ବ୍ରାହ୍ମଣ ସମାଜ ଉପରେ ମନ୍ତବ୍ୟ : 15 ଦିନ ନ୍ୟାୟିକ ହେପାଜତକୁ ଗଲେ ଛତିଶଗଡ ମୁଖ୍ୟମନ୍ତ୍ରୀଙ୍କ ପିତା ନନ୍ଦ କୁମାର

ବ୍ରାହ୍ମଣ ସମ୍ପ୍ରଦାୟ ବିରୁଦ୍ଧରେ ଅପମାନଜନକ ଏବଂ ଉତ୍ତେଜନାମୂଳକ ମନ୍ତବ୍ୟ ଦେଇଥିବା ଅଭିଯୋଗରେ ଛତିଶଗଡ ମୁଖ୍ୟମନ୍ତ୍ରୀ ଭୁପେଶ ବାଗେଲଙ୍କ ପିତା ନନ୍ଦ କୁମାର ବାଗେଲଙ୍କୁ ଗିରଫ କରାଯାଇଛି ।

Updated: Tuesday, September 7, 2021, 16:41 [IST]

ରାୟପୁର : ବ୍ରାହ୍ମଣ ସମ୍ପ୍ରଦାୟ ବିରୁଦ୍ଧରେ ଅପମାନଜନକ ଏବଂ ଉତ୍ତେଜନାମୂଳକ ମନ୍ତବ୍ୟ ଦେଇଥିବା ଅଭିଯୋଗରେ ଛତିଶଗଡ ମୁଖ୍ୟମନ୍ତ୍ରୀ ଭୁପେଶ ବାଗେଲଙ୍କ ପିତା ନନ୍ଦ କୁମାର ବାଗେଲଙ୍କୁ ଗିରଫ କରାଯାଇଛି । ମିଳିଥିବା ସୂଚନା ଅନୁଯାୟୀ, ଗିରଫ ପରେ ନନ୍ଦ କୁମାର ବାଗେଲଙ୍କୁ ରାୟପୁରର ଏକ କୋର୍ଟରେ ହାଜର କରାଯାଇଥିଲା । ବ୍ରାହ୍ମଣ ସମ୍ପ୍ରଦାୟ ବିରୁଦ୍ଧରେ ଅପମାନଜନକ ମନ୍ତବ୍ୟ ଦେଇଥିବାରୁ ନନ୍ଦ କୁମାରଙ୍କ ଓକିଲ ଗଜେନ୍ଦ୍ର ସୋନକର କହିଛନ୍ତି ଯେ କୋର୍ଟ ତାଙ୍କୁ 15 ଦିନିଆ ନ୍ୟାୟିକ ହେପାଜତକୁ ପଠାଇଛନ୍ତି ।

ବାପାଙ୍କ ଗିରଫଦାରୀ ଉପରେ ମୁଖ୍ୟମନ୍ତ୍ରୀ ଭୁପେଶ ବାଗେଲଙ୍କ ଠାରୁ କୌଣସି ପ୍ରତିକ୍ରିୟା ଆସି ନଥିଲା, କିନ୍ତୁ ଅତୀତରେ ଏଫ୍ଆଇଆର୍ ରୁଜୁ ହେବା ପରେ ସେ କହିଥିଲେ ଯେ, ଆଇନରୁ ଉପରେ କେହି ନୁହେଁ, ସେ ମୋ ବାପା ହୋଇ ଥାନ୍ତୁ ନା କାହିଁକି ।

