ମମତା ବାନାର୍ଜାଙ୍କ ଟିଏମସି ବିରୋଧରେ ଗର୍ଜୁଛି ବିଜେପି, ନବନ୍ନା ପଦଯାତ୍ରା ସମୟରେ ନେତା ଓ ପୋଲିସ ଧସ୍ତାଧସ୍ତି

ପଶ୍ଚିମବଙ୍ଗରେ ବିରୋଧୀ ବିଜେପି ଶାସକ ଟିଏମସି ବିରୋଧରେ ବଡ଼ ଧଣର ମୋର୍ଚ୍ଚା ଆରମ୍ଭ କରିଛି । ଶହ ଶହ ବିଜେପି ନେତା ଓ କର୍ମୀ ମମତା ସରକାର ବିରୋଧରେ ରାଜରାସ୍ତାକୁ ଓହ୍ଲାଇଛନ୍ତି ।

କୋଲକାତା : ପଶ୍ଚିମବଙ୍ଗରେ ବିରୋଧୀ ବିଜେପି ଶାସକ ଟିଏମସି ବିରୋଧରେ ବଡ଼ ଧଣର ମୋର୍ଚ୍ଚା ଆରମ୍ଭ କରିଛି । ଶହ ଶହ ବିଜେପି ନେତା ଓ କର୍ମୀ ମମତା ସରକାର ବିରୋଧରେ ରାଜରାସ୍ତାକୁ ଓହ୍ଲାଇଛନ୍ତି । ସେମାନେ ଶାସକ ଟିଏମସି ଉପରେ ଚାପ ପକାଇବା ପାଇଁ ବହୁମତ୍ରାରେ ନବନ୍ନା (ରାଜ୍ୟ ସଚିବାଳୟ) ପର୍ଯ୍ୟନ୍ତ ବିକ୍ଷୋଭ ପ୍ରଦର୍ଶନ କରିବେ ।

ବିଜେପିର ଏହି ବିରୋଧ ପ୍ରଦର୍ଶନ ସେହି ନେତାମାନଙ୍କ ବିରୋଧରେ ଯେଉଁମାନେ ଭ୍ରଷ୍ଟାଚାର ଅଭିଯୋଗର ସମ୍ମୁଖୀନ ହେଉଛନ୍ତି । ଗତ ବିଧାନସଭା ନିର୍ବାଚନରେ ପରାଜୟ ପରଠାରୁ ଏହା ବିଜେପିର ସବୁଠାରୁ ବଡ଼ ରାଜନୈତିକ ଅଭିଯାନ । ଶେଷ ଥର ପାଇଁ 2020 ମସିହାରେ ରାଜ୍ୟରେ ଏତେ ବଡ଼ ଆନ୍ଦୋଳନ ହୋଇଥିଲା ।

ମିଳିଥିବା ସୂଚନା ଅନୁସାରେ, ପଶ୍ଚିମବଙ୍ଗରେ ବିଜେପିର ନବନ୍ନା ମାର୍ଚ୍ଚରେ ଯୋଗଦେବା ପାଇଁ ବିଜେପି କର୍ମୀମାନେ ଟ୍ରେନ୍ ଯୋଗେ କୋଲକାତା ଯାଉଛନ୍ତି । ଶତାଧିକ ବିଜେପି କର୍ମୀ ରେଳ ଷ୍ଟେସନକୁ ଆସି ବିଜେପିର ଏହି ବିରୋଧ ପ୍ରଦର୍ଶରେ ଯୋଗ ଦେଇଛନ୍ତି । ସେମାନଙ୍କୁ ରୋକିବା ପାଇଁ ରେଳ ଷ୍ଟେସନରେ ବ୍ୟାରିକେଡ୍ ଲଗାଇଛି ପୋଲିସ । ବିଜେପି ନେତା ଅଭିଜିତ୍ ଦତ୍ତ କହିଛନ୍ତି, ଦୁର୍ଗାପୁର ରେଳ ଷ୍ଟେସନ ନିକଟରେ ଆମର 20 ଜଣ କର୍ମଚାରୀଙ୍କୁ ପୋଲିସ ଅଟକାଇଛି । ମୁଁ ଅନ୍ୟ ମାର୍ଗ ଦେଇ ଏଠାରେ ପହଞ୍ଚିଛି । ରାନିଗଞ୍ଜ ରେଳ ଷ୍ଟେସନ ବାହାରେ ଜଣେ ବିଜେପି କର୍ମୀ ଏବଂ ପୋଲିସ ମଧ୍ୟରେ ସଂଘର୍ଷ ହେବାର ଖବର ମଧ୍ୟ ରହିଛି ।

ଗତ ମାସରେ ବିଜେପିର ଜାତୀୟ ସାଧାରଣ ସମ୍ପାଦକ ତଥା ପଶ୍ଚିମବଙ୍ଗ, ତେଲେଙ୍ଗାନା ଏବଂ ଓଡିଶାର ଦାୟିତ୍ୱରେ ଥିବା ସୁନୀଲ ବଂଶଲ ଏହି ବିରୋଧ ପ୍ରଦର୍ଶନର ଯୋଜନା କରିଛନ୍ତି । ନବନ୍ନା ଅଭିଯାନ ପାଇଁ ବିଜେପି ରାଜ୍ୟ ୟୁନିଟର ସମସ୍ତ ବରିଷ୍ଠ ନେତା ପ୍ରତ୍ୟେକ ଜିଲ୍ଲାରେ ବୈଠକ କରିଛନ୍ତି । ପାର୍ଟିର ସୂତ୍ରରୁ ପ୍ରକାଶ ଯେ ତୃଣମୂଳ ସ୍ତରରେ ସଙ୍ଗଠନକୁ ମଜବୁତ କରି ଲୋକଙ୍କୁ ଏକାଠି କରିବାକୁ ବରିଷ୍ଠ ନେତାମାନେ ସେପ୍ଟେମ୍ବର 1 ରୁ ସାରା ରାଜ୍ୟ ଭ୍ରମଣ କରିଛନ୍ତି ।

ଏହି ଅଭିଯାନକୁ ମଜବୁତ କରିବା ପାଇଁ ବିଜେପି ରାଜ୍ୟ ମୁଖ୍ୟ ସୁକାନ୍ତ ମଜୁମଦାର, ଉପାଧ୍ୟକ୍ଷ ଦିଲୀପ ଘୋଷ ଏବଂ ବିରୋଧୀ ଦଳର ନେତା ସୁଭେନ୍ଦୁ ଅଧିକାରୀ ନେତୃତ୍ୱ ନେଇଥିଲେ । ବିଜେପି ସୂତ୍ରରୁ ପ୍ରକାଶ ଯେ ଏହି କାର୍ଯ୍ୟକ୍ରମ ପାଇଁ ସମୁଦାୟ 1,411 ରାଲିର ଆୟୋଜନ କରାଯାଇଛି ଏବଂ 4,34,025 ରୁ ଅଧିକ ଲୋକ ଏଥିରେ ଯୋଡ଼ି ହୋଇଛନ୍ତି । ଶୁଭେନ୍ଦୁ ଅଧିକାରୀ 16 ଟି ସାଧାରଣ ସଭା, ସୁକାନ୍ତ ମଜୁମଦାର 24 ଏବଂ ଦିଲୀପ ଘୋଷ 17 ସଭାର ଆୟୋଜନ କରିଛନ୍ତି ।

English summary

BJP Nabanna March against TMC Corruption In West Bengal