ବିଧାନସଭା ଉପ ନିର୍ବାଚନ : 6 ଟି ରାଜ୍ୟରେ ସାତୋଟି ବିଧାନସଭା ଆସନରେ ଚାଲିଛି ଭୋଟ୍ ଗ୍ରହଣ

ଉପ ନିର୍ବାଚନ ହେଉଥିବା ଆସନ ଗୁଡ଼ିକ ହେଲା ମହାରାଷ୍ଟ୍ରରେ ମୁମ୍ବାଇ ଆନ୍ଧେରି ପୂର୍ବ ଆସନ, ତେଲେଙ୍ଗାନାର ମୁନୁଗୋଡୁ, ବିହାରର ଗୋପାଳଗଞ୍ଜ ଏବଂ ମୋକାମା, ହରିୟାଣାର ଆଦମପୁର, ଉତ୍ତରପ୍ରଦେଶର ଗୋଲା ଗୋକର୍ଣ୍ଣନାଥ ଏବଂ ଓଡିଶାର ଧାମନଗର ।

ବିଧାନସଭା ଉପ ନିର୍ବାଚନ : 6 ଟି ରାଜ୍ୟର ସାତୋଟି ବିଧାନସଭା ଆସନ ପାଇଁ ଗୁରୁବାର ଦିନ ଉପ ନିର୍ବାଚନ ଅନୁଷ୍ଠିତ ହେଉଛି । ଉପ ନିର୍ବାଚନ ହେଉଥିବା ଆସନ ଗୁଡ଼ିକ ହେଲା ମହାରାଷ୍ଟ୍ରରେ ମୁମ୍ବାଇ ଆନ୍ଧେରି ପୂର୍ବ ଆସନ, ତେଲେଙ୍ଗାନାର ମୁନୁଗୋଡୁ, ବିହାରର ଗୋପାଳଗଞ୍ଜ ଏବଂ ମୋକାମା, ହରିୟାଣାର ଆଦମପୁର, ଉତ୍ତରପ୍ରଦେଶର ଗୋଲା ଗୋକର୍ଣ୍ଣନାଥ ଏବଂ ଓଡିଶାର ଧାମନଗର । ଏଥି ମଧ୍ୟରୁ ଅନେକ ଆସନରେ ଭାରତୀୟ ଜନତା ପାର୍ଟି ଏବଂ ଆଞ୍ଚଳିକ ଦଳ ମଧ୍ୟରେ ସିଧାସଳଖ ପ୍ରତିଯୋଗିତା ହେଉଚି । ନଭେମ୍ବର 6 ରେ ଭୋଟ୍ ଗଣନା କରାଯିବ ।

ମୁମ୍ବାଇର ଅନ୍ଧେରୀ ପୂର୍ବ

ଗତ ମାସରେ ବିଜେପି ପ୍ରାର୍ଥୀ ପ୍ରତ୍ୟାହାର କରିବା ପରେ ମୁମ୍ବାଇର ଆନ୍ଧେରୀ ଇଷ୍ଟ ବାଇପୋଲକୁ କେବଳ ଏକ ଆନୁଷ୍ଠାନିକ ରୂପେ ଦେଖାଯାଉଛି । ଉଦ୍ଧବ ଠାକରେଙ୍କ ନେତୃତ୍ୱାଧୀନ ଶିବସେନା ଦଳର ପ୍ରାର୍ଥୀ ରୁତୁଜା ଲାଟକେ ଅତି ସହଜରେ ବିଜୟ ହାସଲ କରିବେ ବୋଲି ଆଶା କରାଯାଉଛି ।

