ରାଜ୍ୟଗୁଡ଼ିକର ନୂଆ ପ୍ରଭାରୀ - ସହ ପ୍ରଭାରୀ ତାଲିକା ପ୍ରକାଶ କଲା ବିଜେପି, ଏହି ନେତାମାନଙ୍କୁ ବଡ଼ ଦାୟିତ୍ୱ
ତ୍ରିପୁରାର ପୂର୍ବତନ ମୁଖ୍ୟମନ୍ତ୍ରୀ ବିପ୍ଲବ ଦେବଙ୍କୁ ହରିୟାଣାର ଦାୟିତ୍ୱ ଦିଆଯାଇଛି । ଗୁଜୁରାଟର ପୂର୍ବତନ ମୁଖ୍ୟମନ୍ତ୍ରୀ ବିଜୟ ରୂପାନୀଙ୍କୁ ପଞ୍ଜାବ-ହରିୟାଣାର ଦାୟିତ୍ୱ ଦିଆଯାଇଛି ।
ନୂଆଦିଲ୍ଲୀ : ଭାରତୀୟ ଜନତା ପାର୍ଟି ସଂଗଠନରେ ବଡ଼ ଦାୟିତ୍ୱ ବଣ୍ଟନ କରିଛି । ଅନେକ ରାଜ୍ୟରେ ପ୍ରଭାରୀ ଏବଂ ସହ-ପ୍ରଭାରୀ ନିଯୁକ୍ତ ହୋଇଛନ୍ତି । ଆଗକୁ କେତେକ ରାଜ୍ୟରେ ବିଧାନସଭା ନିର୍ବାଚନ ହେବାକୁ ଥିବା ବେଳେ 2024 ରେ ଲୋକସଭା ନିର୍ବାଚନ ହେବ । ଏହାକୁ ଦୃଷ୍ଟିରେ ରଖି ବିଜେପି ତୃଣମୂଳ ସ୍ତରରେ ଦଳକୁ ଆହୁରି ମଜବୁତ କରିବା ସହ ଆଗାମୀ ଲୋକସଭା ନିର୍ବାଚନରେ ଭଲ ପ୍ରଦର୍ଶନ କରିବା ପାଇଁ ଦଳ ଏହି ସମସ୍ତ ନିଯୁକ୍ତ କରିଛି ବୋଲି କୁହାଯାଉଛି ।
ତ୍ରିପୁରାର ପୂର୍ବତନ ମୁଖ୍ୟମନ୍ତ୍ରୀ ବିପ୍ଲବ ଦେବଙ୍କୁ ହରିୟାଣାର ଦାୟିତ୍ୱ ଦିଆଯାଇଛି । ଗୁଜୁରାଟର ପୂର୍ବତନ ମୁଖ୍ୟମନ୍ତ୍ରୀ ବିଜୟ ରୂପାନୀଙ୍କୁ ପଞ୍ଜାବ-ହରିୟାଣାର ଦାୟିତ୍ୱ ଦିଆଯାଇଛି । ଏଥି ସହ ବିହାରର ପୂର୍ବତନ ମନ୍ତ୍ରୀ ମଙ୍ଗଲ ପାଣ୍ଡେଙ୍କୁ ପଶ୍ଚିମବଙ୍ଗର ଦାୟିତ୍ୱ ଦିଆଯାଇଛି । ସେହିପରି ବିଜେପି ମୁଖପାତ୍ର ସମ୍ବିତ ପାତ୍ରଙ୍କୁ ଉତ୍ତର-ପୂର୍ବ ରାଜ୍ୟଗୁଡ଼ିକର ସଂଯୋଜକ କରାଯାଇଛି । ବିନୋଦ ତାୱେଡେ ବିହାରର ଦାୟିତ୍ୱରେ ଥିବାବେଳେ ହରିଶ ଦ୍ୱିବେଦୀଙ୍କୁ ବିହାରର ସହ-ପ୍ରଭାରୀ ରଖାଯାଇଛି ।
ବିହାର
ପ୍ରଭାରୀ - ବିନୋଦ ତାୱଡେ
ସହ ପ୍ରଭାରୀ - ହରିଶ ଦ୍ୱିବେଦୀ
ଛତିଶଗଡ
ପ୍ରଭାରୀ - ଓମ୍ ମାଥୁର
ସହ - ପ୍ରଭାରୀ - ନିତିନ ନବିନ
ଦାଦ୍ରା ଏବଂ ନାଗର ହାବେଳୀ
ପ୍ରଭାରୀ - ବିନୋଦ ସୋନକର
ହରିୟାଣା
ପ୍ରଭାରୀ - ବିପ୍ଲବ ଦେବ
ଝାଡଖଣ୍ଡ
ପ୍ରଭାରୀ - ଲକ୍ଷ୍ମୀକାନ୍ତ ବାଜପେୟୀ
କେରଳ
ପ୍ରଭାରୀ - ପ୍ରକାଶ ଜାଭେଦକର