ବ୍ରାହ୍ମଣ ସମାଜ ଉପରେ ମନ୍ତବ୍ୟ ଦେଇ 86 ବର୍ଷୀୟ ନନ୍ଦ କୁମାର ବାଗେଲ କହିଥିଲେ, 'ମୁଁ ଭାରତର ସମସ୍ତ ଗ୍ରାମବାସୀଙ୍କୁ ଅନୁରୋଧ କରୁଛି ଯେ ବ୍ରାହ୍ମଣମାନଙ୍କୁ ସେମାନଙ୍କ ଗ୍ରାମରେ ପ୍ରବେଶ କରିବାକୁ ଦଅନ୍ତୁ ନାହିଁ । ମୁଁ ଅନ୍ୟ ସମ୍ପ୍ରଦାୟ ସହିତ ମଧ୍ୟ କଥାବାର୍ତ୍ତା କରିବି ଯାହା ଦ୍ୱାରା ସେମାନେ (ବ୍ରାହ୍ମଣ) ମାନଙ୍କୁ ବହିଷ୍କାର କରିବେ । ସେମାନଙ୍କୁ ପୁନର୍ବାର ଭୋଲଗା ନଦୀ କୂଳକୁ ପଠାଯିବା ଆବଶ୍ୟକ ।' ତାଙ୍କ ବିବୃତ୍ତିରେ ସବର୍ଣ୍ଣ ସମ୍ପ୍ରଦାୟ ଅସନ୍ତୋଷ ପ୍ରକାଶ କରିବା ସହ ଡିଡି ନଗର ପୋଲିସ ଷ୍ଟେସନରେ ନନ୍ଦ କୁମାରଙ୍କ ବିରୋଧରେ ଅଭିଯୋଗ କରିଥିଲେ ।

#UPDATE | Chhattisgarh CM Bhupesh Baghel’s father Nand Kumar Baghel has been sent to 15-day judicial custody by a court in Raipur for allegedly making derogatory remarks against Brahmin community, says Nand Kumar's lawyer Gajendra Sonkar https://t.co/CWWR5zWal3
— ANI (@ANI) September 7, 2021

ଭୁପେଶ ବାଗେଲଙ୍କ ପିତାଙ୍କ ଉପରେ ଛତିଶଗଡ ପୋଲିସ ଧାରା 153-ଏ (ଗୋଷ୍ଠୀ ମଧ୍ୟରେ ଶତ୍ରୁତାକୁ ପ୍ରୋତ୍ସାହିତ କରିବା) ଏବଂ 505 (1) (ଖ) (ଉତ୍ତେଜା ସୃଷ୍ଟି କରିବା ମନୋଭାବ) ଅନୁଯାୟୀ ମାମଲା ରୁଜୁ କରାଯାଇଛି । ପିତାଙ୍କ ବିବୃତ୍ତିରେ ସିଏମ ବାଗେଲ କହିଛନ୍ତି ଯେ ଜଣେ ପିତା ହୋଇଥିବାରୁ ମୁଁ ତାଙ୍କୁ ସମ୍ମାନ କରେ କିନ୍ତୁ ସମାଜର ସମସ୍ତ ବର୍ଗ ମଧ୍ୟରେ ସୌହାର୍ଦ୍ଦ୍ୟ ଏବଂ ଭାଇଚାରା ବଜାୟ ରଖିବା ମୋର ମୁଖ୍ୟ ଦାୟିତ୍ୱ । ଯଦି କେହି ରାଜ୍ୟର ଶାନ୍ତି ଭଙ୍ଗ କରିବାକୁ ଚେଷ୍ଟା କରନ୍ତି, ତା'ହେଲେ ତାଙ୍କ ବିରୋଧରେ ଆଇନଗତ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ । ତାଙ୍କ ସରକାର ସମସ୍ତଙ୍କ ପାଇଁ ଛିଡା ହୋଇଛି ଏବଂ ସେହି ବ୍ୟକ୍ତି ତାଙ୍କର 86 ବର୍ଷ ବୟସ୍କା ପିତା ହୋଇଥିଲେ ମଧ୍ୟ କେହି ଆଇନଠାରୁ ଉର୍ଦ୍ଧ୍ୱରେ ନାହାଁନ୍ତି । ସେ ଆହୁରି କହିଛନ୍ତି, ଏକ ନିର୍ଦ୍ଦିଷ୍ଟ ସମ୍ପ୍ରଦାୟ ବିରୋଧରେ ମୋ ବାପା ନନ୍ଦ କୁମାର ବାଗେଲଙ୍କ ମନ୍ତବ୍ୟ ଦେଇଛନ୍ତି । ତାଙ୍କ ବିବୃତ୍ତିରେ ମୁଁ ମଧ୍ୟ ଦୁଃଖିତ ଯେ ସାମ୍ପ୍ରଦାୟିକ ଶାନ୍ତି ବିଚଳିତ ହୋଇଛି ।