ଧର୍ମେନ୍ଦ୍ର ପ୍ରଧାନଙ୍କ ଉପରେ ପୁଣି ଭରସା କଲା ବିଜେପି, ଦେଲା କର୍ଣ୍ଣାଟକ ନିର୍ବାଚନ ଦାୟିତ୍ୱ

ପ୍ରଧାନଙ୍କୁ ଆଉ ଏକ ଗୁରୁତ୍ୱପୂର୍ଣ୍ଣ ଦାୟିତ୍ୱ ଦେଇଛି ଦଳ । ନିର୍ବାଚନ ପରିଚାଳାନରେ ପୂର୍ବ ସଫଳତାକୁ ନଜରରେ ରଖି ଧର୍ମେନ୍ଦ୍ରଙ୍କୁ ଦେଇଛି କର୍ଣ୍ଣାଟକ ନିର୍ବାଚନ ଦାୟିତ୍ୱ ।

Published: Saturday, February 4, 2023, 16:53 [IST]

ବେଙ୍ଗାଲୁରୁ: ଧର୍ମେନ୍ଦ୍ର ପ୍ରଧାନଙ୍କ ଉପରେ ପୁଣି ଭରସା କରିଛି ବିଜେପି । ପ୍ରଧାନଙ୍କୁ ଆଉ ଏକ ଗୁରୁତ୍ୱପୂର୍ଣ୍ଣ ଦାୟିତ୍ୱ ଦେଇଛି ଦଳ । ନିର୍ବାଚନ ପରିଚାଳାନରେ ପୂର୍ବ ସଫଳତାକୁ ନଜରରେ ରଖି ଧର୍ମେନ୍ଦ୍ରଙ୍କୁ ଦେଇଛି କର୍ଣ୍ଣାଟକ ନିର୍ବାଚନ ଦାୟିତ୍ୱ ।

କର୍ଣ୍ଣାଟକ ବିଧାନସଭା ନିର୍ବାଚନ ପାଇଁ ମାତ୍ର କିଛି ମାସ ବାକି ଅଛି । ଏ ନେଇ ଦଳ ପ୍ରସ୍ତୁତି ଆରମ୍ଭ କରିଛି । ଶନିବାର ଦିନ ବିଜେପି ହାଇକମାଣ୍ଡ ରାଜ୍ୟ ସମ୍ପର୍କରେ ଏକ ପ୍ରମୁଖ ନିଷ୍ପତ୍ତି ନେଇଛନ୍ତି । କେନ୍ଦ୍ର ମନ୍ତ୍ରୀ ଧର୍ମେନ୍ଦ୍ର ପ୍ରଧାନଙ୍କୁ ରାଜ୍ୟ ଦାୟିତ୍ୱ ଦିଆଯାଇଛି । ଏହା ବ୍ୟତୀତ ତାମିଲନାଡୁ ବିଜେପି ରାଜ୍ୟ ୟୁନିଟ୍ ସଭାପତି କେ ଅନ୍ନାମଲାଇ ସହ-ଇନଚାର୍ଜ ହେବେ । ଉଭୟ ନିଯୁକ୍ତି ସମ୍ପର୍କରେ ଶନିବାର ବିଜେପି ମୁଖ୍ୟ ଜେପି ନଡ୍ଡା ମଧ୍ୟ ନିର୍ଦ୍ଦେଶ ଦେଇଛନ୍ତି ।

