଃ 144 ଲୋକସଭା ଆସନ ଉପରେ ଆଲୋଚନା କରାଯାଇଥିଲା, ଯେଉଁଠାରେ ଦଳ ଦୁର୍ବଳ ରହିଛି । ଏହି ଆସନରେ ଦଳକୁ ମଜବୁତ କରିବାକୁ କେନ୍ଦ୍ର ମନ୍ତ୍ରୀ ଓ ସାଂସଦମାନଙ୍କୁ ପରାମର୍ଶ ଦିଆଯାଇଛି ।