'ବାଲାସାହେବ ଠାକରେଙ୍କ ପୁଅ ବର୍ତ୍ତମାନ ହନୁମାନ ଚାଲିସାକୁ ଡରୁଛନ୍ତି', ସିଏମ ଉଦ୍ଧଭଙ୍କୁ ଟାର୍ଗେଟ୍ କଲା ବିଜେପି
ବିଜେପି ଆଇଟି ସେଲ୍ ମୁଖ୍ୟ ଅମିତ ମାଲଭିୟ ଟ୍ୱିଟ୍ କରି ଲେଖିଛନ୍ତି ଯେ ବାଲାସାହେବ ଠାକରେଙ୍କ ପୁଅକୁ ବର୍ତ୍ତମାନ ହନୁମାନ ଚାଲିସା ଜର ଲାଗୁଛି । ଏହି ଟ୍ୱିଟ୍ ପରେ ପୁଣିଥରେ ବିଜେପି ଏବଂ ଶିବସେନା ମଧ୍ୟରେ ବୟାନବାଜି ଆରମ୍ଭ ହୋଇଛି ।
ନୂଆଦିଲ୍ଲୀ : ମହାରାଷ୍ଟ୍ର ବିଧାୟକ ରବି ରାଣା ଏବଂ ତାଙ୍କ ପତ୍ନୀ ସ୍ୱାଧୀନ ସାଂସଦ ନବନୀତ୍ ରାଣା ମୁଖ୍ୟମନ୍ତ୍ରୀ ଉଦ୍ଧବ ଠାକରେଙ୍କ ଘର ବାହାରେ ହନୁମାନ ଚାଲିସା ପାଠ କରିବାକୁ ଜିଦ୍ ଧରିଥିଲେ । ଯାହା ପରେ ଶିବସେନା ନେତାମାନେ ତାଙ୍କୁ ଚେତାବନୀ ଦେଉଥିବାର ନଜର ଆସିଥିଲା । ଏହି ବିବାଦକୁ ନେଇ ବିଜେପି, ଶିବସେନା ଏବଂ ସିଏମ ଉଦ୍ଧବଙ୍କୁ ଟାର୍ଗେଟ୍ କରିଛି । ଏହି ପ୍ରସଙ୍ଗରେ ବିଜେପି ଆଇଟି ସେଲ୍ ମୁଖ୍ୟ ଅମିତ ମାଲଭିୟ ଟ୍ୱିଟ୍ କରି ଲେଖିଛନ୍ତି ଯେ ବାଲାସାହେବ ଠାକରେଙ୍କ ପୁଅକୁ ବର୍ତ୍ତମାନ ହନୁମାନ ଚାଲିସା ଜର ଲାଗୁଛି । ଏହି ଟ୍ୱିଟ୍ ପରେ ପୁଣିଥରେ ବିଜେପି ଏବଂ ଶିବସେନା ମଧ୍ୟରେ ବୟାନବାଜି ଆରମ୍ଭ ହୋଇଛି ।
ଅନ୍ୟପକ୍ଷରେ, ରାଣା ଦମ୍ପତି ଅଭିଯୋଗ କରିଛନ୍ତି ଯେ ସେମାନେ କେବଳ ଉଦ୍ଧବ ଠାକରେଙ୍କ ଘର 'ମାତୋଶ୍ରୀ' ବାହାରେ ହନୁମାନ ଚାଲିସା ପାଠ କରିବାକୁ ଚାହୁଁଛନ୍ତି, କିନ୍ତୁ ଶନିବାର ଦିନ ଖାରସ୍ଥିତ ତାଙ୍କ ବାସଭବନରେ ଶିବ ସୈନିକ୍ ଆକ୍ରମଣ କରିଥିଲେ । ଯଦିଓ ପରିସ୍ଥିତି ନିୟନ୍ତ୍ରଣରେ ଥିବା ପୋଲିସ କହିଛି, କେବଳ ରାଣା ଦମ୍ପତିଙ୍କୁ ଘରୁ ବାହାରକୁ ନ ଯିବାକୁ କୁହାଯାଇଥିଲା । ବର୍ତ୍ତମାନ ସେ ହନୁମାନ ଚାଲିସା ପାଠ କରିବାର ଜିଦ୍ ଛାଡ଼ିଛନ୍ତି ।
ଏହି ପରିପ୍ରେକ୍ଷୀରେ ମହାରାଷ୍ଟ୍ର ଗୃହମନ୍ତ୍ରୀ ଦିଲୀପ ୱାସଲେ ପାଟିଲ କହିଛନ୍ତି ଯେ ବିଧାୟକ ତଥା ସାଂସଦ ହନୁମାନ ଚାଲିସା ଜପ କରିବାକୁ ଯୋଜନା କରିଛନ୍ତି, ସେମାନେ ରାଜ୍ୟରେ ଆଇନ ଶୃଙ୍ଖଳା ପରିସ୍ଥିତିକୁ ନଷ୍ଟ କରିବାକୁ ଚାହୁଁଛନ୍ତି। 'ମାତୋଶ୍ରୀ' ବାହାରେ ହନୁମାନ ଚାଲିସା ଜପ କରିବାର ଆବଶ୍ୟକତା କ'ଣ ? ସେମାନେ ଏହା ନିଜ ଘରେ କରିପାରିବେ ।
ଲାଉଡ ସ୍ପିକର ବିବାଦର ମୂଳ ହେଉଛି ମହାରାଷ୍ଟ୍ର ନବନିର୍ମାନ ସେନା (MNS) ମୁଖ୍ୟ ରାଜ ଠାକରେଙ୍କ ଚେତାବନୀ । ସେ କହିଥିଲେ ଯେ ଯଦି ମସଜିଦ ବାହାରେ ଥିବା ଲାଉଡ ସ୍ପିକର ହଟାଯାଏ ନାହିଁ, ତେବେ ତାଙ୍କ ପାର୍ଟୀ ମସଜିଦ ବାହାରେ ଲାଉଡ ସ୍ପିକର ମାଧ୍ୟମରେ ହନୁମାନ ଚାଲିସା ବଜାଇବ । ଏହା ପରେ ଅନ୍ୟ ରାଜ୍ୟରେ ମଧ୍ୟ ସମାନ ଦାବି ଉଠିଥିଲା । ତା'ପରେ ରାଣା ଦମ୍ପତି ସିଏମ ବାସଭବନ ସମ୍ମୁଖରେ ହନୁମାନ ଚାଲିସା ପାଠ କରିବାକୁ ଘୋଷଣା କରିଥିଲେ । ଏହି ମାମଲାରେ ମୁମ୍ବାଇ ପୋଲିସ ଉଭୟଙ୍କୁ ନୋଟିସ ଦେଇଛି ।
Click it and Unblock the Notifications
Sign in with Google