ତିନି ରାଜ୍ୟରେ ବାଜିଲା ନିର୍ବାଚନୀ ବିଗୁଲ୍, ଜାଣନ୍ତୁ କେବେ ହେବ କେଉଁଠି ନିର୍ବାଚନ

ତ୍ରିପୁରାରେ 16 ଫେବୃଆରୀରେ ହେବ ନିର୍ବାଚନ । ସେହିପରି ନାଗାଲାଣ୍ଡ ଓ ମେଘାଳୟରେ ଫେବୃଆରୀ 27 ରେ ହେବ ନିର୍ବାଚନ । 2 ମାର୍ଚ୍ଚରେ ପ୍ରକାଶ ପାଇବ ଫଳାଫଳ ।

Updated: Wednesday, January 18, 2023, 15:18 [IST]

ନୂଆଦିଲ୍ଲୀ: ତିନି ରାଜ୍ୟରେ ବିଧାନସଭା ନିର୍ବାଚନ ପାଇଁ ବାଜିଲା ବିଗୁଲ୍ । ନାଗାଲାଣ୍ଡ, ତ୍ରିପୁରା ଓ ମେଘାଳୟରେ ବିଧାନସଭଆ ନିର୍ବାଚନ ନେଇ ଘୋଷଣା କରିଛନ୍ତି ମୁଖ୍ୟ ନିର୍ବାଚନ କମିଶନର ରାଜୀବ କୁମାର । ତିନି ରାଜ୍ୟରେ ଗୋଟିଏ ପର୍ଯ୍ୟାୟରେ ହେବ ନିର୍ବାଚନ । ତ୍ରିପୁରାରେ 16 ଫେବୃଆରୀରେ ହେବ ନିର୍ବାଚନ । ସେହିପରି ନାଗାଲାଣ୍ଡ ଓ ମେଘାଳୟରେ ଫେବୃଆରୀ 27 ରେ ହେବ ନିର୍ବାଚନ । 2 ମାର୍ଚ୍ଚରେ ପ୍ରକାଶ ପାଇବ ଫଳାଫଳ ।

ଏହି ତିନି ରାଜ୍ୟରେ ବିଧାନସଭାର କାର୍ଯ୍ୟକାଳ ମାର୍ଚ୍ଚ 2023 ରେ ଶେଷ ହେଉଛି । ଆସନ୍ତା ମାର୍ଚ୍ଚ 12 ରେ ନାଗାଲାଣ୍ଡ, ମାର୍ଚ୍ଚ 15 ମେଘାଳୟ ଏବଂ ମାର୍ଚ୍ଚ 22 ରେ ତ୍ରିପୁରା ର ବିଧାନସଭାର କାର୍ଯ୍ୟକାଳ ଶେଷ ହେବ । ତିନି ରାଜ୍ୟରେ 60 ଲେଖାଏଁ ବିଧାସଭା ଆସନ ଥିବା ବେଳେ ସରକାର ଗଠନ କରିବାକୁ ବହୁମତ ସଖ୍ୟା ରହିଛି 31 ।

ଏହା ବ୍ୟତୀତ ଚଳିତ ବର୍ଷ ଜାମ୍ମୁ କାଶ୍ମୀରର କେନ୍ଦ୍ରଶାସିତ ଅଞ୍ଚଳରେ ବିଧାନସଭା ନିର୍ବାଚନ ମଧ୍ୟ ହେବାର ସମ୍ଭାବନା ରହିଛି । ନଭେମ୍ବର 2018 ଠାରୁ ୟୁନିଅନ୍ ଟେରିଟୋରୀର ବିଧାନସଭା ବିଲୋପ ହୋଇଯାଇଛି । ଜାମ୍ମୁ କାଶ୍ମୀରରେ ଅନୁଷ୍ଠିତ ହେବାକୁ ଥିବା ଏହି ନିର୍ବାଚନ 2014 ଠାରୁ ପ୍ରଥମ ଏବଂ କେନ୍ଦ୍ର ଧାରା 370 ରଦ୍ଦ କରି 2019 ରେ ରାଜ୍ୟତା ପ୍ରତ୍ୟାହାର ପରେ ପ୍ରଥମ ହେବ ।