ପୁଅର ଟିକେଟ୍ ପାଇଁ ଇସ୍ତଫା ଦେବାକୁ ପ୍ରସ୍ତୁତ ଅଛନ୍ତି ବିଜେପି ସାଂସଦ ରୀତା ବହୁଗୁଣା ଯୋଶୀ

ଲକ୍ଷ୍ନୌ କ୍ୟାଣ୍ଟରୁ ପୁଅ ମାୟଙ୍କ ଯୋଶୀଙ୍କୁ ଟିକେଟ ପାଇଁ ବିଜେପି ସାଂସଦ ରୀତା ବହୁଗୁଣା ଯୋଶୀ ଇସ୍ତଫା ଦେବାକୁ ପ୍ରସ୍ତୁତ ଅଛନ୍ତି । ଏହି ପରିପ୍ରେକ୍ଷୀରେ ସେ କେନ୍ଦ୍ରୀୟ ନେତୃତ୍ୱଙ୍କୁ ଏକ ଚିଠି ଲେଖି ନିଜର ମତ ଦେଇଛନ୍ତି ।

Published: Tuesday, January 18, 2022, 17:30 [IST]

ଲକ୍ଷ୍ନୌ : ଲକ୍ଷ୍ନୌ କ୍ୟାଣ୍ଟରୁ ପୁଅ ମୟଙ୍କ ଯୋଶୀଙ୍କୁ ଟିକେଟ ପାଇଁ ବିଜେପି ସାଂସଦ ରୀତା ବହୁଗୁଣା ଯୋଶୀ ଇସ୍ତଫା ଦେବାକୁ ପ୍ରସ୍ତୁତ ଅଛନ୍ତି । ଏହି ପରିପ୍ରେକ୍ଷୀରେ ସେ କେନ୍ଦ୍ରୀୟ ନେତୃତ୍ୱଙ୍କୁ ଏକ ଚିଠି ଲେଖି ନିଜର ମତ ଦେଇଛନ୍ତି । ରୀତା ବହୁଗୁଣା କହିଛନ୍ତି ଯେ ଯଦି ବର୍ତ୍ତମାନର ସାଂସଦଙ୍କ ପୁଅକୁ ଟିକେଟ୍ ଦେବାରେ କିଛି ଅସୁବିଧା ଥାଏ, ତେବେ ସେ ତାଙ୍କ ପଦରୁ ଇସ୍ତଫା ଦେବାକୁ ପ୍ରସ୍ତୁତ ଅଛନ୍ତି ।

ରୀତା ବହୁଗୁଣା ଯୋଶୀ ଜଣେ ବିଜେପି ସାଂସଦ । ସେ କଂଗ୍ରେସ ଛାଡି ବିଜେପିରେ ଯୋଗ ଦେଇଥିଲେ । ରୀତା କହିଛନ୍ତି ଯେ ତାଙ୍କ ପୁଅ ମୟଙ୍କ ଯୋଶୀ 2009 ମସିହାରୁ ରାଜନୀତିରେ ସକ୍ରିୟ ଅଛନ୍ତି ଏବଂ ଲୋକଙ୍କ ପାଇଁ କାମ କରୁଛନ୍ତି । ଏଭଳି ପରିସ୍ଥିତିରେ ତାଙ୍କ ପୁଅ ମୟାଙ୍କ କୁ ଟିକେଟ୍ ମିଳିବା ଉଚିତ୍ । ସେ କହିଛନ୍ତି ଯେ ଲକ୍ଷ୍ନୌ କ୍ୟାଣ୍ଟରୁ ମୟଙ୍କ ଯୋଶୀ ଟିକେଟ୍ ପାଇଁ ଆବେଦନ କରିଛନ୍ତି, କିନ୍ତୁ ଯଦି ପରିବାର ପ୍ରତି ପରିବାରରୁ କେବଳ ଜଣଙ୍କୁ ଟିକେଟ୍ ଦେବାକୁ ଦଳ ନିଷ୍ପତ୍ତି ନେଇଛନ୍ତି, ତେବେ ମୟଙ୍କ ଟିକେଟ୍ ପାଇଁ ମୁଁ ବର୍ତ୍ତମାନର ଲୋକସଭା ଆସନରୁ ଇସ୍ତଫା ଦେବି ।

ରୀତା ଯୋଶୀ ଆହୁରି କହିଛନ୍ତି, ମୁଁ ବିଜେପି ଅଧ୍ୟକ୍ଷ ଜେପି ନଡ୍ଡାଙ୍କୁ ଏକ ଚିଠି ଲେଖି ଏହି ପ୍ରସ୍ତାବ ଦେଇଛି । ମୁଁ ସବୁବେଳେ ବିଜେପି ପାଇଁ କାମ କରିବି । ପାର୍ଟି ମୋ ଅଫରକୁ ଗ୍ରହଣ କରିପାରେ କିମ୍ବା ନ କରିପାରେ । ମୁଁ ବହୁ ବର୍ଷ ପୂର୍ବେ ଘୋଷଣା କରିଥିଲି ଯେ ମୁଁ ନିର୍ବାଚନରେ ପ୍ରତିଦ୍ୱନ୍ଦ୍ୱିତା କରିବି ନାହିଁ ।
ଆପଣଙ୍କୁ କହି ରଖୁଛୁ ଲକ୍ଷ୍ନୌ କ୍ୟାଣ୍ଟ ଆସନ ପାଇଁ ବିଜେପିରେ ଅନେକ ପ୍ରତିଯୋଗୀ ଅଛନ୍ତି । ରୀତା ଯୋଶୀଙ୍କ ବ୍ୟତୀତ ନିଜ ପୁଅ ପାଇଁ ଟିକେଟ୍ ମାଗିବା ଦୌଡ଼ରେ ବିଜେପି ସାଂସଦ ଜଗଦମ୍ବିକା ପାଲ, କେନ୍ଦ୍ର ମନ୍ତ୍ରୀ କୌଶଲ କିଶୋର ଏବଂ ଡେପୁଟି ସିଏମ କେଶବ ପ୍ରସାଦ ମୌର୍ଯ୍ୟଙ୍କ ନାମ ରହିଛି । ସମସ୍ତେ ବିଧାନସଭା ନିର୍ବାଚନରେ ପୁଅମାନଙ୍କ ପାଇଁ ଟିକେଟ୍ ଦାବି କରିଛନ୍ତି ।

Published On January 18, 2022