ଯଦିଓ ବର୍ତ୍ତମାନ କର୍ଣ୍ଣାଟକରେ ବିଜେପି ସରକାର ଅଛି, କିନ୍ତୁ ରାହୁଲ ଗାନ୍ଧୀ ଭାରତ ଯୋଡା ଯାତ୍ରା ସମୟରେ ରାଜ୍ୟରେ ବହୁ ସମୟ ଅତିବାହିତ କରି ଅନେକ ଅଞ୍ଚଳ ପରିଦର୍ଶନ କରିଥିଲେ । ଏଭଳି ପରିସ୍ଥିତିରେ ବିଜେପି କ୍ରମାଗତ ଭାବରେ ଏହାର ସପକ୍ଷରେ ଫଳାଫଳ ଆଣିବାକୁ ଚେଷ୍ଟା କରୁଛି । ଏହି ବିଷୟରେ ଅବଗତ ଥିବା ନେତାଙ୍କ କହିବାନୁସାରେ, ବିଜେପି 224 ଟି ଆସନ ମଧ୍ୟରୁ 150 ଟି ଜିତିବାର ଲକ୍ଷ୍ୟ ରଖିଛି । ଏଥି ସହ କିଛି ଲୋକ ଜନତା ଦଳ ଧର୍ମନିରପେକ୍ଷ (ଜେଡିଏସ) ସହିତ ବିଜେପିର ମେଣ୍ଟ ଉପରେ ଆଲୋଚନା କରୁଥିଲେ ମଧ୍ୟ ଦଳ ଏହାକୁ ଅସ୍ୱୀକାର କରିଛି ।

ଆପଣଙ୍କୁ କହିରଖୁଛୁ ଯେ ଗତ ବର୍ଷ ଉତ୍ତରପ୍ରଦେଶରେ ବିଧାନସଭା ନିର୍ବାଚନ ଅନୁଷ୍ଠିତ ହୋଇଥିଲା ଯେଉଁଥିରେ ବିଜେପି ସେଠାରେ ପ୍ରଧାନଙ୍କୁ ଦାୟିତ୍ୱ ଦେଇଥିଲା । ସେ ସେଠାରେ ଦାୟିତ୍ୱ ଗ୍ରହଣ କରିବା ମାତ୍ରେ ଆଭ୍ୟନ୍ତରୀଣ ଦଳକନ୍ଦଳକୁ ବନ୍ଦ କରିବାରେ ସଫଳ ହୋଇଥିଲେ । ଏହା ପରେ ବିଜେପି ସଂପୂର୍ଣ୍ଣ ସଂଖ୍ୟାଗରିଷ୍ଠତା ହାସଲ କରିଛି । ଏଥିପାଇଁ ହାଇକମାଣ୍ଡ ମଧ୍ୟ ତାଙ୍କୁ ବହୁତ ପ୍ରଶଂସା କରିଥିଲେ । ବର୍ତ୍ତମାନ ତାଙ୍କୁ କର୍ଣ୍ଣାଟକର ଦାୟିତ୍ୱ ଦିଆଯାଇଛି ।

ଏହି ବିଧାନସଭା ନିର୍ବାଚନରେ ଅନେକ ଗୁରୁତ୍ୱପୂର୍ଣ୍ଣ ପ୍ରସଙ୍ଗ ଉଠିବ । ଯେଉଁଥିରେ ହିଜାବ ଉପରେ ପ୍ରତିବନ୍ଧକ, ହଲାଲ୍ ମାଂସ ଉପରେ ପ୍ରତିବନ୍ଧକ, ଧାର୍ମିକ ସ୍ଥାନରେ ଲାଉଡ ସ୍ପିକର ବ୍ୟବହାର ଇତ୍ୟାଦି ଗୁରୁତ୍ୱପୂର୍ଣ୍ଣ ପ୍ରସଙ୍ଗ ରହିଛି । 2013 ରୁ 2018 ପର୍ଯ୍ୟନ୍ତ ବିଜେପି ରାଜ୍ୟ ଶାସନ କରିଥିଲା । 2018 ନିର୍ବାଚନରେ ଦଳ ଏକାକୀ ବୃହତ୍ତମ ଦଳ ହେଲା, କିନ୍ତୁ କଂଗ୍ରେସ ଏବଂ ଜେଡିଏସ୍ ଏକ ମିଳିତ ମଞ୍ଚ ଗଠନ କଲେ । ତେବେ ଏହା ବେଶି ଦିନ ରହିଲା ନାହିଁ ଏବଂ 2019 ରେ ବିଜେପି ପୁଣି କ୍ଷମତାକୁ ଆସିଲା ।

Published On February 4, 2023