ତେଲେଙ୍ଗାନାରେ ମୁନୁଗୋଡ଼ୁ ଉପ ନିର୍ବାଚନ

ତିନି ପ୍ରମୁଖ ଦଳ ବିଜେପି, ଶାସକ ତେଲେଙ୍ଗାନା ରାଷ୍ଟ୍ରୀୟ ସମିତି (ଟିଆରଏସ) ଏବଂ କଂଗ୍ରେସ ତେଲେଙ୍ଗାନାର ମୁନୁଗୋଡୁ ଉପ ନିର୍ବାଚନରେ ପ୍ରତିଦ୍ୱନ୍ଦ୍ୱିତା କରୁଛନ୍ତି । କଂଗ୍ରେସ ବିଧାୟକ କୋମାତିରେଡ୍ଡୀ ରାଜ ଗୋପାଳ ରେଡ୍ଡୀ ଦଳରୁ ଇସ୍ତଫା ଦେବା ପରେ ଏହି ଆସନ ପାଇଁ ନିର୍ବାଚନ ହେଉଛି । ରାଜ ଗୋପାଳ ରେଡ୍ଡୀ ପୁଣିଥରେ ଏହି ଆସନରୁ ପ୍ରତିଦ୍ୱନ୍ଦ୍ୱିତା କରୁଛନ୍ତି କିନ୍ତୁ ଏଥର ସେ ବିଜେପି ଟିକେଟରେ ପ୍ରତିଦ୍ୱନ୍ଦ୍ୱିତା କରୁଛନ୍ତି । ତାଙ୍କ ବିରୋଧରେ ପୂର୍ବତନ ଟିଆରଏସ ବିଧାୟକ କୁସୁକୁନ୍ତଳା ପ୍ରଭାକର ରେଡ୍ଡୀ ଏବଂ କଂଗ୍ରେସର ପାଲବଇ ଶ୍ରାୱନ୍ଥୀ ମୈଦାନରେ ଅଛନ୍ତି ।

ବିହାରର ଗୋପାଳଗଞ୍ଚ

ବିହାରର ଗୋପାଳଗଞ୍ଜରେ ବିଜେପିର କୁସୁମ ଦେବୀ ଏବଂ ରାଷ୍ଟ୍ରିୟ ଜନତା ଦଳର ମୋହନ ଗୁପ୍ତାଙ୍କ ମଧ୍ୟରେ ସିଧାସଳଖ ପ୍ରତିଦ୍ୱନ୍ଦିତା ହେଉଛି । ମୋକାମାରେ ନିର୍ବାଚନ ଅନନ୍ତ ସିଂଙ୍କ ପତ୍ନୀ ଏବଂ ଆରଜେଡି ନେତା ନୀଲମ ଦେବୀ ନଳିନୀ ଏବଂ ବିଜେପିର ସୋନମ ଦେବୀଙ୍କ ମଧ୍ୟରେ ପ୍ରତିଦ୍ୱନ୍ଦିତା ହେଉଛି । ଅନନ୍ତ ସିଂହ ଅପରାଧିକ ମାମଲାରେ ଦୋଷୀ ସାବ୍ୟସ୍ତ ହେବା ପରେ ଏହି ଆସନ ଖାଲି ପଡିଥିଲା ।

ହରିୟାଣାରେ ଉପ ନିର୍ବାଚନ

ପୂର୍ବତନ ମୁଖ୍ୟମନ୍ତ୍ରୀ ଭଜନ ଲାଲଙ୍କ ପୁଅ ବିଧାୟକ କୁଲଦୀପ ବିଷ୍ଣୋଇଙ୍କ ଇସ୍ତଫା ପରେ ହରିୟାଣାର ଆଦମପୁରରେ ଉପ-ନିର୍ବାଚନ ହେଉଛି । କୁଲଦୀପ ବିଷ୍ଣୋଇ କଂଗ୍ରେସ ଛାଡି ବିଜେପିରେ ଯୋଗ ଦେଇଥିଲେ । ଏହି ଆସନରେ ସିଧାସଳଖ ପ୍ରତିଯୋଗିତା ବିଜେପି ଏବଂ କଂଗ୍ରେସ ମଧ୍ୟରେ ରହିଛି । ଏହି ଆସନ ପାଇଁ 22 ଜଣ ପ୍ରାର୍ଥୀ ନିର୍ବାଚନୀ ମୈଦାନରେ ଅଛନ୍ତି । କଂଗ୍ରେସ ପୂର୍ବତନ କେନ୍ଦ୍ର ମନ୍ତ୍ରୀ ହିସାରରୁ ତିନିଥର ସାଂସଦ ରହିଥିବା ଜୟ ପ୍ରକାଶଙ୍କୁ ପ୍ରାର୍ଥଈ କରିଛି । ବିଜେପିରୁ ଅଲଗା ହୋଇଥିବା ସତେନ୍ଦ୍ର ସିଂହ ଙ୍କୁ ଆମ୍ ଆଦମୀ ପାର୍ଟି ପ୍ରାର୍ଥୀ କରିଛି । 2019 ରେ ବିଷ୍ଣୋଇ ବିଜେପିର ସୋନାଲି ଫୋଗାଟଙ୍କୁ ପରାସ୍ତ କରିଥିଲେ ।