ସହ ପ୍ରଭାରୀ - ରାଧା ମୋହନ ଅଗ୍ରୱାଲ
ଲକ୍ଷାଦ୍ୱୀପ
ପ୍ରଭାରୀ - ରାଧା ମୋହନ ଅଗ୍ରୱାଲ
ମଧ୍ୟପ୍ରଦେଶ
ପ୍ରଭାରୀ - ମୁରଲୀଧର ରାଓ
ସହ ପ୍ରଭାରୀ - ପଙ୍କଜା ମୁଣ୍ଡେ
ସହ ପ୍ରଭାରୀ - ରାମ ଶଙ୍କର କଠେରିୟା
ପଞ୍ଜାବ
ପ୍ରଭାରୀ - ବିଜୟ ରୂପାନି
ସହ ପ୍ରଭାରୀ - ନରିନ୍ଦର ସିଂହ ରାଣା
ତେଲେଙ୍ଗାନା
ପ୍ରଭାରୀ - ତରୁଣ ଚୁଗ୍
ସହ ପ୍ରଭାରୀ - ଅରବିନ୍ଦ ମେନନ୍
ଚଣ୍ଡିଗଡ଼
ପ୍ରଭାରୀ - ବିଜୟ ରୂପାନୀ
ରାଜସ୍ଥାନ
ପ୍ରଭାରୀ - ଅରୁଣ ସିଂହ
ସହ-ପ୍ରଭାରୀ - ବିଜୟ ରାହତକର
ତ୍ରିପୁରା
ପ୍ରଭାରୀ - ମହେଶ ଶର୍ମା
ପଶ୍ଚିମବଙ୍ଗ
ପ୍ରଭାରୀ - ମଙ୍ଗଲ ପାଣ୍ଡେ
ସହ-ପ୍ରଭାରୀ - ଅମିତ ମାଲଭିୟ
ସହ-ପ୍ରଭାରୀ - ଆଶା ଲାକରା
ଉତ୍ତର-ପୂର୍ବ ରାଜ୍ୟ
ପ୍ରଭାରୀ - ସମ୍ବିତ ପାତ୍ର
ସହ-ପ୍ରଭାରୀ - ରିତୁରାଜ ସିହ୍ନା
ସୂଚନାଯୋଗ୍ୟ ଯେ ନିକଟରେ ଦିଲ୍ଲୀର ବିଜେପି ମୁଖ୍ୟାଳୟରେ ବିଜେପି ସଭାପତି ଜେପି ନଡ୍ଡା ଏବଂ ଅମିତ ଶାହା ଏକ ଗୁରୁତ୍ୱପୂର୍ଣ୍ଣ ବୈଠକ କରିଥିଲେ । ବୈଠକରେ ବହୁ କେନ୍ଦ୍ର ମନ୍ତ୍ରୀ, ବରିଷ୍ଠ ନେତା ଯୋଗ ଦେଇଥିଲେ । ଏହି ବୈଠକରେ ବିଜେପିର ସଂଗଠନକୁ ମଜବୁତ କରିବା ଉପରେ ଗୁରୁତ୍ୱ ଦିଆଯାଇଥିଲା । ଏହି ବୈଠକରେ 140 ରୁ ଅଧିକ ସଂସଦ ନିର୍ବାଚନମଣ୍ଡଳୀ ଚିହ୍ନଟ କରାଯାଇଛି, ଯଏଉଁଥିରେ ଦଳର ସ୍ଥିତି ଦୁର୍ବଳ ରହିଛି । ଏହି ନେତାମାନଙ୍କୁ ଏହି ସଂସଦୀୟ ନିର୍ବାଚନମଣ୍ଡଳୀକୁ ଯାଇ ତୃଣମୂଳ ସ୍ତରରେ କାର୍ଯ୍ୟ କରିବାକୁ କୁହାଯାଇଛି, ଯାହା ଦ୍ୱାରା ଦଳ ମଜବୁତ ହୋଇପାରିବ । ବିରୋଧୀ ଦଳ ଯେପରି ଭାବରେ ବିଜେପି ବିରୁଦ୍ଧରେ ସଂଗଠିତ ହେଉଛି, ବିଜେପି ମଧ୍ୟ ଏହାର ରଣନୀତି ପ୍ରସ୍ତୁତ କରିବା ଆରମ୍ଭ କରିଛି ଏବଂ ବୁଥ ସ୍ତରରେ ପୁଣି ଥରେ ଦୁର୍ବଳ ସଂସଦ ନିର୍ବାଚନମଣ୍ଡଳୀକୁ ମଜବୁତ କରିବାକୁ ଦଳ ଗୁରୁତ୍ୱ ଦେବାକୁ ଯାଉଛି ।
Click it and Unblock the Notifications
Sign in with Google