ଉତତ୍ରପ୍ରଦେଶରେ ବିଜେପି ବନାମ ସପା

ଉତ୍ତରପ୍ରଦେଶର ଲକ୍ଷ୍ମୀପୁର ଖେରୀର ଗୋଲା ଗୋକର୍ଣ୍ଣନାଥ ନିର୍ବାଚନମଣ୍ଡଳୀରେ ବିଜେପି ଏବଂ ସମାଜବାଦୀ ପାର୍ଟି ମଧ୍ୟରେ ସିଧାସଳଖ ଟକ୍କର ଦେଖିବାକୁ ମିଳିଛି । ବିଏସପି ଏବଂ କଂଗ୍ରେସ ନିଜ ପ୍ରାର୍ଥୀ ଦେଇ ନାହାଁନ୍ତି । ସେପ୍ଟେମ୍ବର 6 ରେ ବିଜେପି ବିଧାୟକ ଅରବିନ୍ଦ ଗିରିଙ୍କ ଦେହାନ୍ତ ପରେ ଏହି ଆସନ ପାଇଁ ନିର୍ବାଚନ ହେଉଛି । ଏହି ଆସନରୁ ଅରବିନ୍ଦ ଗିରିଙ୍କ ପୁଅ ଅମନ ଗିରି ଏବଂ ପୂର୍ବତନ ଏସପି ବିଧାୟକ ବିନୟ ତିୱାରୀ ନିର୍ବାଚନୀ ମୈଦାନରେ ଅଛନ୍ତି ।

ଓଡ଼ିଶାର ଧାମନଗରରେ ତ୍ରିକୋଣୀୟ ଟକ୍କର

ସେପ୍ଟେମ୍ବର 19 ରେ ବିଜେପି ବିଧାୟକ ବିଷ୍ଣୁ ଚରଣ ସେଠୀଙ୍କ ଦେହାନ୍ତ ପରେ ଏହି ଆସନ ଖାଲି ପଡ଼ିଥିଲା । ଏନେଇ ଆଜି ଧାମନଗର ଆସନରେ ଉପ-ନିର୍ବାଚନ ହେଉଛି । ଏହି ଆସନରୁ ବିଜେପିର ପୂର୍ବତନ ବିଧାୟକ ବିଷ୍ଣୁ ଚରଣ ସେଠୀଙ୍କ ପୁଅ ସୂର୍ଯ୍ୟବଂଶୀ ସୁରଜଙ୍କୁ ଦଳ ଟିକେଟ ଦେଇଛି । ଏଥି ସହ ଶାସକ ବିଜୁ ଜନତା ଦଳ ଏହି ଆସନରୁ ଅବନ୍ତୀ ଦାସଙ୍କୁ ପ୍ରାର୍ଥୀ କରିଛି । କଂଗ୍ରେସ ଆଡଭୋକେଟ ବାବା ହରେକୃଷ୍ଣ ସେଠୀଙ୍କୁ ଫିଲ୍ଡ କରିଥିବାବେଳେ ପୂର୍ବତନ ବିଜେଡି ବିଧାୟକ ରାଜେନ୍ଦ୍ର ଦାସ ସ୍ୱାଧୀନ ପ୍ରାର୍ଥୀ ଭାବେ ଉଭୟ ବିଜେପି ଓ ବିଜେଡ଼ିକୁ ଟକ୍କର ଦେଉଛନ୍ତି ।

English summary

Assembly By poll in Seven seats of Six States